1. വോ‍ഡഫോൺ ഐഡിയ (Vodafone Idea)
കഴിഞ്ഞ മെയ് 29ന് ET NOW ന് നൽകിയ അഭിമുഖത്തിൽ ഈ ഓഹരി 22 രൂപ നിലവാരത്തിനു താഴെ നിക്ഷേപകർ വില്പന നടത്താതിരിക്കുന്നതാണ് ഉചിതമെന്ന് സഞ്ജീവ് ഭാസിൻ പറഞ്ഞിരുന്നു. മൂലധനം കൂടുതൽ ചിലവഴിക്കാനുള്ള സാധ്യത മുന്നിലുണ്ട്. ഗ്രൂപ്പ് മികച്ച രീതിയിൽ ബിസിനസ് ചെയ്യുന്നു.
കമ്പനിയുടെ അറ്റ കടബാധ്യത 4000 കോടി രൂപയ്ക്ക് താഴെയാണ്. അടുത്ത ഒരു വർഷത്തിനകം ഇനിയും കടം കുറയാനാണ് സാധ്യത EBITDA പോസിറ്റീവാണ്. അടുത്ത ഒരു വർ,ത്തിൽ ക്യാഷ് ഫ്ലോ പോസിറ്റീവായേക്കാം. 5G പ്ലാൻ ഉദ്ദേശിച്ചതു പോലെ മുന്നോട്ടു പോകുന്നു. ആകെ വരുമാനം വർധിച്ചാൽ ഓഹരി വില വേഗത്തിൽ വർധിക്കാം. ഈ വർഷം അവസാനത്തോടെ ഓഹരി വില 22 രൂപ വരെ ഉയർന്നേക്കാമെന്നും അദ്ദേഹം നിരീക്ഷിക്കുന്നു.
2. രത്തൻ ഇന്ത്യ പവർ (RattanIndia Power)
സഞ്ജീവ് ഭാസിൻ, ET NOW Swadeshന് നൽകിയ അഭിമുഖത്തിൽ ഈ കമ്പനിയെക്കുറിച്ച് പരാമർശിക്കുന്നു. പ്രശസ്ത നിക്ഷേപ സ്ഥാപനങ്ങളായ Värde Partners and Goldman Sachs എന്നിവർക്ക് ഈ കമ്പനിയിൽ നിക്ഷേപമുണ്ട്. കമ്പനിയുടെ കപ്പാസിറ്റി, ഫ്യൂച്ചർ വിഷൻ എന്നിവ പരിഗണിക്കുമ്പോൾ ഓഹരി വില രണ്ട്-മൂന്ന് ഇരട്ടി വരെ ഉയർന്നേക്കാം. നിലവിലെ മാർക്കറ്റ് ക്യാപ്പായ 4500 കോടി രൂപ, 10,000-12,000 കോടി വരെ ഉയർന്നേക്കാമെന്നും അദ്ദേഹം പറഞ്ഞു.
3. ബജാജ് ഹിന്ദുസ്ഥാൻ ഷുഗർ (Bajaj Hindusthan Sugar)
സഞ്ജീവ് ഭാസിൻ, ET NOW Swadeshന് നൽകിയ അഭിമുഖത്തിൽ താൻ ഈ ഓഹരി വാങ്ങിയതായി പറയുന്നു. 6.50-8.00 രൂപ റേഞ്ചിലാണ് വാങ്ങിയത്. ഈ ഓഹരി വില 40 രൂപ നിലവാരത്തിനു മുകളിൽ വരെ പോയി. നിലവിൽ 30 രൂപ റേഞ്ചിലാണ് വ്യാപാരം. ഇപ്പോഴും ഓഹരി താൻ വില്പന നടത്തിയിട്ടില്ലെന്നും, ഈ ഓഹരി കൈവശമുള്ളവർക്ക് കൂടുതൽ ലാഭം ഭാവിയിൽ പ്രതീക്ഷിക്കാമെന്നും അദ്ദേഹം പറയുന്നു.
4. ധനലക്ഷ്മി ബാങ്ക് (Dhanlaxmi Bank)
സഞ്ജീവ് ഭാസിൻ, ET NOW Swadeshന് കഴിഞ്ഞ ഏപ്രിൽ 5ന് നൽകിയ അഭിമുഖത്തിൽ വാങ്ങൽ നിർദേശം നൽകിയ ഓഹരിയാണിത്. 40-42 രൂപ നിലവാരത്തിലാണ് നിർദേശം നൽകിയത്. 65 രൂപ ലക്ഷ്യവിലയായും, 36 രൂപ സ്റ്റോപ് ലോസ് എന്ന നിലയിലും അദ്ദേഹം നിർദേശിച്ചിരിക്കുന്നു.
Disclaimer: പെന്നി ഓഹരികളിലെ നിക്ഷേപത്തിൽ ഉയർന്ന റിസ്ക് ഉൾച്ചേർന്നിരിക്കുന്നു. ഇവിടെ നൽകിയിരിക്കുന്നത് ഏതെങ്കിലും തരത്തിലുള്ള നിക്ഷേപ/വ്യാപാര നിർദേശങ്ങളല്ല, ലഭ്യമായ വിവരങ്ങളാണ്. നിക്ഷേപകർ സ്വന്തം ഉത്തരവാദിത്തത്തിൽ തീരുമാനങ്ങളെടുക്കുക.
