Know About The Mid-cap Fund That Offered Better Returns To Investors
10 വർഷത്തിനിടെ 23% വരെ റിട്ടേൺ; 15,000 രൂപയുടെ എസ്ഐപി 65 ലക്ഷം രൂപയായി വളർത്തിയ മിഡ്-ക്യാപ് ഫണ്ട് ഇതാ
മിഡ്-ക്യാപ് ഫണ്ടുകളുടെ ഉയർന്ന അസ്ഥിരത കാര്യമാക്കാതെ കുറഞ്ഞത് 5-7 വർഷത്തേക്ക് നിക്ഷേപിക്കാൻ ആഗ്രഹമുള്ള നിക്ഷേപകർക്ക് ഈ ഫണ്ട് അനുയോജ്യമാണ്. ഒരു നിക്ഷേപകൻ എന്ന നിലയിൽ, സാമ്പത്തിക ലക്ഷ്യങ്ങൾ കൈവരിക്കുന്നതിന് ശരിയായ ഫണ്ട് തിരഞ്ഞെടുക്കേണ്ടതുണ്ട്. അതിനാൽ ഏതെങ്കിലും തരത്തിലുള്ള സംശയങ്ങളുണ്ടെങ്കിൽ നിക്ഷേപ ഉപദേഷ്ടാവിനെ സമീപിക്കുന്നതാണ് നല്ലത്.
സാമ്പത്തിക ലക്ഷ്യങ്ങൾ കൈവരിക്കുന്നതിന് വേണ്ടി നിക്ഷേപിക്കുന്നതിനുള്ള മികച്ച മാർഗമാണ് മ്യൂച്വൽ ഫണ്ടുകൾ. ഫണ്ടിന്റെ പ്രകടനം, നിക്ഷേപ തന്ത്രം, അടിസ്ഥാനകാര്യങ്ങൾ, പോർട്ട്ഫോളിയോ എന്നിവ വിലയിരുത്തുമ്പോൾ നിരവധി ഫണ്ടുകൾ ഹ്രസ്വകാലത്തേക്കും, ദീർഘകാലത്തേക്കും നിക്ഷേപത്തിന് യോജിച്ചതായി കണ്ടെത്താം. ഇത്തരത്തിലൊരു ഫണ്ടാണ് കൊട്ടക് എമർജിംഗ് ഇക്വിറ്റി ഫണ്ട്. മികച്ച രീതിയിൽ കൈകാര്യം ചെയ്യപ്പെടുന്ന ഒരു മിഡ് ക്യാപ് മ്യൂച്വൽ ഫണ്ടാണിത്. ഈ ഫണ്ട് വിവിധ വിപണി ഘട്ടങ്ങളിൽ ബെഞ്ച്മാർക്കിന് മറികടക്കുകയും, നിക്ഷേപകർക്ക് അപകടസാധ്യത കുറച്ചുകൊണ്ട് റിട്ടേണുകൾ നൽകുകയും ചെയ്തിട്ടുണ്ട്.
Samayam Malayalam
കൊട്ടക് എമർജിംഗ് ഇക്വിറ്റി ഫണ്ടിന്റെ ചരിത്രം
2007 മാർച്ചിൽ ആരംഭിച്ച കൊട്ടക് എമർജിംഗ് ഇക്വിറ്റി ഫണ്ട് ഇടത്തരം കമ്പനികളുടെ വളർച്ചാ സാധ്യത തിരിച്ചറിയാൻ ശ്രമിക്കുന്ന ഒരു മിഡ്-ക്യാപ് ഫണ്ടാണ്. കൊട്ടക് എമർജിംഗ് ഇക്വിറ്റി ഫണ്ട് പ്രാഥമികമായി ഒരു മിഡ്, സ്മോൾ ക്യാപ് ഫണ്ടായിരുന്നു, എന്നാൽ സെബിയുടെ വർഗ്ഗീകരണ മാനദണ്ഡവുമായി യോജിപ്പിക്കാൻ മിഡ് ക്യാപ് ഫണ്ടായി പുനഃക്രമീകരിച്ചതാണ്. ബോട്ടം-അപ്പ് നിക്ഷേപ തന്ത്രം ഉപയോഗിച്ചാണ് ഫണ്ട് നിക്ഷേപം നടത്തുന്ന്. എഴുപതോളം സെക്ടറുകളിലായി വ്യാപിച്ചുകിടക്കുന്ന സ്റ്റോക്കുകളുടെ ഒരു വലിയ പോർട്ട്ഫോളിയോ ഫണ്ടിന്റെ കൈവശമുണ്ട്. ഈ ഫണ്ടിന്റെ സമയപ്രായക്കാരിൽ പലരുടേയും പ്രകടനം മോശമായപ്പോഴും, ഈ ഫണ്ട് ശരാശരിയെ മറികടന്ന് മികച്ച പ്രകടനം നടത്തി. കഴിഞ്ഞ 5 വർഷത്തിനിടയിൽ ഏകദേശം 18.8% വാർഷിക വരുമാനത്തോടെ ഈ ഫണ്ട് അതിന്റെ ബെഞ്ച്മാർക്ക് ആയ നിഫ്റ്റി മിഡ്-ക്യാപ് 150 സൂചികയെ മറികടന്നു.
ഇടയ്ക്കൊക്കെ ബെഞ്ച്മാർക്ക് റിട്ടേണിൽ നിന്ന് പിന്നിലേക്ക് പോവാറുണ്ടെങ്കിലും, ദീർഘകാലാടിസ്ഥാനത്തിൽ മികച്ച പ്രകടനം കാഴ്ചവെയ്ക്കാൻ സാധ്യതയുണ്ട്. കഴിഞ്ഞ 1-2 വർഷത്തെ കാലയളവിൽ ബെഞ്ച്മാർക്കിന് പിന്നിലായിരുന്നെങ്കിലും, 5 വർഷത്തിനിടെ ഫണ്ട് മികച്ച പ്രകടനം നടത്തിയിട്ടുണ്ട്.
കൊട്ടക് എമർജിംഗ് ഇക്വിറ്റി ഫണ്ടിന്റെ നിക്ഷേപ തന്ത്രം
കൊട്ടക് എമർജിംഗ് ഇക്വിറ്റി ഫണ്ട് അതിന്റെ ആസ്തിയുടെ കുറഞ്ഞത് 65% മിഡ് ക്യാപ് സ്റ്റോക്കുകളിൽ നിക്ഷേപിക്കുന്നു. കൂടാതെ ലാർജ് ക്യാപ്, സ്മോൾ ക്യാപ് സ്റ്റോക്കുകളിലും ഫണ്ടിന് നിക്ഷേപമുണ്ട്. ദീർഘകാലാടിസ്ഥാനത്തിൽ ഉയർന്ന വളർച്ച നൽകാൻ കഴിവുള്ള കമ്പനികളിലും, സെക്ടറുകളിലുടനീളവും നിക്ഷേപിക്കാൻ ഈ സ്കീം ലക്ഷ്യമിടുന്നു. മെയ് 31 വരെയുള്ള കണക്കനുസരിച്ച്, ഫണ്ടിന്റെ പോർട്ട്ഫോളിയോയിൽ 78 സ്റ്റോക്കുകൾ ഉണ്ട്. അതിന്റെ ആസ്തിയുടെ 31% മികച്ച 10 ഓഹരികളിലാണ്. കൊട്ടക് എമർജിംഗ് ഇക്വിറ്റി ഫണ്ടിന് വിവിധ വിപണി ഘട്ടങ്ങളിൽ മികച്ച വരുമാനം സൃഷ്ടിക്കാൻ കഴിഞ്ഞിട്ടുണ്ട്. കൂടാതെ, ഈ സ്കീം കഴിഞ്ഞ കുറച്ച് വർഷങ്ങളായി മികച്ച പ്രകടനം കാഴ്ചവെക്കുകയും ശക്തമായ ഒരു ദീർഘകാല പോർട്ട്ഫോളിയോ റെക്കോർഡ് ഉണ്ടാക്കിയെടുക്കുകയും ചെയ്തിട്ടുണ്ട്. മോശമായ മാർക്കറ്റ് സാഹചര്യങ്ങളിൽ ഫണ്ട് ശക്തമായി നിലകൊള്ളുകയും വിപണിയിലെ മുന്നേറ്റങ്ങളിൽ നിന്ന് വരുമാനം നേടുകയും ചെയ്തു. മിഡ്, സ്മോൾ ക്യാപ് ഫണ്ടുകൾ കൈകാര്യം ചെയ്യുന്നതിൽ പേരുകേട്ട പങ്കജ് ടിബ്രേവാൾ ആണ് ഈ ഫണ്ടിന്റെ മാനേജർ.
(Disclaimer: മുകളിൽ പറഞ്ഞിരിക്കുന്ന കാര്യങ്ങൾ ഏതെങ്കിലും തരത്തിലുള്ള നിക്ഷേപ നിർദേശമല്ല, നിക്ഷേപകരുടെ അറിവിലേക്കു നൽകിയ വിവരങ്ങൾ മാത്രമാണ്. നിലവിൽ ലഭ്യമായ വിവരങ്ങളാണ് ഇവിടെ നൽകിയിരിക്കുന്നത്. മ്യൂച്വൽ ഫണ്ട് നിക്ഷേപങ്ങൾ ലാഭ-നഷ്ട സാധ്യതകൾക്ക് വിധേയമാണ്. നിക്ഷേപകർ എപ്പോഴും സ്വന്തം ഉത്തരവാദിത്തത്തിൽ മാത്രം നിക്ഷേപങ്ങൾ നടത്തേണ്ടതാണ്)
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.