ലഖ്നൗ: ഉത്തർ പ്രദേശിലെ ഹത്രാസിൽ തിക്കിലും തിരക്കിലും അകപ്പെട്ട് 121 പേർ കൊല്ലപ്പെടുകയും നിരവധിയാളുകൾക്ക് പരിക്കേൽക്കുകയും ചെയ്ത സംഭവത്തിൽ പ്രതികരണവുമായി ഭോലെ ബാബ എന്നറിയപ്പെടുന്ന സ്വയം പ്രഖ്യാപിത ആൾദൈവം നാരായൺ സാകർ ഹരി രംഗത്ത്.
"താൻ വേദിവിട്ട് പോയി ഏറെ നേരം കഴിഞ്ഞാണ് ദുരന്തമുണ്ടായത്. പരിക്കേറ്റവർ എത്രയും പെട്ടെന്ന് സുഖം പ്രാപിക്കട്ടെ എന്ന് ദൈവത്തോട് പ്രാർഥിക്കുന്നു. മരിച്ചവരുടെ കുടുംബാംഗങ്ങളുടെ വേദനയിൽ പങ്കുചേരുന്നു. ഈ അപകടത്തിന് കാരണം സാമൂഹിക വിരുദ്ധരുടെ ഇടപെടലാണ്. ഇതിൽ നടപടി സ്വീകരിക്കാൻ സുപ്രീം കോടതി അഭിഭാഷകൻ എപി സിങ്ങിനെ ചുമതലപ്പെടുത്തി" - എന്നായിരുന്നു ഭോലെ ബാബയുടെ പ്രതികരണം. ഒളിൽവിൽ കഴിയുന്ന ഇയാൾ കത്തിലൂടെയാണ് പ്രതികരണം നടത്തിയിരിക്കുന്നത്. മെയിൻപുരിയിലെ ആശ്രമത്തിൽ ബാബ ഉണ്ടെന്ന ആരോപണം ശക്തമാണ്.
ചൊവ്വാഴ്ച ഉത്തർപ്രദേശിലെ ഹത്രാസ് ജില്ലയിലാണ് 121 പേരുടെ ജീവനെടുത്ത ദുരന്തമുണ്ടായത്. മരിച്ചവരിൽ ഭൂരിഭാഗവും സ്ത്രീകളാണ്. ഭോലെ ബാബയുടെ സുരക്ഷ സംവിധാനങ്ങൾ ദുരന്തത്തിന് കാരണമായെന്ന് സബ് ഡിവിഷണൽ മജിസ്‌ട്രേറ്റിൻ്റെ (എസ്‌ഡിഎം) നേതൃത്വത്തിലുള്ള പ്രാഥമിക അന്വേഷണത്തിൽ സൂചിപ്പിക്കുന്നുണ്ട്. അപകടം നടന്ന ചടങ്ങിൽ രണ്ട് ലക്ഷത്തിലധികം ആളുകൾ എത്തിയിരുന്നു.
ചൊവ്വാഴ്ച ഉച്ചയ്ക്ക് 12.30 ഓടെ ഭോലെ ബാബ പന്തലിൽ എത്തി. പ്രഭാഷണം പൂർത്തിയാക്കി 1.40ന് പന്തലിൽ നിന്ന് പുറത്തിറങ്ങി. ഇതിനിടെ അനുയായികൾ ബാബയ്ക്ക് സമീപം എത്താനും ബാബ ചവിട്ടിയ മണ്ണ് ശേഖരിക്കാനും തിക്കും തിരക്കും ഉണ്ടാക്കി. ഇതോടെ തിക്കും തിരക്കും രൂക്ഷമാകുകയും ആളുകൾ വീഴുകയുമായിരുന്നുവെന്നാണ് പ്രാഥമിക റിപ്പോർട്ട്. ബാബ ചവിട്ടിയ മണ്ണ് നെറ്റിയിൽ പുരട്ടാനും അദ്ദേഹത്തിൻ്റെ ദർശനം നേടാനുമാണ് അനുയായികൾ ശ്രമം നടത്തിയത്. ബാബയുടെ പാദങ്ങളിൽ സ്‌പർശിക്കാനും അനുഗ്രഹം വാങ്ങാനും ശ്രമമുണ്ടായെന്നാണ് റിപ്പോർട്ട്.
ഹത്രാസ് ദുരന്തത്തിൽ പോലീസ് അന്വേഷണം ആരംഭിച്ചെങ്കിലും എഫ്ഐആറിൽ ഭോലെ ബാബയുടെ പേരുവിവരങ്ങളില്ല. ദുരന്തത്തിൽ ഉത്തർ പ്രദേശ് മുഖ്യമന്ത്രി യോഗി ആദിത്യനാഥ് ജുഡീഷ്യൽ അന്വേഷണം പ്രഖ്യാപിച്ചിരുന്നു. വിരമിച്ച ഹൈക്കോടതി ജഡ്ജിയുടെ നേതൃത്വത്തിൽ ജുഡീഷ്യൽ അന്വേഷണം നടത്തും. ഇതൊരു അപകടമല്ലെങ്കിൽ ആരുടെ ഗൂഢാലോചനയാണെന്ന് അറിയേണ്ടതുണ്ട്. ഇവയെല്ലാം അന്വേഷിക്കും. സിവിൽ അഡ്മിനിസ്‌ട്രേഷനിലെയും വിരമിച്ച ഉദ്യോഗസ്ഥരെ ജുഡീഷ്യൽ അന്വേഷണത്തിൻ്റെ ഭാഗമാക്കും. ദുരന്തത്തിൻ്റെ ഉത്തരവാദികൾക്കെതിരെ നടപടിയെടുക്കുമെന്നും മുഖ്യമന്ത്രി പറഞ്ഞു.
"താൻ വേദിവിട്ട് പോയി ഏറെ നേരം കഴിഞ്ഞാണ് ദുരന്തമുണ്ടായത്. പരിക്കേറ്റവർ എത്രയും പെട്ടെന്ന് സുഖം പ്രാപിക്കട്ടെ എന്ന് ദൈവത്തോട് പ്രാർഥിക്കുന്നു. മരിച്ചവരുടെ കുടുംബാംഗങ്ങളുടെ വേദനയിൽ പങ്കുചേരുന്നു. ഈ അപകടത്തിന് കാരണം സാമൂഹിക വിരുദ്ധരുടെ ഇടപെടലാണ്. ഇതിൽ നടപടി സ്വീകരിക്കാൻ സുപ്രീം കോടതി അഭിഭാഷകൻ എപി സിങ്ങിനെ ചുമതലപ്പെടുത്തി" - എന്നായിരുന്നു ഭോലെ ബാബയുടെ പ്രതികരണം. ഒളിൽവിൽ കഴിയുന്ന ഇയാൾ കത്തിലൂടെയാണ് പ്രതികരണം നടത്തിയിരിക്കുന്നത്. മെയിൻപുരിയിലെ ആശ്രമത്തിൽ ബാബ ഉണ്ടെന്ന ആരോപണം ശക്തമാണ്.
ചൊവ്വാഴ്ച ഉത്തർപ്രദേശിലെ ഹത്രാസ് ജില്ലയിലാണ് 121 പേരുടെ ജീവനെടുത്ത ദുരന്തമുണ്ടായത്. മരിച്ചവരിൽ ഭൂരിഭാഗവും സ്ത്രീകളാണ്. ഭോലെ ബാബയുടെ സുരക്ഷ സംവിധാനങ്ങൾ ദുരന്തത്തിന് കാരണമായെന്ന് സബ് ഡിവിഷണൽ മജിസ്‌ട്രേറ്റിൻ്റെ (എസ്‌ഡിഎം) നേതൃത്വത്തിലുള്ള പ്രാഥമിക അന്വേഷണത്തിൽ സൂചിപ്പിക്കുന്നുണ്ട്. അപകടം നടന്ന ചടങ്ങിൽ രണ്ട് ലക്ഷത്തിലധികം ആളുകൾ എത്തിയിരുന്നു.
ചൊവ്വാഴ്ച ഉച്ചയ്ക്ക് 12.30 ഓടെ ഭോലെ ബാബ പന്തലിൽ എത്തി. പ്രഭാഷണം പൂർത്തിയാക്കി 1.40ന് പന്തലിൽ നിന്ന് പുറത്തിറങ്ങി. ഇതിനിടെ അനുയായികൾ ബാബയ്ക്ക് സമീപം എത്താനും ബാബ ചവിട്ടിയ മണ്ണ് ശേഖരിക്കാനും തിക്കും തിരക്കും ഉണ്ടാക്കി. ഇതോടെ തിക്കും തിരക്കും രൂക്ഷമാകുകയും ആളുകൾ വീഴുകയുമായിരുന്നുവെന്നാണ് പ്രാഥമിക റിപ്പോർട്ട്. ബാബ ചവിട്ടിയ മണ്ണ് നെറ്റിയിൽ പുരട്ടാനും അദ്ദേഹത്തിൻ്റെ ദർശനം നേടാനുമാണ് അനുയായികൾ ശ്രമം നടത്തിയത്. ബാബയുടെ പാദങ്ങളിൽ സ്‌പർശിക്കാനും അനുഗ്രഹം വാങ്ങാനും ശ്രമമുണ്ടായെന്നാണ് റിപ്പോർട്ട്.
ഹത്രാസ് ദുരന്തത്തിൽ പോലീസ് അന്വേഷണം ആരംഭിച്ചെങ്കിലും എഫ്ഐആറിൽ ഭോലെ ബാബയുടെ പേരുവിവരങ്ങളില്ല. ദുരന്തത്തിൽ ഉത്തർ പ്രദേശ് മുഖ്യമന്ത്രി യോഗി ആദിത്യനാഥ് ജുഡീഷ്യൽ അന്വേഷണം പ്രഖ്യാപിച്ചിരുന്നു. വിരമിച്ച ഹൈക്കോടതി ജഡ്ജിയുടെ നേതൃത്വത്തിൽ ജുഡീഷ്യൽ അന്വേഷണം നടത്തും. ഇതൊരു അപകടമല്ലെങ്കിൽ ആരുടെ ഗൂഢാലോചനയാണെന്ന് അറിയേണ്ടതുണ്ട്. ഇവയെല്ലാം അന്വേഷിക്കും. സിവിൽ അഡ്മിനിസ്‌ട്രേഷനിലെയും വിരമിച്ച ഉദ്യോഗസ്ഥരെ ജുഡീഷ്യൽ അന്വേഷണത്തിൻ്റെ ഭാഗമാക്കും. ദുരന്തത്തിൻ്റെ ഉത്തരവാദികൾക്കെതിരെ നടപടിയെടുക്കുമെന്നും മുഖ്യമന്ത്രി പറഞ്ഞു.