ರಾಯಿಟರ್ಸ್ ವರದಿಯ ಪ್ರಕಾರ, ಹ್ಯುಂಡೈ ಮೋಟಾರ್ ಈ ಐಪಿಒ ದಲ್ಲಿ ಹೊಸ ಷೇರುಗಳನ್ನು ವಿತರಿಸುತ್ತಿಲ್ಲ. ದಕ್ಷಿಣ ಕೊರಿಯಾ ಮೂಲದ ಈ ಕಂಪನಿಯು ತನ್ನ ಸಂಪೂರ್ಣ ಸ್ವಾಮ್ಯದ ಘಟಕದಲ್ಲಿನ ಷೇರುಗಳನ್ನು ಚಿಲ್ಲರೆ ಮತ್ತು ಇತರ ಹೂಡಿಕೆದಾರರಿಗೆ ಆಫರ್ ಫಾರ್ ಸೇಲ್ (OFS) ಮೂಲಕ ಮಾರಾಟ ಮಾಡಲಿದೆ.
ಹ್ಯುಂಡೈ ಮೋಟರ್‌ನ ಐಪಿಒ ಬಿಡುಗಡೆಗೂ ಮುನ್ನ ಹೂಡಿಕೆದಾರರು ತಿಳಿಯಬೇಕಾದ ಮಾಹಿತಿ
1. ಹ್ಯುಂಡೈ ಮೋಟರ್‌ ಕಂಪನಿಯು 28 ವರ್ಷಗಳ ಹಿಂದೆ ಭಾರತವನ್ನು ಪ್ರವೇಶಿಸಿತು. ಕಂಪನಿಯು ಹೊಸ ಎಲೆಕ್ಟ್ರಿಕ್ ವಾಹನಗಳನ್ನು ಪರಿಚಯಿಸಲು, ಚಾರ್ಜಿಂಗ್ ಸ್ಟೇಷನ್‌ಗಳನ್ನು ಸ್ಥಾಪಿಸಲು ಮತ್ತು ಬ್ಯಾಟರಿ ಪ್ಯಾಕ್ ಅಸೆಂಬ್ಲಿ ಘಟಕವನ್ನು ಸ್ಥಾಪಿಸಲು ಯೋಜಿಸುತ್ತಿದೆ.2. ಹ್ಯುಂಡೈ ಮೋಟರ್‌ನ ಭಾರತೀಯ ಘಟಕವು ಶನಿವಾರ ಮುಂಬೈನಲ್ಲಿ ಸ್ಟಾಕ್ ಎಕ್ಸ್‌ಚೇಂಜ್‌ನಲ್ಲಿ ಲಿಸ್ಟಿಂಗ್‌ ಮಡುವ ಕುರಿತು ಸೆಬಿಯ ಅನುಮೋದನೆಯನ್ನು ಕೋರಿದೆ. ಇದು ದೇಶದ ಅತಿದೊಡ್ಡ IPO ಆಗಬಹುದು ಎನ್ನಲಾಗುತ್ತಿದೆ. ಇದು ದಕ್ಷಿಣ ಕೊರಿಯಾದ ಮೂಲ ಕಂಪನಿಯಲ್ಲಿ 17.5% ಷೇರುಗಳನ್ನು ಮಾರಾಟ ಮಾಡಲಿದೆ. ಮಾರುತಿ ಸುಜುಕಿ ಕಂಪನಿಯು 2003ರಲ್ಲಿ IPO ತೆರೆದಿತ್ತು. ಇದಾದ ಎರಡು ದಶಕಗಳ ನಂತರ ಭಾರತದಲ್ಲಿ ಐಪಿಒ ತೆರೆಯುತ್ತಿರುವ ಮೊದಲ ಕಾರು ತಯಾರಕ ಕಂಪನಿ ಹ್ಯುಂಡೈ ಆಗಿದೆ.
3. IPO ಪ್ರೈಸ್‌ ಬ್ಯಾಂಡ್‌ - ಹ್ಯುಂಡೈ ಕಂಪನಿಯು ಸೆಬಿಗೆ ಸಲ್ಲಿಸಿರುವ ಕರಡು ಪ್ರತಿಯಲ್ಲಿ IPOನ ಬೆಲೆ ಅಥವಾ ಕಂಪನಿಯ ಮೌಲ್ಯಮಾಪನವನ್ನು ವಿವರಿಸಿಲ್ಲ.
4. ಎಲ್‌ಐಸಿಯು 2022 ರಲ್ಲಿ $ 2.5 ಬಿಲಿಯನ್ ಮೊತ್ತದ ಐಪಿಒ ಆರಂಭಿಸಿತ್ತು. ಇದು ದೇಶದ ಇದುವರೆಗಿನ ಅತಿದೊಡ್ಡ ಐಪಿಒ ಆಗಿದೆ. ಇದೀಗ ಹ್ಯುಂಡೈ ಈ ದಾಖಲೆಯನ್ನು ಮುರಿಯಲು ಸಜ್ಜಾಗಿದೆ.
5. ಐಪಿಒದಲ್ಲಿ ಹುಂಡೈ ಹೊಸ ಷೇರುಗಳನ್ನು ವಿತರಿಸುತ್ತಿಲ್ಲ. ಬದಲಾಗಿ, ದಕ್ಷಿಣ ಕೊರಿಯಾದಲ್ಲಿನ ಮೂಲ ಕಂಪನಿಯಲ್ಲಿನ ಷೇರುಗಳನ್ನು ಚಿಲ್ಲರೆ ಮತ್ತು ಇತರ ಹೂಡಿಕೆದಾರರಿಗೆ ಆಫರ್ ಫಾರ್ ಸೇಲ್ (OFS) ಮೂಲಕ ಮಾರಾಟ ಮಾಡಲಿದೆ.
6. ಇದರಲ್ಲಿ 50% ಷೇರುಗಳನ್ನು ಅರ್ಹ ಸಾಂಸ್ಥಿಕ ಖರೀದಿದಾರರಿಗೆ (QIBs), 35% ಷೇರುಗಳನ್ನು ಚಿಲ್ಲರೆ ವೈಯಕ್ತಿಕ ಹೂಡಿಕೆದಾರರಿಗೆ (RIIs) ಮತ್ತು 15% ಷೇರುಗಳನ್ನು ಸಾಂಸ್ಥಿಕ ಹೂಡಿಕೆದಾರರಿಗೆ (NIIs) ವಿತರಿಸಲಾಗುತ್ತದೆ.
7. ಕೋಟಕ್ ಮಹೀಂದ್ರಾ ಕ್ಯಾಪಿಟಲ್ ಕಂಪನಿ, ಸಿಟಿಗ್ರೂಪ್ ಗ್ಲೋಬಲ್ ಮಾರ್ಕೆಟ್ಸ್ ಇಂಡಿಯಾ, ಎಚ್‌ಎಸ್‌ಬಿಸಿ ಸೆಕ್ಯುರಿಟೀಸ್ ಮತ್ತು ಕ್ಯಾಪಿಟಲ್ ಮಾರ್ಕೆಟ್ಸ್ (ಇಂಡಿಯಾ), ಜೆಪಿ ಮೋರ್ಗಾನ್ ಇಂಡಿಯಾ ಮತ್ತು ಮೋರ್ಗಾನ್ ಸ್ಟಾನ್ಲಿ ಇಂಡಿಯಾ ಈ ಐಪಿಒಗೆ ಬುಕ್-ರನ್ನಿಂಗ್ ಲೀಡ್ ಮ್ಯಾನೇಜರ್‌ಗಳಾಗಿವೆ.
8. ಕೆಫೀನ್ ಟೆಕ್ನಾಲಜೀಸ್ ಈ ಐಪಿಒದ ರಿಜಿಸ್ಟ್ರಾರ್‌ ಆಗಿರಲಿದೆ.
9. FY24 ರಲ್ಲಿನ ಪ್ರಯಾಣಿಕರ ಮಾರಾಟದ ಪ್ರಮಾಣದಲ್ಲಿ ಮಾರುತಿ ಸುಜುಕಿ ಮೊದಲ ಸ್ಥಾನದಲ್ಲಿದ್ದರೆ, ಹ್ಯುಂಡೈ ಮೋಟಾರ್ ಇಂಡಿಯಾ ಲಿ. ಭಾರತದ 2ನೇ ಅತಿದೊಡ್ಡ ಕಾರು ತಯಾರಕ ಕಂಪನಿಯಾಗಿದೆ.
