Market Linked Investment Options For Tax Exemption
നികുതി ആനുകൂല്യം അവകാശപ്പെടാം; മാർക്കറ്റുമായി ലിങ്ക് ചെയ്തിരിക്കുന്ന നിക്ഷേപ മാർഗങ്ങൾ
ചെറുകിട നിക്ഷേപകർ സമ്പാദ്യം വർധിപ്പിക്കുക എന്ന ഉദ്ദേശത്തോടൊപ്പം നികുതി ലാഭിക്കുക എന്ന ലക്ഷ്യത്തോടെയും നിക്ഷേപങ്ങൾ നടത്താറുണ്ട്. പഴയ നികുതി ഘടന പ്രകാരം (Old Income Tax Regime) ആദായ നികുതി നിയമത്തിലെ വകുപ്പ് 80C പ്രകാരം പരമാവധി 1.5 ലക്ഷം രൂപയ്ക്കു വരെ നികുതി കിഴിവ് ക്ലെയിം ചെയ്യാൻ സാധിക്കും. ചില നിശ്ചിത നിക്ഷേപ പദ്ധതികളിലെ ഇൻവെസ്റ്റ്മെന്റിന് ആകെ വരുമാനത്തിലും ഉയർന്ന തുകയ്ക്ക് നികുതി ആനുകൂല്യം അവകാശപ്പെടാൻ സാധിക്കുന്നു.
Authored byശിവദേവ് സി.വി | Samayam Malayalam15 May 2023, 12:52 pm
പബ്ലിക് പ്രോവിഡന്റ് ഫണ്ട് (PPF), നാഷണൽ സേവിങ്സ് സർട്ടിഫിക്കറ്റ് (NSC), ടാക്സ് സേവിങ് ഫിക്സഡ് ഡെപ്പോസിറ്റ്, അഞ്ചു വർഷത്തെ പോസ്റ്റോഫീസ് ടേം ഡെപ്പോസിറ്റ്, സീനിയർ സിറ്റിസൺ സേവിങ് സ്കീം എന്നിവയിലൊക്കെ നികുതി കിഴിവുകൾ ക്ലെയിം ചെയ്യാൻ സാധിക്കും. ഇവയെല്ലാം സ്ഥിരനിക്ഷേപം അടിസ്ഥാനമാക്കിയുള്ള നിക്ഷേപ മാർഗങ്ങളാണ്. അതിനാൽത്തന്നെ ഇവയിലെ നിക്ഷേപങ്ങൾക്ക് താരതമ്യേന റിസ്ക് കുറവായിരിക്കാനാണ് സാധ്യത. പൊതുവെ റിസ്ക് കൂടുതലുള്ള ഓഹരി അധിഷ്ഠിത നിക്ഷേപ മാർഗങ്ങളും ഉപയോഗപ്പെടുത്താവുന്നതാണ്. നികുതി ആനുകൂല്യങ്ങൾ ലഭ്യമാവുന്ന, വിപണിയുമായി ബന്ധിപ്പിച്ചിരിക്കുന്ന ചില നിക്ഷേപ മാർഗങ്ങളാണ് താഴെ നൽകിയിരിക്കുന്നത്.
Samayam Malayalam
പ്രതീകാത്മക ചിത്രം
യൂണിറ്റ് ലിങ്ക്ഡ് ഇൻഷുറൻസ് പ്ലാനുകൾ (ULIPs) : ഇക്വിറ്റി-ഡെറ്റ് ഇൻസ്ട്രുമെന്റുകളിലായി അസറ്റ് അലോക്കേഷൻ നടത്താൻ സഹായിക്കുന്നവയാണ് യുലിപ്പുകൾ. പൊതുവെ 5 വർഷ ലോക്-ഇൻ പീരിയഡാണ് ഉണ്ടാവുക. ഇവയുടെ പ്രീമിയത്തിന് സെക്ഷൻ 80C പ്രകാരം നികുതി ആനുകൂല്യമുണ്ട്. അഞ്ചുവർഷത്തിലോ അതിനു ശേഷമോ ഉള്ള എക്സിറ്റ് സമയത്തെ പോളിസി മൂല്യത്തിന് നികുതി ബാധകവുമല്ല.
ഇക്വിറ്റി ലിങ്ക്ഡ് സേവിങ്സ് സ്കീം (ELSS) : മൂന്ന് വർഷ ലോക് ഇൻ പീരിയഡുള്ള ക്ലോസ് എൻഡഡ് മ്യൂച്വൽ ഫണ്ടുകളാണ് ഇവ. വിവിധ മാർക്കറ്റ് ക്യാപ്പുള്ള, പലതരം സെക്ടറൽ ഓഹരികളിലാണ് ഇവ നിക്ഷേപം നടത്താറുള്ളത്. ഇവിടെയും സെക്ഷൻ 80C പ്രകാരം നികുതി ആനുകൂല്യം ക്ലെയിം ചെയ്യാം. എൻപിഎസ്, പിപിഎഫ് എന്നിവയുമായി താരതമ്യം ചെയ്യുമ്പോൾ മൂന്ന് വർഷമെന്ന കുറഞ്ഞ ലോക്-ഇൻ പീരിയഡാണ് ഇവിടെയുള്ളത്.
Also Read : ഓൺലൈനിലൂടെ 'ഇ-പേ ടാക്സ്' സൗകര്യം ഉപയോഗപ്പെടുത്താം; 24 ബാങ്കുകളിൽ ലഭ്യം നാഷണൽ പെൻഷൻ സിസ്റ്റം (NPS) : സർക്കാരിന്റെ പദ്ധതിയാണിത്. ഒരു വ്യക്തിക്ക് ആക്ടീവ് ചോയിസ് വിഭാഗത്തിൽ, വിവിധ അസറ്റ് ക്ലാസുകളിൽ നിക്ഷേപം നടത്താൻ സാധിക്കുന്നു. അതല്ലെങ്കിൽ ഓട്ടോ ചോയിസ് എന്ന ഡിഫോൾട്ട് ഓപ്ഷനും ലഭ്യമാണ്. ഇവിടെ നിക്ഷേപകുടെ പ്രായം അടിസ്ഥാനമാക്കിയാണ് നിക്ഷേപം നടത്തുന്നത്.
സെക്ഷൻ 80C പ്രകാരം ഇത്തരം നിക്ഷേപങ്ങളിൽ പരമാവധി 1.5 ലക്ഷം രൂപയ്ക്കു വരെ നികുതി ആനുകൂല്യം ക്ലെയിം ചെയ്യാം. ചില നിശ്ചിത വിപണി ബന്ധിത നിക്ഷേപ ഉപകരണങ്ങളിലെ നിക്ഷേപത്തിന് സെക്ഷൻ 80CCD1(b) പ്രകാരം അധികമായി 50,000 രൂപയുടെ ഡിഡക്ഷൻ ക്ലെയിം ചെയ്യാനും സാധിക്കും.
ശിവദേവ് സി.വി- സമയം മലയാളത്തിൽ ബിസിനസ് സെക്ഷനിൽ ഡിജിറ്റൽ കണ്ടൻ്റ് പ്രൊഡ്യൂസർ. മാതൃഭൂമി ദിനപ്പത്രത്തിൽ ഒരു വർഷത്തോളം റിപ്പോർട്ടർ/സബ് എഡിറ്ററായി ജോലി ചെയ്തു. ജേണലിസം മേഖലയിൽ 9 വർഷത്തെ അധ്യാപന പരിചയം. സാമ്പത്തിക ശാസ്ത്രത്തിൽ ബിരുദവും, കമ്മ്യൂണിക്കേഷൻ ആൻഡ് ജേണലിസത്തിൽ ബിരുദാനന്തര ബിരുദവും കാലിക്കറ്റ് സർവ്വകലാശാലയ്ക്ക് കീഴിൽ നേടി. 2022 ജൂൺ 6 മുതൽ സമയം മലയാളത്തിനൊപ്പം.... കൂടുതൽ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.