ಬುಧವಾರ (ಜೂನ್‌ 19) ಈ ಮೂರು ಷೇರು ಖರೀದಿಗೆ ವೈಶಾಲಿ ಪರೇಖ್ ಶಿಫಾರಸು

Vaishali Parekh Stock picks: ವೈಶಾಲಿ ಪರೇಖ್ ಅವರು ಇಂದು ಜೂನ್‌ 19ರ ಬುಧವಾರ ಖರೀದಿಸಲು ಮೂರು ಷೇರುಗಳನ್ನು ಶಿಫಾರಸು ಮಾಡಿದ್ದಾರೆ. ಜಿಎನ್‌ಎಫ್‌ಸಿ, ಇಂಡಸ್‌ಇಂಡ್ ಬ್ಯಾಂಕ್ ಮತ್ತು ಮಣಪ್ಪುರಂ ಫೈನಾನ್ಸ್ ಷೇರುಗಳಿಗೆ ಖರೀದಿ ರೇಟಿಂಗ್‌ ನೀಡಿದ್ದು, ಇವುಗಳ ಟಾರ್ಗೆಟ್ ಬೆಲೆ ಮತ್ತು ಸ್ಟಾಪ್‌ಲಾಸ್‌ ವಿವರ ಇಲ್ಲಿದೆ.

ಜಾಗತಿಕ ಮಾರುಕಟ್ಟೆಗಳಿಂದ ಉತ್ತಮ ಸೂಚನೆಗಳಿದ್ದು, ಭಾರತೀಯ ಷೇರು ಮಾರುಕಟ್ಟೆಯು ಕಳೆದ ನಾಲ್ಕು ಸೆಷನ್‌ಗಳಿಂದ ಸತತ ಏರಿಕೆ ದಾಖಲಿಸಿದೆ. ಮಂಗಳವಾರದ ವಹಿವಾಟಿನಲ್ಲಿ ನಿಫ್ಟಿ ಸೂಚ್ಯಂಕ 92 ಪಾಯಿಂಟ್ಸ್‌ ಏರಿಕೆ ಕಂಡು 23,557ಕ್ಕೆ ಕೊನೆಗೊಂಡರೆ, ಬಿಎಸ್‌ಇ ಸೆನ್ಸೆಕ್ಸ್ 308 ಪಾಯಿಂಟ್ಸ್‌ ಏರಿಕೆ ಕಂಡು 77,301 ಕ್ಕೆ ಕೊನೆಗೊಂಡಿತು. ಬ್ಯಾಂಕ್ ನಿಫ್ಟಿ ಸೂಚ್ಯಂಕ 438 ಪಾಯಿಂಟ್ಸ್‌ ಏರಿಕೆ ಕಂಡು 50,440ಕ್ಕೆ ಕೊನೆಗೊಂಡಿತು. ನಗದು ಮಾರುಕಟ್ಟೆಯ ಪ್ರಮಾಣವು ಶೇ 6ರಷ್ಟು ಏರಿಕೆಯಾಗಿ ₹1.43 ಲಕ್ಷ ಕೋಟಿಗೆ ತಲುಪಿದೆ.

ವೈಶಾಲಿ ಪರೇಖ್ ಅವರ ಷೇರು ಖರೀದಿ ಸಲಹೆಗಳು

ನಿಫ್ಟಿ ಸೂಚ್ಯಂಕವು ಕಳೆದ 4-5 ಸೆಷನ್‌ಗಳಿಂದ ಏರಿಕೆಯಾಗುತ್ತಿದೆ ಎಂದು ಪ್ರಭುದಾಸ್ ಲಿಲ್ಲಾಧರ್ ಬ್ರೋಕರೇಜ್‌ ಸಂಸ್ಥೆಯ ಟೆಕ್ನಿಕಲ್‌ ರಿಸರ್ಚ್‌ ವಿಭಾಗದ ಉಪಾಧ್ಯಕ್ಷ ವೈಶಾಲಿ ಪರೇಖ್ ಅಭಿಪ್ರಾಯಪಟ್ಟಿದ್ದಾರೆ. ಪ್ರಸ್ತುತ ಭಾರತೀಯ ಷೇರು ಮಾರುಕಟ್ಟೆ ಸಕಾರಾತ್ಮಕವಾಗಿದೆ ಮತ್ತು ನಿಫ್ಟಿಯು ಅಲ್ಪಾವಧಿಯಲ್ಲೇ 23,800ರ ಗುರಿಯತ್ತ ಸಾಗುತ್ತಿದೆ ಎಂದು ತಿಳಿಸಿದ್ದಾರೆ. ನಿಫ್ಟಿ 23,800ಟ ಮಟ್ಟವನ್ನು ದಾಟಿದರೆ ಅಲ್ಪಾವಧಿಯಲ್ಲಿ 24,500ರ ಟಾರ್ಗೆಟ್‌ ತಲುಪಬಹುದು ಎಂದು ಅವರು ಹೇಳಿದರು.

ಇಂದು ಬುಧವಾರ (ಜೂನ್‌ 19) ಈ ಮೂರು ಷೇರುಗಳ ಖರೀದಿ ಅಥವಾ ಮಾರಾಟಕ್ಕೆ ವೈಶಾಲಿ ಪರೇಖ್ ಶಿಫಾರಸು ಮಾಡಿದ್ದಾರೆ: GNFC, ಇಂಡಸ್‌ಲ್ಯಾಂಡ್‌ ಬ್ಯಾಂಕ್ ಮತ್ತು ಮಣಪ್ಪುರಂ ಫೈನಾನ್ಸ್ ಷೇರುಗಳಿಗೆ ಖರೀದಿ ರೇಟಿಂಗ್ ನೀಡಿದ್ದು, ಈ ಷೇರುಗಳ ಟಾರ್ಗೆಟ್‌ ಬೆಲೆ ಮತ್ತು ಸ್ಟಾಪ್‌ಲಾಸ್‌ ವಿವಿರ ಇಲ್ಲಿದೆ.

ವೈಶಾಲಿ ಪರೇಖ್ ಅವರ ಷೇರು ಸಲಹೆ

1] ಜಿಎನ್‌ಎಫ್‌ಸಿ- GNFC

ಖರೀದಿ ಬೆಲೆ: ₹703.20
ಟಾರ್ಗೆಟ್‌ ಬೆಲೆ: ₹737
ಸ್ಟಾಪ್‌ಲಾಸ್‌: ₹688

2] ಇಂಡಸ್‌ಲ್ಯಾಂಡ್‌ ಬ್ಯಾಂಕ್

ಖರೀದಿ ಬೆಲೆ: ₹1508
ಟಾರ್ಗೆಟ್‌ ಬೆಲೆ: ₹1560
ಸ್ಟಾಪ್‌ಲಾಸ್‌: ₹1475

3] ಮಣಪ್ಪುರಂ ಫೈನಾನ್ಸ್

ಖರೀದಿ ಬೆಲೆ: ₹191.75
ಟಾರ್ಗೆಟ್‌ ಬೆಲೆ: ₹201
ಸ್ಟಾಪ್ ಲಾಸ್: ₹187