Market Highlights: ಹೊಸ ದಾಖಲೆ ಬರೆದ ಷೇರುಪೇಟೆ, 79 ಸಾವಿರ ದಾಟಿದ ಸೆನ್ಸೆಕ್ಸ್, 24044ರಲ್ಲಿ ಮುಚ್ಚಿದ ನಿಫ್ಟಿ

Stock Market Highlights June 27: ಭಾರತೀಯ ಷೇರು ಮಾರುಕಟ್ಟೆ ಭಾರೀ ಏರಿಕೆಯೊಂದಿಗೆ ಮುಚ್ಚಿದ್ದು, ಹೊಸ ದಾಖಲೆ ಬರೆದಿದೆ. ಬಿಎಸ್‌ಇ ಸೆನ್ಸೆಕ್ಸ್ 569 ಪಾಯಿಂಟ್ಸ್‌ ಏರಿಕೆಯೊಂದಿಗೆ 79,243ರಲ್ಲಿ ವಹಿವಾಟು ಮುಗಿಸಿದೆ. ನಿಫ್ಟಿ ಕೂಡ 176 ಪಾಯಿಂಟ್ಸ್‌ ಏರಿಕೆಯೊಂದಿಗೆ 24044 ಪಾಯಿಂಟ್ಸ್‌ಗೆ ತಲುಪಿದೆ.

ಹೊಸದಿಲ್ಲಿ: ಭಾರತೀಯ ಷೇರುಪೇಟೆ ಗುರುವಾರ ಉತ್ತಮ ಏರಿಕೆಯೊಂದಿಗೆ ವಹಿವಾಟು ಮುಗಿಸಿದೆ. ಬಿಎಸ್‌ಇ ಸೆನ್ಸೆಕ್ಸ್ 569 ಪಾಯಿಂಟ್ಸ್ ಏರಿಕೆಯೊಂದಿಗೆ 79,243ರಲ್ಲಿ ಮುಚ್ಚಿದೆ. ಎನ್‌ಎಸ್‌ಇ ನಿಫ್ಟಿ ಕೂಡ 176 ಪಾಯಿಂಟ್ಸ್‌ ಏರಿಕೆಯೊಂದಿಗೆ 24044ಕ್ಕೆ ತಲುಪಿದೆ. ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಏರಿಕೆಯ ನಡುವೆ ರೂಟ್ ಮೊಬೈಲ್, ಇಂಡಿಯಾ ಸಿಮೆಂಟ್ಸ್, ಮಜಗಾಂವ್ ಡಾಕ್ ಮತ್ತು ವರ್ಲ್‌ಪೂಲ್ ಇಂಡಿಯಾ ಷೇರುಗಳು ಭರ್ಜರಿ ಏರಿಕೆ ದಾಖಲಿಸಿವೆ. ಆದರೆ, ದೀಪಕ್ ಫರ್ಟಿಲೈಸರ್, ಆರ್ಚಿನ್ ಕೆಮಿಕಲ್, ಈಕ್ವಿಟಾಸ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಮತ್ತು ಫ್ಯಾಕ್ಟ್ ಷೇರುಗಳು ಕುಸಿತ ಕಂಡು ಟಾಪ್‌ ಲೂಸರ್ಸ್‌ ಎನಿಸಿವೆ.

ಆರ್‌ಐಎಲ್ ಮತ್ತು ಐಟಿ ಷೇರುಗಳಲ್ಲಿ ಭಾರೀ ಖರೀದಿ ನಡೆದಿದೆ. ಗುರುವಾರದ ಸೆಷನ್‌ನಲ್ಲಿ ನಿಫ್ಟಿ ಐಟಿ ಸೂಚ್ಯಂಕ ಶೇ.2ಕ್ಕಿಂತ ಹೆಚ್ಚು ಏರಿಕೆ ಕಂಡರೆ, ನಿಫ್ಟಿ ಮಿಡ್‌ಕ್ಯಾಪ್ 100 ಮತ್ತು ನಿಫ್ಟಿ ಎಫ್‌ಎಂಸಿಜಿ ಮತ್ತು ನಿಫ್ಟಿ ಫೈನಾನ್ಷಿಯಲ್ ಸರ್ವೀಸಸ್ ಸೂಚ್ಯಂಕಗಳು ಸಹ ಕನಿಷ್ಠ ಲಾಭ ದಾಖಲಿಸಿದವು. ಆದರೆ, ನಿಫ್ಟಿ ಫಾರ್ಮಾ, ನಿಫ್ಟಿ ಬ್ಯಾಂಕ್ ಮತ್ತು ಬಿಎಸ್‌ಇ ಸ್ಮಾಲ್ ಕ್ಯಾಪ್ ಸೂಚ್ಯಂಕಗಳು ಕುಸಿತದಲ್ಲಿ ಮುಚ್ಚಿವೆ.

RIL ಮತ್ತು IT ಷೇರುಗಳಲ್ಲಿ ಭಾರೀ ಏರಿಕೆ

ಗುರುವಾರ ಮತ್ತೊಮ್ಮೆ ಷೇರುಪೇಟೆಯಲ್ಲಿ ದಾಖಲೆಯ ಏರಿಕೆ ದಾಖಲಾಗಿದೆ. ಬಿಎಸ್‌ಇ ಸೆನ್ಸೆಕ್ಸ್ 79000 ದಾಟಿದರೆ, ನಿಫ್ಟಿ 24000 ಮಟ್ಟವನ್ನು ದಾಟಿದೆ. ಈ ಸಂದರ್ಭದಲ್ಲಿ ರಿಲಯನ್ಸ್ ಇಂಡಸ್ಟ್ರೀಸ್ ಲಿ. ಮತ್ತು ಐಟಿ ಕಂಪನಿ ಷೇರುಗಳು ಬಂಪರ್ ಏರಿಕೆ ಕಂಡಿವೆ. ಈ ಷೇರು ತನ್ನ ಸಾರ್ವಕಾಲಿಕ ಗರಿಷ್ಠ ಮಟ್ಟ ತಲುಪಿದೆ. ರೈಲ್ ವಿಕಾಸ್ ನಿಗಮ್ ಲಿಮಿಟೆಡ್ ( RVNL) ನಾರ್ತ್ ಸೆಂಟ್ರಲ್ ರೈಲ್ವೆಯಿಂದ 72.5 ಕೋಟಿ ಮೌಲ್ಯದ ಆರ್ಡರ್ ಪಡೆದಿದ್ದು, ಸಾಧಾರಣ ಏರಿಕೆ ಕಂಡಿವೆ.

ಟಿಟಾಘರ್ ರೈಲ್ವೇ ಷೇರುಗಳು ಭಾರೀ ಜಿಗಿತ

ಕಳೆದ ಎರಡು ದಿನಗಳಲ್ಲಿ, ಟಿಟಾಘರ್ ರೈಲ್ವೆ ಷೇರುಗಳು ಶೇ.17 ರಷ್ಟು ಹೆಚ್ಚಾಗಿದೆ. ಟಿಟಾಗಢ ರೈಲಿನ 9 ಲಕ್ಷಕ್ಕೂ ಹೆಚ್ಚು ಷೇರುಗಳನ್ನು ಬ್ಲ್ಯಾಕ್‌ರಾಕ್ ಖರೀದಿಸಿದೆ. ಇದರೊಂದಿಗೆ, ಕೋಲ್ಕತ್ತಾ ಕಂಪನಿಯ ಟಿಟಾಗರ್ ರೈಲ್‌ನ ಷೇರುಗಳ ಬೆಲೆ 52 ವಾರಗಳ ಹೊಸ ಗರಿಷ್ಠ ಮಟ್ಟ ತಲುಪಿದೆ.

ಕುಸಿತ ಕಂಡ ಷೇರುಗಳು

ಗುರುವಾರ ಷೇರು ಮಾರುಕಟ್ಟೆಯಲ್ಲಿ ಕುಸಿತ ಕಂಡ ಷೇರುಗಳಲ್ಲಿ ರೈಟ್ಸ್ ಲಿ., ಭಾರತ್ ಹೆವಿ ಎಲೆಕ್ಟ್ರಿಕಲ್ಸ್ ಲಿ., ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿ., ಐಆರ್‌ಇಡಿಎ, ಕಂಟೈನರ್ ಕಾರ್ಪೊರೇಷನ್, ಭಾರತ್ ಅರ್ಥ್ ಮೂವರ್ಸ್ ಲಿ., ಗ್ರೇಟ್ ಈಸ್ಟರ್ನ್ ಶಿಪ್ಪಿಂಗ್, ಕೋಲ್ ಇಂಡಿಯಾ ಲಿ., ಇಂಡಿಯನ್ ರೈಲ್ವೇ ಫೈನಾನ್ಸ್ ಕಾರ್ಪೊರೇಷನ್, ಇರ್ಕಾನ್ ಸೇರಿವೆ ಇಂಟರ್‌ನ್ಯಾಶನಲ್, ಭಾರತ್ ಎಲೆಕ್ಟ್ರಾನಿಕ್ಸ್, ಎನ್‌ಎಚ್‌ಪಿಸಿ ಲಿಮಿಟೆಡ್, ಎನ್‌ಎಂಡಿಸಿ, ರೈಲ್‌ಟೆಲ್ ಮತ್ತು ವೆಸ್ಟ್ ಕೋಸ್ಟ್ ಪೇಪರ್ ಷೇರುಗಳು ಕುಸಿತ ದಾಖಲಿಸಿವೆ.

ಗುರುವಾರ ಈ ಷೇರುಗಳು ಉತ್ತಮ ಲಾಭ ಗಳಿಸಿದವು

ಮಜಗಾಂವ್ ಡಾಗ್, ಟ್ಯಾಕ್ಸ್‌ಮಾಕೊ ರೈಲು, ಟಿಟಾಗಢ್ ರೈಲು, ಎನ್‌ಟಿಪಿಸಿ, ಎಸ್‌ಜೆವಿಎನ್, ಗೇಲ್ ಇಂಡಿಯಾ, ಗಾರ್ಡನ್ ರೀಚ್ ಶಿಪ್ ಬಿಲ್ಡರ್, ಕೊಚ್ಚಿನ್ ಶಿಪ್‌ಯಾರ್ಡ್, ಪವರ್ ಗ್ರಿಡ್ ಕಾರ್ಪೊರೇಷನ್, ಭಾರತ್ ಡೈನಾಮಿಕ್ಸ್ ಮತ್ತು ರೈಲ್ ವಿಕಾಸ್ ನಿಗಮ್ ಲಿ. ಸಾಧಾರಣ ಲಾಭವನ್ನು ದಾಖಲಿಸಿವೆ. ಗುರುವಾರ ಗೌತಮ್ ಅದಾನಿ ಗ್ರೂಪ್‌ನ 10 ಲಿಸ್ಟೆಡ್ ಕಂಪನಿಗಳ ಪೈಕಿ 6 ಷೇರುಗಳು ಗ್ರೀನ್‌ ಮಾರ್ಕ್‌ನಲ್ಲಿ ಮುಚ್ಚಿವೆ. ನಾಲ್ಕು ಕಂಪನಿಗಳ ಷೇರು ದುರ್ಬಲತೆ ದಾಖಲಿಸಿವೆ. ಎಚ್‌ಸಿಎಲ್ ಟೆಕ್, ಏಷ್ಯನ್ ಪೇಂಟ್ಸ್, ಅಶೋಕ್ ಲೇಲ್ಯಾಂಡ್, ಕೊಟಕ್ ಮಹೀಂದ್ರಾ ಬ್ಯಾಂಕ್, ಟಿಸಿಎಸ್, ಇನ್ಫೋಸಿಸ್ ಮತ್ತು ವಿಪ್ರೋ ಷೇರುಗಳು ಗುರುವಾರ ಉತ್ತಮ ಗಳಿಕೆ ದಾಖಲಿಸಿವೆ.