റിപ്പോർട്ടുകൾ പ്രകാരം ബ്രൂസർ എന്നാകും പുതിയ ബൈക്കിന്റെ പേര്. ജൂലൈ എട്ടിന് ഈ മോഡൽ കമ്പനി അവതരിപ്പിക്കുമെന്നാണ് ലഭ്യമായ വിവരം. വരാനിരിക്കുന്ന ബൈക്ക് കുറച്ച് കാലമായി വാഹന പ്രേമികൾക്കിടയിൽ ചർച്ചാ വിഷയമാണ്. പെട്രോളിനൊപ്പം സിഎൻജി വാഗ്ദാനം ചെയ്യുന്ന ലോകത്തിലെ തന്നെ ആദ്യ പ്രൊഡക്ഷൻ- സ്‌പെക്ക് മോട്ടോർസൈക്കിളായിരിക്കും ബ്രൂസർ. റിപ്പോർട്ടുകൾ ശരിയായാൽ 70 കിലോമീറ്റർ മൈലേജ് വാഹനം നൽകും. 80,000 മുതൽ 90,000 വരെയാണ് വില പ്രതീക്ഷിക്കുന്നത്.
മുകളിൽ പറഞ്ഞ കാര്യങ്ങൾ ശരിയെങ്കിൽ ഇന്ത്യൻ ഇരുചക്ര വാഹന വിപണിയിലെ സമാവാക്യങ്ങൾ പൊളിച്ചെഴുതുന്നതാകും പുതിയ വാഹനം. കൂടുതൽ കമ്പനികൾ സിഎൻജി മോഡലുകൾ വാഗ്ദാനം ചെയ്യാൻ നിർബന്ധിതവുമായേക്കാം. വാഹനത്തിന്റെ ഡിസൈൻ സ്‌പെക്കുകൾ ഇതോടകം ചോർന്നിട്ടുണ്ടെന്നു റിപ്പോർട്ടുകൾ വ്യക്തമാക്കുന്നു. സിഎൻജി സിലിണ്ടറിന് ഇടം നൽകാനായി കമ്പനി ഒരു സ്ലോപ്പർ എൻജിൻ ലേഔട്ട് സ്വീകരിച്ചിട്ടുണ്ട്. അതായത് ഈ സിലിണ്ടർ റൈഡറുടെ സീറ്റിനടിയിലാകും വരിക. ഇതുവഴി എൻജിന് സബ്‌ഫ്രെയിമിന്റെ സംരക്ഷണവും ഉറ്പ്പുവരുത്തി.
ബജാജ് സിഎൻജി ബൈക്ക് 125 സിസി എൻജിൻ കരുത്തോടെ എത്തിയേക്കുമെന്നാണു നിഗമനം. ബൈക്കുമായി ബന്ധപ്പെട്ട കൃത്യമായ വിവരങ്ങൾക്ക് ലോഞ്ചിംഗ് വരെ കാത്തിരിക്കേണ്ടി വരും. ഇതോടകം വാഹനത്തിന്റെ ടെസ്റ്റിംഗ് ചിത്രങ്ങളും, വിഡിയോകളും ഇന്റർനെറ്റിൽ പ്രചരിക്കുന്നുണ്ട്. വാഹനത്തിന് രണ്ടു വേരിയന്റുകൾ ഉണ്ടാകുമെന്നും റിപ്പോർട്ടുകളുണ്ട്. ഒന്ന്, റെട്രോ വേരിയന്റാകും, രണ്ട്, അൽപം ഓഫ് റോഡ് വിശേഷങ്ങളോട് കൂടിയതാകും. എ്ല്ലാ വിഭാഗം ഉപയോക്താക്കളെയും ആകർഷിക്കുന്നതിനാകും ഇത്.
സിഎൻജി മോഡലിന് വിപണിൽ എതിരാളികൾ ഇല്ല. എന്നാൽ ഹിറോ സ്‌പ്ലെൻഡർ പ്ലസ്, ടിവിഎസ് റെഡിയോൺ, ഹോണ്ട ഷൈൻ 100, ബജാജിന്റെ തന്നെ പ്ലാറ്റിന 110 എന്നിവയാകും ബ്രൂസറിന്റെ എതിരാളികൾ. പുറത്തുവരുന്ന ലീക്കുകൾ പ്രകാരം, വിശാലമായ സിംഗിൾ പീസ് സീറ്റാണ് വാഹനത്തിനുള്ളത്. സിഎൻജി എൻജിൻ ക്രമീകരണമാണ് ഇതിനു കാരണം.
ബൈക്കിന് ബൾക്കി ബോഡി വർക്കും, നീളമുള്ള സിഎൻജി സിലിണ്ടറിനെ ഉൾക്കൊള്ളുന്ന നീളമുള്ള ഫ്‌ലാറ്റ് സീറ്റും ഉണ്ടെന്ന് സാരം. ഇന്ധന ടാങ്കിന് സിഎൻജി സിലിണ്ടറിന്റെ ഇൻലെറ്റ് വാൽവിലേക്ക് തുറക്കാൻ കഴിയുന്ന ഒരു വലിയ ഫ്‌ലാപ്പ് ഉണ്ടാകും. എമർജൻസി ഉപയോഗത്തിനും/ ലിംപ് ഹോം ഫംഗ്ഷനുമുള്ള ചെറിയ പെട്രോൾ ടാങ്കാണ് ബൈക്കിൽ പ്രതീക്ഷിക്കുന്നത്.
What is TDS: ആർക്കെല്ലാം TDS ഫയൽ ചെയ്യാം
