കൊൽക്കത്തയിലെ ഒരു മധ്യവർഗ കുടുംബത്തിലാണ് ശുഭാഷിഷ് ചക്രവർത്തിയുടെ ജനനം. രാമകൃഷ്ണ മിഷൻ റെസിഡൻഷ്യൽ കോളേജിൽ നിന്ന് അദ്ദേഹം കെമിസ്ട്രിയിൽ ബിരുദം നേടി. കോളേജിൽ പഠിക്കുമ്പോൾത്തന്നെ വലിയ ഒരു ഇൻഷുറൻസ് കമ്പനിയിൽ അദ്ദേഹം ജോലി ചെയ്യാൻ ആരംഭിച്ചു. 1981 ൽ കമ്പനി, തങ്ങളുടെ ബാംഗ്ലൂരിലെ ബിസിനസ് വിപുലീകരിക്കുന്നതിനായി ശുഭാഷിഷിനെ അവിടേക്കയച്ചു. എന്നാൽ പിന്നീട് 1987ൽ അദ്ദേഹം ഈ കമ്പനിയിലെ ജോലി ഉപേക്ഷിച്ചു.
തുടർന്ന് ഒരു കെമിക്കൽ ഡിസ്ട്രിബ്യൂഷൻ ബിസിനസ് ആരംഭിക്കുകയാണ് അദ്ദേഹം ചെയ്തത്. എന്നാൽ പോസ്റ്റൽ സർവീസുമായി ബന്ധപ്പെട്ട പ്രശ്ങ്ങൾ കാരണം ഈ സംരംഭം പരാജയപ്പെടുകയാണ്. എന്നാൽ ഇതിനെ യഥാർത്ഥത്തിൽ പരാജയമെന്ന് വിളിക്കാനാവില്ല. കാരണം പിന്നീട് ശത കോടികളുടെ ബിസിനസ് ആയി വളർന്ന ഒരു ആശയത്തിന്റെ വെള്ളി വെളിച്ചം ഈ തിരിച്ചടിയിൽ നിന്നാണ് ശുഭാഷിഷിന് ലഭിച്ചത്
പോസ്റ്റൽ സർവീസുകളും, ഉപയോക്താക്കളും തമ്മിൽ വലിയ ഒരു ഗ്യാപ് ഉണ്ടെന്ന് അദ്ദേഹം സ്വന്തം അനുഭവത്തിൽ നിന്ന് കണ്ടെത്തുകയായിരുന്നു. ഇതാണ് ടേണിങ് പോയിന്റ്, എന്തിന്റെയെങ്കിലും അഭാവം നികത്തുന്ന ബിസിനസുകൾ വിജയ സോപാനത്തിലെത്തുമെന്നതിന്റെ മറ്റൊരു മകുടോദാഹരണമാണ് പിന്നീട് കണ്ടത്.
സ്വന്തമായി DTDC എന്ന പേരിൽ ശുഭാഷിഷ് ആരംഭിക്കുകയാണ്. 1990 ജൂലൈ 26ാം തിയ്യതിയാണ് കമ്പനിക്ക് തുടക്കമിടുന്നത്. ഡെസ്ക് ടു ഡെസ്ക് കൊറിയർ & കാർഗോ സേവനങ്ങളാണ് തുടക്കത്തിൽ നൽകിയിരുന്നത്. തുടക്കത്തിൽ ഈ ബിസിനസിന് വായ്പ നൽകാൻ ബാങ്കുകളൊന്നും തയ്യാറായിരുന്നില്ല. തന്റെ മാതാവിന്റെ സ്വർണ്ണാഭരണങ്ങൾ വില്പന നടത്തിയാണ് ശുഭാഷിഷ് ബിസിനസ് മുന്നോട്ടു കൊണ്ടു പോയത്.
വൈകാതെ, ചെറിയ ടൗണുകളിൽ കൊറിയർ സേവനങ്ങൾക്ക് വലിയ സാധ്യതയുണ്ടെന്ന് അദ്ദേഹം തിരിച്ചറിഞ്ഞു. 1991ൽ ഫ്രാഞ്ചൈസി മോഡൽ ബിസിനസിലേക്ക് തിരിഞ്ഞു. വിവിധ പ്രദേശങ്ങളെ സോണുകളായി തിരിച്ച് 30 ഫ്രാഞ്ചൈസികൾ നൽകി. ഈ ആശയം പ്രാവർത്തികമാവുകയും, ബിസിനസ് വലിയ വളർച്ച നേടുകയും ചെയ്തു.
നിലവിൽ കമ്പനി രാജ്യത്തുടനീളം 14,000 പിൻകോഡുകളിൽ സേവനങ്ങൾ നൽകുന്നു. ആഗോള തലത്തിൽ 220 ഡെസ്റ്റിനേഷനുകളിലും കമ്പനിക്ക് സാന്നിദ്ധ്യമുണ്ട്. വിപ്രോ, ഇൻഫോസിസ്, ടാറ്റ ഗ്രൂപ്പ് അടക്കമുള്ള വൻകിട കമ്പനികൾ ക്ലയന്റ്സാണ്. 2006 വർഷത്തെോടെ കമ്പനിക്ക് 3,700 ഫ്രാഞ്ചൈസികളും 125 കോടി രൂപയുടെ വരുമാനവുമുണ്ടായിരുന്നു.
റിലയൻസ് ക്യാപിറ്റലില നിന്ന് 70 കോടി രൂപയുടെ നിക്ഷേപം ലഭിച്ചതോടെ കമ്പനിയുടെ വാല്യുവേഷൻ 180 കോടി രൂപയിലേക്കെത്തി. 2010ൽ സെയിൽസ് 450 കോടി രൂപയിലേക്ക്െത്തി. 2013ൽ നിക്കോസ് ലോജിസ്റ്റിക്സിന്റെ 70% ഓഹരി പങ്കാളിത്തം DTDC നേടുകയും DotZot എന്ന, ഇ-കൊമേഴ്സ് കമ്പനികൾക്കു വേണ്ടി ഇന്ത്യയിലെ ആദ്യ ഡെലിവറി നെറ്റ് വർക്ക് സ്ഥാപിക്കുകയും ചെയ്തു.
Cambodian Grape Farming: കമ്പോഡിയൻ മുന്തിരി കൃഷിയിലൂടെ അധികവരുമാനം കണ്ടെത്തിയ ചെറുപ്പക്കാരൻ
