മൂന്ന് പതിറ്റാണ്ടോളമുള്ള എസ്എഫ്ഐ ആധിപത്യത്തിന് വെല്ലുവിളി; കണ്ണൂർ മെഡിക്കൽ കോളേജിലും യുഡിഎസ്എഫ് നേടിയത് മിന്നും വിജയം

കണ്ണൂർ: പരിയാരത്തെ കണ്ണൂർ മെഡിക്കൽ കോളേജ് യൂണിയൻ തെരഞ്ഞെടുപ്പിൽ ചരിത്ര വിജയം അവകാശപ്പെട്ട് യുഡിഎസ്എഫ് മുന്നണി നേതാക്കൾ. കഴിഞ്ഞ 30 വർഷത്തിനിടയിൽ ആദ്യമായി നടന്ന തെരഞ്ഞെടുപ്പിലാണ് യുഡിഎസ്എഫ് 12 സിറ്റിൽ വിജയിച്ചത്. 10 മേജർ സീറ്റിൽ ഒൻപതും യുഡിഎസ്എഫ് നേടി.ചെയർമാനായി ഹിഷാം മുനീറിനെയും വൈസ് ചെയർമാന്മാരായി ഇ അമീൻ, എസ് സജിത എന്നിവരെയും തെരഞ്ഞെടുക്കപ്പെട്ടു. ജനറൽ സെക്രട്ടറി ഹുസ്‌നുൽ മുനീർ, ജോ. സെക്രട്ടറിമാരായി ഫറാസ് ഷരീഫ്, ഷിബിൻ ഫവാസ്, ഫൈൻ ആർട്സ് സെക്രട്ടറിയായി മുഹമ്മദ് ജാമിം, യുയുസിമാരായി കെ വാജിദ്, മുഹമ്മദ് റൈസൽ എന്നിവരാണ് വിജയിച്ചത്. സ്‌പോർട്സ് സെക്രട്ടറി എസ്എഫ്ഐ വിജയിച്ചു. 2020 ബാച്ച്, പിജി റപ് എന്നിവയും എസ്എഫ്ഐ ജയിച്ചു. 2021 റപ്, 22 റപ്, 23 റപ് എന്നിവ യുഡിഎസ്എഫിന് ലഭിച്ചു.


പിണറായി സർക്കാരിനെതിരായി കലാലയ ക്യാംപസുകളിൽ ഉയർന്നുവരുന്ന അതിശക്തമായ വിദ്യാർഥി രോഷത്തിൻ്റെ പ്രതിഫലനമാണ് കണ്ണൂർ പരിയാരം മെഡിക്കൽ കോളേജിൽ ഇന്ന് നടന്ന കോളേജ് യൂണിയൻ തെരഞ്ഞെടുപ്പിൽ യുഡിഎസ്എഫിന്റെ അഭൂതപൂർവമായ വിജയമെന്ന് മുസ്ലീം ലീഗ് ജില്ലാ പ്രസിഡൻ്റ് അഡ്വ. അബ്ദുൽ കരീം ചേലേരി പറഞ്ഞു. ലോക്സഭാ തെരഞ്ഞെടുപ്പോടു കൂടി കേരളത്തിൽ പിണറായി വിജയന് ലഭ്യമായിട്ടുള്ള മാൻഡേറ്റ് തകർന്നിരിക്കുന്നു. ഏതാനും ആഴ്ചകൾക്കു മുൻപേ നടന്ന കോഴിക്കോട് സർവകലാശാല യൂണിയൻ തെരഞ്ഞെടുപ്പിലും യുഡിഎസ്എഫ് അതിശക്തമായ വിജയമാണ് കാഴ്ചവെച്ചതെന്ന് അദ്ദേഹം പറഞ്ഞു.
കരുവന്നൂർ ബാങ്ക് തട്ടിപ്പ്: ഇതുവരെ കണ്ടുകെട്ടിയത് 117.78 കോടിയുടെ സ്വത്ത്, സിപിഎമ്മിൻ്റെ 10 ലക്ഷം രൂപയുടെ ഭൂമിയും; വിശദീകരിച്ച് ഇഡി

"കഴിഞ്ഞ 30 വർഷമായി എസ്എഫ്ഐ തനിച്ച് ജയിക്കുന്നുവെന്ന് അഹങ്കരിച്ചു നടന്ന ഒരു കോളേജാണ് പരിയാരം മെഡിക്കൽ കോളേജ്. എതിർ സ്ഥാനാർഥികളെയും എതിർ മുന്നണിക്കാരെയും നോമിനേഷൻ പോലും കൊടുക്കാൻ അനുവദിക്കാതെ ഇവിടെ നടത്തിയിട്ടുള്ള ഏകപക്ഷീയമായ പ്രവർത്തനങ്ങളുടെ ഫലമായാണ് കഴിഞ്ഞ തെരഞ്ഞെടുപ്പുകളിലൊന്നിലും മുന്നണി സ്ഥാനാർഥികൾ എന്ന നിലയിൽ ഇവിടെ യുഡിഎസ്എഫ് സ്ഥാനാർഥികൾക്ക് വിജയിച്ചു വരാൻ സാധിക്കാതിരുന്നത്. എന്നാൽ അങ്ങേയറ്റത്തെ നിശ്ചയദാർഢ്യത്തോടും ഇച്ഛാശക്തിയോടെയുള്ള പ്രവർത്തനങ്ങളുടെയും ഫലമാണ് ഈ വിജയം".
ജൂലൈ ഒന്നിന് തിരുവനന്തപുരം - മംഗളൂരു റൂട്ടിൽ വൺവേ സ്പെഷ്യൽ വന്ദേ ഭാരത്; രാവിലെ 10:45ന് ട്രെയിൻ പുറപ്പെടും

എല്ലാ പ്രതിസന്ധികളെയും എല്ലാ ഭീഷണികളെയും അതിജീവിച്ച് ഞങ്ങൾ വിദ്യാർഥി പക്ഷത്ത് ഉറച്ചുനിൽക്കുമെന്ന് പ്രഖ്യാപിച്ചുകൊണ്ട് ഇവിടുത്തെ എംഎസ്എഫിന്റെയും കെഎസ്‍യുവിൻ്റെയും സാരഥികൾ മുന്നോട്ടുവന്നപ്പോൾ അവർക്ക് എല്ലാവിധ പിന്തുണയും നൽകി കണ്ണൂർ മെഡിക്കൽ കോളേജിലെ വിദ്യാർഥികൾ കഴിഞ്ഞ 30 വർഷത്തിനുശേഷം ചരിത്രം സൃഷ്ടിച്ചിരിക്കുന്നുവെന്ന് അബ്ദുൽ കരീം ചേലേരി പറഞ്ഞു. സ്വർണക്കടത്തുകാരുടെയും ക്വട്ടേഷൻ സംഘത്തിൻ്റെയും പിടിയിലമർന്ന സിപിഎമ്മിന് കൂടി വിദ്യാർഥികൾ നൽകിയിട്ടുള്ള കടുത്ത തിരിച്ചടി കൂടിയാണിതെന്നും അദ്ദേഹം കൂട്ടിച്ചേ‍ർത്തു.