ಆರೋಗ್ಯ ವಿಮೆ ಮಾರಾಟಕ್ಕೆ ಸಿದ್ಧತೆ ನಡೆಯುತ್ತಿದೆ
ಎಲ್ಐಸಿ ಅಧ್ಯಕ್ಷ ಸಿದ್ಧಾರ್ಥ್ ಮೊಹಂತಿ ಮಾತನಾಡಿ, ಎಲ್ಐಸಿ ಶೀಘ್ರದಲ್ಲೇ ಆರೋಗ್ಯ ವಿಮೆಯನ್ನು ಪ್ರಾರಂಭಿಸಲಿದೆ. ಆರೋಗ್ಯ ವಿಮಾ ಯೋಜನೆಗಳನ್ನು ಪರಿಚಯಿಸಲು ಭರದಿಂದ ಸಿದ್ಧತೆ ಸಾಗುತ್ತಿದೆ. ಇದಕ್ಕಾಗಿ ಎಲ್ಐಸಿ ಇತರ ಆರೋಗ್ಯ ವಿಮಾ ಕಂಪನಿಗಳನ್ನು ಸ್ವಾಧೀನಪಡಿಸಿಕೊಳ್ಳಬಹುದು. ಅದರ ನಂತರ LIC ತನ್ನ ಗ್ರಾಹಕರಿಗೆ ಉತ್ತಮ ಆರೋಗ್ಯ ವಿಮಾ ಉತ್ಪನ್ನಗಳನ್ನು ತರಲಿದೆ ಎಂದು ಹೇಳಿದ್ದಾರೆ.IRDAI ನಿಯಮಗಳೇನು?
ಪ್ರಸ್ತುತ ಜಾರಿಯಲ್ಲಿರುವ ನಿಯಮಗಳ ಪ್ರಕಾರ ಒಂದೇ ಕಂಪನಿಯು ಜೀವ ವಿಮೆ ಮತ್ತು ಆರೊಗ್ಯ ವಿಮೆ ಎರಡನ್ನೂ ಮಾರಾಟ ಮಾಡಲು ಸಾಧ್ಯವಿಲ್ಲ. ವಿಮಾ ಕಾಯಿದೆ 1938 ಮತ್ತು ಭಾರತೀಯ ವಿಮಾ ನಿಯಂತ್ರಣ ಅಭಿವೃದ್ಧಿ ಪ್ರಾಧಿಕಾರ (IRDAI) ನಿಯಮಗಳ ಪ್ರಕಾರ, ವಿಮಾದಾರನು ಒಂದು ಘಟಕದ ಅಡಿಯಲ್ಲಿ ಜೀವ ವಿಮೆ, ಸಾಮಾನ್ಯ ವಿಮೆ ಮತ್ತು ಆರೋಗ್ಯ ವಿಮೆ ಎರಡನ್ನೂ ಕೈಗೊಳ್ಳಲು ಸಂಯೋಜಿತ ಲೈಸೆನ್ಸ್‌ ಹೊಂದಲು ಅವಕಾಶವಿಲ್ಲ.ಆರೋಗ್ಯ ವಿಮೆಯಲ್ಲಿ ಭವಿಷ್ಯ ಕಂಡುಕೊಳ್ಳಬಹುದು
2023-24 ರ ಹಣಕಾಸು ವರ್ಷದ ಹಣಕಾಸಿನ ಡೇಟಾವನ್ನು ಹಂಚಿಕೊಳ್ಳುವ ಸಂದರ್ಭದಲ್ಲಿ ಮಾತನಾಡಿದ ಮೊಹಾಂತಿ ಅವರು, ಎಲ್ಐಸಿಯು ಅಗ್ನಿಶಾಮಕ ಮತ್ತು ಎಂಜಿನಿಯರಿಂಗ್‌ನಂತಹ ಸಾಮಾನ್ಯ ವಿಮೆಯಲ್ಲಿ ಪರಿಣತಿ ಹೊಂದಿಲ್ಲ. ಆದರೆ, ಅದು ಆರೋಗ್ಯ ವಿಮೆಯನ್ನು ಆರಂಭಿಸಬಹುದು. ಈ ನಿಟ್ಟಿನಲ್ಲಿ ಸಿದ್ಧತೆ ನಡೆಯುತ್ತಿದೆ. ಆರೋಗ್ಯ ವಿಮೆ ಆರಂಭಿಸಲು ಎಲ್ಐಸಿ ಕೆಲವು ಕಂಪನಿಗಳನ್ನು ಸ್ವಾಧೀನಪಡಿಸಿಕೊಳ್ಳಲೂಬಹುದು ಎಂದು ಹೇಳಿದರು.ಫೆಬ್ರವರಿಯಲ್ಲಿ ಸಂಸದೀಯ ಸಮಿತಿಯೊಂದು ದೇಶದಲ್ಲಿ ವಿಮಾ ಪ್ರವೇಶವನ್ನು ಹೆಚ್ಚಿಸಲು ವಿಮಾದಾರರಿಗೆ ಜೀವವಿಮ, ಸಾಮಾನ್ಯ ವಿಮೆ ಅಥವಾ ಆರೋಗ್ಯ ವಿಮೆಯನ್ನು ಒಂದೇ ಘಟಕದಡಿ ಮಾರಾಟ ಮಾಡುವಂತೆ ಸಂಯೋಜಿತ ಲೈಸೆನ್ಸ್‌ ಪರಿಚಯಿಸಲು ಸಲಹೆ ನೀಡಿತ್ತು.
