വളര്‍ച്ചയെ ഉത്തേജിപ്പിക്കുന്നതിനും, ഉപജീവനമാര്‍ഗങ്ങള്‍ മെച്ചപ്പെടുത്തുന്നതിനും, നികുതി ഘടന ലളിതമാക്കുന്നതിനുമുള്ള പ്രഖ്യാപനങ്ങളാണ് വിദഗ്ധര്‍ പ്രതീക്ഷിക്കുന്നത്. വരാനിരിക്കുന്ന ബജറ്റില്‍ വിദഗ്ധര്‍ പ്രതീക്ഷയര്‍പ്പിക്കുന്ന 4 പ്രധാന പ്രഖ്യാപനങ്ങള്‍ നോക്കാം.
ഉപഭോഗം വര്‍ദ്ധിപ്പിക്കല്‍
ഡിസ്‌പോസിബിള്‍ വരുമാനം വര്‍ധിപ്പിക്കുന്നതിനും, ഉപഭോഗം വര്‍ധിപ്പിക്കുന്നതിനുമായി ഇന്ത്യയിലെ താഴ്ന്ന വരുമാന വിഭാഗങ്ങള്‍ക്ക് നികുതി കുറയ്ക്കണമെന്ന് കോണ്‍ഫെഡറേഷന്‍ ഓഫ് ഇന്ത്യന്‍ ഇന്‍ഡസ്ട്രി (സിഐഐ) നിര്‍ദ്ദേശിക്കുന്നു. 2023- 24ല്‍ ഇന്ത്യന്‍ സമ്പദ്വ്യവസ്ഥ 8.2% വളര്‍ച്ച കൈവരിച്ചെങ്കിലും, ഉപഭോഗം അതിന്റെ പകുതിയില്‍ മാത്രമാണ് വളര്‍ന്നതെന്ന് അവര്‍ പറയുന്നു. ഗ്രാമീണ തൊഴിലുറപ്പ് സ്‌കീമിന് കീഴില്‍ ഉയര്‍ന്ന വേതനം, ഗ്രാമീണ ചെലവുകളെ പിന്തുണയ്ക്കുന്നതിനായി കര്‍ഷകര്‍ക്കുള്ള സഹായം വര്‍ധിപ്പിക്കല്‍ എന്നിവ ശുപാര്‍ശകളില്‍ ഉള്‍പ്പെടുന്നു.
കാര്‍ഷിക കയറ്റുമതി നിയന്ത്രണങ്ങള്‍
അരി, ഗോതമ്പ്, പഞ്ചസാര, ഉള്ളി തുടങ്ങിയ കാര്‍ഷിക ഉല്‍പന്നങ്ങള്‍ കയറ്റുമതി ചെയ്യുന്നതിനുള്ള നിയന്ത്രണങ്ങള്‍ നീക്കണമെന്ന് കാര്‍ഷിക സാമ്പത്തിക വിദഗ്ധരും, വിവിധ കാര്‍ഷിക സംഘടനകളും ആവശ്യപ്പെടുന്നു. ഉപഭോക്തൃ വില നിയന്ത്രിക്കാന്‍ ഏര്‍പ്പെടുത്തിയ ഈ നിയന്ത്രണങ്ങള്‍ ഗ്രാമീണ വരുമാനത്തെ ബാധിച്ചെന്നാണ് വിലിയിരുത്തല്‍. ഈ നിയന്ത്രണങ്ങള്‍ ലഘൂകരിക്കുന്നത് കര്‍ഷകരുടെ വരുമാനം വര്‍ദ്ധിപ്പിക്കും.
തൊഴിലവസരങ്ങള്‍
ടെക്സ്റ്റൈല്‍സ്, ടൂറിസം തുടങ്ങിയ തൊഴില്‍ മേഖലകളില്‍ തൊഴിലവസരങ്ങള്‍ സൃഷ്ടിക്കുന്ന സ്വകാര്യ സ്ഥാപനങ്ങള്‍ക്ക് ഇന്‍സെന്റീവ് പേഔട്ട് സ്‌കീം വിദഗ്ധര്‍ നിര്‍ദേശിക്കുന്നുണ്ട്. തൊഴിലില്ലായ്മ പരിഹരിക്കുക എന്നത് നിര്‍ണായകമാണ്. തൊഴില്‍ ഒഴിവുകള്‍ നികത്താനും, മുമ്പ് ഒഴിവാക്കിയ പദ്ധതിയില്‍ നിന്ന് പെന്‍ഷന്‍ ആനുകൂല്യങ്ങള്‍ പുനഃസ്ഥാപിക്കാനും തൊഴിലാളി യൂണിയനുകള്‍ ആവശ്യപ്പെട്ടിട്ടുണ്ട്.
നികുതി പരിഷ്‌കരണം
രാജ്യത്തെ സങ്കീര്‍ണ്ണമായ നികുതി വ്യവസ്ഥകള്‍ ലളിതമാക്കാന്‍ വ്യവസായ സ്ഥാപനങ്ങള്‍ ശുപാര്‍ശ ചെയ്യുന്നു. യ്തിട്ടുണ്ട്. മൂലധന നേട്ട നികുതി വ്യവസ്ഥയെ രണ്ടോ, മൂന്നോ വിശാലമായ വിഭാഗങ്ങളായി ക്രമീകരിക്കാന്‍
ഫെഡറേഷന്‍ ഓഫ് ഇന്ത്യന്‍ ചേമ്പേഴ്സ് ഓഫ് കൊമേഴ്സ് ആന്‍ഡ് ഇന്‍ഡസ്ട്രി (ഫിക്കി) നിര്‍ദ്ദേശിക്കുന്നു. ചരക്ക് സേവന നികുതി (ജിഎസ്ടി) സമ്പ്രദായത്തിലെ പരിഷ്‌കാരങ്ങള്‍, കുറഞ്ഞ നികുതി സ്ലാബുകള്‍ എന്നിവയും ആവശ്യങ്ങളില്‍ ഉള്‍പ്പെടുന്നു.
(മുകളില്‍ പറഞ്ഞ കാര്യങ്ങള്‍ വിവിധ മേഖലകളുടെ ആവശ്യങ്ങളും, നിര്‍ദേശങ്ങളും, അഭ്യര്‍ത്ഥനകളും മാത്രമാണ്. ബജറ്റില്‍ ഈ കാര്യങ്ങള്‍ സര്‍ക്കാര്‍ ഒരുപക്ഷെ പരിഗണിച്ചേക്കാം.)
What is TDS: ആർക്കെല്ലാം TDS ഫയൽ ചെയ്യാം
