Know The Significance And Other Details Of Income Tax Day
ആദായ നികുതി ദിനം അഥവാ ആയ്കർ ദിവസ്; ഈ ദിവസത്തിന്റെ പ്രത്യേകതകളും ചരിത്രവും അറിഞ്ഞിരിക്കാം
ആദായനികുതി വകുപ്പ് 164-ാം ആദായനികുതി ദിനത്തോടനുബന്ധിച്ച് നിരവധി പരിപാടികളാണ് ആവിഷ്കരിച്ചിരിക്കുന്നത്. നികുതിദായകരെ ആദായ നികുതി അടയ്ക്കാൻ പ്രോത്സാഹിപ്പിക്കുന്നതിനും, നികുതിയുടെ പ്രാധാന്യത്തെക്കുറിച്ച് ബോധവത്കരിക്കുന്നതിനുമാണ് ഈ ദിവസം ആചരിക്കുന്നത്.
എല്ലാ വർഷവും ജൂലൈ 24നാണ് ആദായ നികുതി വകുപ്പ് ആയ്കർ ദിവസ് എന്നറിയപ്പെടുന്ന ആദായ നികുതി ദിനം ആഘോഷിക്കുന്നത്. 1860ൽ സർ ജെയിംസ് വിൽസണാണ് ഇന്ത്യയിൽ ആദ്യമായി ആദായ നികുതി ദിവസം ഏർപ്പെടുത്തിയത്. 1857ലെ ഒന്നാം സ്വാതന്ത്ര്യസമരകാലത്ത് ബ്രിട്ടീഷ് സർക്കാരിനുണ്ടായ നഷ്ടം നികത്തുന്നതിനാണ് ഈ നടപടി സ്വീകരിച്ചത്. ഇന്ത്യയിലി ആദ്യത്തെ ആദായനികുതി ദിനം 2010 ജൂലൈ 24ന് ആചരിച്ചു.
Samayam Malayalam
ആദായ നികുതി നിയമത്തിന്റെ ശരിയായ ചട്ടക്കൂട് 1922ലാണ് രൂപകല്പന ചെയ്തത്. 1924ൽ വകുപ്പിന്റെ പ്രവർത്തനങ്ങളും ചുമതലകളും നിരീക്ഷിക്കുന്നതിനായി ഒരു സ്റ്റാറ്റ്യൂട്ടറി ബോഡി, സെൻട്രൽ ബോർഡ് ഓഫ് റവന്യൂ സ്ഥാപിക്കപ്പെട്ടു. പിന്നീട്, 1939ൽ ഈ നിയമം ഭേദഗതി ചെയ്യുകയും രണ്ട് പ്രധാന ഘടനാപരമായ മാറ്റങ്ങൾ വരുത്തുകയും ചെയ്തു. അപ്പീൽ ഫംഗ്ഷനുകൾ അഡ്മിനിസ്ട്രേറ്റീവ് പ്രവർത്തനങ്ങളിൽ നിന്ന് വേർതിരിക്കപ്പെടുകയും മുംബൈ (അന്നത്തെ ബോംബെ) കേന്ദ്രമായി മാറ്റുകയും ചെയ്തു.1963ൽ, സെൻട്രൽ ബോർഡ് ഓഫ് റവന്യൂ നിയമത്തിന് കീഴിൽ സെൻട്രൽ ബോർഡ് ഓഫ് ഡയറക്ട് ടാക്സസ് (സിബിഡിടി) എന്ന പേരിൽ നേരിട്ടുള്ള നികുതികൾക്കായി ഒരു ക്ലാസിഫൈഡ് ബോർഡ് നിലവിൽ വന്നു.
നികുതി പേയ്മെന്റുകൾ പ്രോത്സാഹിപ്പിക്കുന്നതിനും, നികുതി അടയ്ക്കേണ്ടതിന്റെ പ്രാധാന്യത്തെക്കുറിച്ച് ഭാവിയിലെ നികുതിദായകരെ ബോധവത്കരിക്കുന്നതിനുമായി രൂപകൽപ്പന ചെയ്തിരിക്കുന്ന നിരവധി പരിപാടികളോടെയാണ് ആദായനികുതി ദിനം ആഘോഷിക്കുന്നത്. കൂടാതെ, ഹാഫ് മാരത്തൺ, സൈക്ലോട്രോൺ, കുട്ടികൾക്കും യുവജനങ്ങൾക്കും നികുതി സാക്ഷരത സംബന്ധിച്ച ബോർഡ് ഗെയിം വിതരണം, സാംസ്കാരിക പരിപാടികൾ, കാരിക്കേച്ചർ പ്രദർശനങ്ങളുടെ ഉദ്ഘാടനം എന്നിവയും നടക്കാറുണ്ട്.
2023ലെ ആദായനികുതി ദിനത്തോടനുബന്ധിച്ച്, ഏഴ് വകുപ്പുകളിലായി പോസ്റ്റർ നിർമ്മാണം, മുദ്രാവാക്യ മത്സരം, ഉപന്യാസ രചന എന്നീ മത്സരങ്ങൾ നടന്നു. ജൂലൈ 16ന് മുംബൈയിലെ കോളനികൾ കേന്ദ്രീകരിചചാണ് പരിപാടികൾ നടത്തിയത്. ഇന്ന് വൈകുന്നേരം 6 മണിക്ക് പരിപാടികൾ ആരംഭിക്കും. നികുതിയുടെ പ്രാധാന്യത്തെക്കുറിച്ച് അവബോധം സൃഷ്ടിക്കുന്നതിനും രാജ്യത്തിന്റെ വികസനത്തിനായി കൂടുതൽ കൂടുതൽ ആളുകളെ നികുതി അടയ്ക്കുന്നതിന് പ്രോത്സാഹിപ്പിക്കുന്നതിനുമായി എല്ലാ വർഷവും ജൂലൈ 24 ന് ദിനം ആഘോഷിക്കുന്നു.
ആദായ നികുതി വകുപ്പ് 3 കോടി ഐടിആർ നാഴികക്കല്ല് പിന്നിട്ടു
ഈ വർഷത്തെ ആദായനികുതി റിട്ടേൺ സമർപ്പിക്കുന്നതിനുള്ള സമയപരിധിക്ക് ദിവസങ്ങൾക്ക് മുമ്പ് 3 കോടി ഐടിആർ ഫയൽ ചെയ്യുക എന്ന മുൻ വർഷത്തെ നാഴികക്കല്ല് ലക്ഷ്യം മറികടന്നിരിക്കുകയാണ് ആദായ നികുതി വകുപ്പ്. ഈ വർഷത്തെ അവസാന തിയതിക്ക് 7 ദിവസം മുമ്പ് തന്നെ ആദായ നികുതി റിട്ടേൺ (ഐടിആർ) ഫയലിംഗുമായി ബന്ധപ്പെട്ട ലക്ഷ്യത്തിലെത്തി.
മൂന്ന് കോടിയിലധികം നികുതിദായകർ 2022-23 സാമ്പത്തിക വർഷത്തിൽ നേടിയ വരുമാനത്തിന്റെ ഐടിആർ ഇതുവരെ ഫയൽ ചെയ്തു കഴിഞ്ഞു. അതിൽ 91 ശതമാനവും ഇ-വെരിഫിക്കേഷൻ പ്രക്രിയയും പൂർത്തിയാക്കിയതായും, ഇ-വെരിഫൈഡ് ഐടിആറുകളിൽ 1.50 കോടിയിലധികം ഐടിആറുകൾ ഇതിനകം പ്രോസസ്സ് ചെയ്തിട്ടുണ്ടെന്നും ആദായ നികുതി വകുപ്പ് കഴിഞ്ഞ ബുധനാഴ്ച അറിയിച്ചു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.