ರಾಜ್ಯದಲ್ಲಿ ಮತ್ತೆ ಅಧಿಕಾರಕ್ಕೆ ಬರಲು ಕೈಹಿಡಿದ ಗ್ಯಾರಂಟಿಗಳನ್ನು ಮೊದಲ ಅವಧಿಯಲ್ಲೇ ಜಾರಿಗೊಳಿಸಿರುವ ಸರ್ಕಾರ ಲೋಕಸಭಾ ಚುನಾವಣೆ ಹೊಸ್ತಿಲಲ್ಲಿ ಮಂಡಿ ಸುತ್ತಿರುವ ಬಜೆಟ್‌ನಲ್ಲಿ ಮೂಲಸೌಕರ್ಯಕ್ಕೆ ಹೆಚ್ಚಿನ ಒತ್ತು ನೀಡುವ ನಿರೀಕ್ಷೆ ಇದೆ.
ಕಾಂಗ್ರೆಸ್‌ ಪ್ರತಿಪಾದಿಸಿಕೊಂಡು ಬಂದಿರುವ 'ಅಹಿಂದ' ವರ್ಗದ ಕಲ್ಯಾಣಕ್ಕೂ ಹೊಸ ಯೋಜನೆಗಳ ಘೋಷಣೆಯ ಸಾಧ್ಯತೆ ಇದೆ. ಸರ್ಕಾರ ಮೊದಲ 10 ತಿಂಗಳಲ್ಲಿ ಗ್ಯಾರಂಟಿ ಜಾರಿಗಷ್ಟೇ ಒತ್ತು ನೀಡಿದೆ ಎಂಬ ಭಾವನೆ ಜನರಲ್ಲಿದೆ. ಹಾಗಾಗಿ ಈ ಆಯವ್ಯಯದಲ್ಲಿ ಗ್ಯಾರಂಟಿ ಹೊರತಾಗಿ ದೊಡ್ಡ ಜನಸಮೂಹಕ್ಕೆ ನೆರವಾಗುವಂತಹ ಕಾರ್ಯಕ್ರಮಗಳನ್ನು ಪ್ರಕಟಿಸುವ ನಿರೀಕ್ಷೆಯೂ ಇದೆ.
ಕಣ್ಣಿಗೆ ಕಾಣು ವಂತಹ ಅಭಿವೃದ್ಧಿ ಕಾರ್ಯಗಳನ್ನು ಘೋಷಿಸಿ ಆ ಮೂಲಕ ಸರ್ಕಾರದ ಬಗ್ಗೆ ಸದಾಶಯ ಮೂಡಿಸುವಂತಹ ಪ್ರಯತ್ನ ನಡೆಯುವ ಸಾಧ್ಯತೆ ಇದೆ. ಜತೆಗೆ ಜಿಎಸ್‌ಟಿ ವೃದ್ಧಿ, ಸೇವಾ ವಲಯದ ಉತ್ತೇಜನಕ್ಕೆ ಪೂರಕವಾಗಿ ಹೊಸ ಕೈಗಾರಿಕಾ ಕಾರಿ ಡಾರ್‌ಗಳ ಘೋಷಣೆಯ ನಿರೀಕ್ಷೆಯೂ ಇದೆ. ಇತ್ತ ದೊಡ್ಡ ಜಿಲ್ಲೆಗಳಾದ ಬೆಳಗಾವಿ ಹಾಗೂ ತುಮಕೂರು ಜಿಲ್ಲೆಗಳನ್ನು ವಿಭಜಿಸಿ ಹೊಸ ಜಿಲ್ಲೆ ಘೋಷಣೆ ಮಾಡಬಹುದು ಎಂಬ ಚರ್ಚೆಗಳು ಕೇಳಿಬಂದಿವೆ.
