വാങ്ങൽ നിർദേശങ്ങൾ
നിലവിൽ പ്രമുഖ ആഭ്യന്തര ബ്രോക്കിങ് സ്ഥാപനമായ മോട്ടിലാൽ ഓസ്വാൾ ഈ ഓഹരിയിൽ വാങ്ങൽ നിർദേശം നൽകിയിരിക്കുന്നു. ഓഹരിയൊന്നിന് 525 രൂപയാണ് ലക്ഷ്യവിലയായി നിർദേശിച്ചിരിക്കുന്നത്. രാജ്യത്തുടനീളം 217 സ്റ്റോറുകളാണ് നിലവിൽ കമ്പനിക്കുള്ളത്. അസറ്റ് ലൈറ്റ് വികസിത മോ‍ഡൽ ആവശ്യമായ ക്യാഷ് ഫ്ലോ സൃഷ്ടിക്കുന്നതായും, അടുത്ത രണ്ട് വർഷത്തിനുള്ളിൽ കമ്പനിക്ക് കടബാധ്യതകൾ തീർക്കാൻ സാധിക്കുമെന്നും ബ്രോക്കിങ് ഹൗസ് വിലയിരുത്തുന്നു.
സ്വർണ്ണ വില വർധിച്ചു നിൽക്കുമ്പോഴും കല്യാൺ ജ്വല്ലറിയുടെ ഡിമാൻഡ് ഉയർന്നു നിൽക്കുന്നതായി കമ്പനി അവകാശപ്പെടുന്നുണ്ട്. കമ്പനിയുടെ ശരാശരി സ്റ്റോർ സൈസ് 3,000-4,000 സ്ക്വയർ ഫീറ്റ് എന്ന തോതിലും ശരാശരി ഇൻവെന്ററി 20-25 കോടി രൂപ എന്ന നിലയിലുമാണ്. കഴിഞ്ഞ അക്ഷയ തൃതീയ സീസൺ വലിയ ബിസിനസ് നൽകിയതായും, സെമി അർബൻ-റൂറൽ മേഖലകളിൽ വലിയ വില്പന നടന്നതായും കമ്പനി പറയുന്നു.
കല്യാൺ ജ്വല്ലേഴ്സിൽ പുതിയതായി വരുന്ന ഉപഭോക്താക്കളുടെ എണ്ണം 40% എന്ന തോതിൽ ഉയർന്നു നിൽക്കുന്നതായി സെൻട്രം ബ്രോക്കിങ് വിലയിരുത്തുന്നു. നിലവിൽ ഓഹരിയുടെ ലക്ഷ്യവിലയായി 495 രൂപ നിശ്ചയിക്കാവുന്നതാണെന്നും സെൻട്രം ബ്രോക്കിങ് നിർദേശം നൽകി.
ഓഹരി വിശകലന പ്ലാറ്റ്ഫോമായ ട്രെൻഡ്ലൈൻ ഡാറ്റ പ്രകാരം കല്യാൺ ജ്വല്ലേഴ്സിന്റെ ശരാശരി ലക്ഷ്യവില 476 രൂപയാണ്. ഇത് ഇപ്പോഴത്തെ ഓഹരി വിലയേക്കാൾ ഏകദേശം 12% ഉയർച്ചയാണ്.
ബിസിനസ് പ്രകടനം
2023 മാർച്ച് പാദത്തിൽ കമ്പനിയുടെ ഓപ്പറേറ്റിങ് പ്രൊഫിറ്റ് (Operating Profit) 257 കോടി രൂപയായിരുന്നു. 2024 മാർച്ച് പാദത്തിൽ ഇത് 306 കോടി രൂപയായി ഉയർന്നു. ഇതേ കാലയളവിൽ അറ്റാദായം (Net Profit) 70 കോടിയിൽ നിന്ന് 137 കോടി രൂപയിലേക്ക് ഇരട്ടിയോളം ഉയർച്ച നേടി.
Disclaimer: ഇവിടെ നൽകിയിരിക്കുന്നത് ഏതെങ്കിലും തരത്തിലുള്ള നിക്ഷേപ/വ്യാപാര നിർദേശങ്ങളല്ല, ലഭ്യമായ വിവരങ്ങളാണ്. നിക്ഷേപകർ സ്വന്തം ഉത്തരവാദിത്തത്തിൽ തീരുമാനങ്ങളെടുക്കുക
ഈ മൈക്രോ ക്യാപ് ഓഹരി കൈവശമുണ്ടോ? ഉടൻ ബോണസ് ഷെയർ ലഭിക്കും
