പേശികളില് വരുന്ന മാറ്റം
![പേശികളില് വരുന്ന മാറ്റം പേശികളില് വരുന്ന മാറ്റം](https://static.langimg.com/thumb/105036046/samayam-malayalam-105036046.jpg?imgsize=503320&width=680&resizemode=3)
നമ്മള് മുന്പിലോട്ട് നടക്കുമ്പോള് നമ്മള് മുന്നോട്ട് നടക്കാന് സഹായിക്കുന്ന പേശികള്ക്ക് മാത്രമാണ് വ്യായാമം ലഭിക്കുന്നത്. അതിനാല്, അവ മാത്രം ബലപ്പെടുകയും ചെയ്യുന്നു. എന്നാല്, നമ്മള് പിറകിലോട്ട് നടക്കുമ്പോള് മുന്നിലോട്ട് നടക്കുമ്പോള് ആക്ടീവ് ആകാത്ത മസിലുകള് വളരെ ആക്ടീവ് അകുന്നു. ഇത് ബലപ്പെടാനും ആരംഭിക്കുന്നു. ഇത്തരത്തില് കാലുകളിലെ എല്ലാ പേശികളും ബലപ്പെടുമ്പോള് സത്യത്തില് നല്ല ആരോഗ്യവും ബലവുമുള്ള കാലുകള് നമ്മള്ക്ക് ലഭിക്കാന് പുറകിലോട്ട് നടക്കുന്നത് സഹായിക്കുന്നുണ്ട്.
വ്യായാമത്തിന് പകരം ചെയ്യാവുന്നവ
സന്തുലിതാവസ്ഥ
![സന്തുലിതാവസ്ഥ സന്തുലിതാവസ്ഥ](https://static.langimg.com/thumb/105036095/samayam-malayalam-105036095.jpg?imgsize=1718588&width=680&resizemode=3)
നമ്മളുടെ മനസ്സിന് മാത്രമല്ല, നമ്മളുടെ ശരീരത്തിനും നല്ലൊരു സന്തുലിതാവസ്ഥ ഉണ്ട്. ഇത് തെറ്റിയാല് ശരീരത്തിന്റെ ബാലന്സ് തന്നെ നമ്മളില് നിന്നും നഷ്ടമാകും. ശരീരത്തിന്റെ ഈ ബാലന്സ് നിലനിര്ത്താന് നമ്മളുടെ ശരീരത്തിനും പേശികള്കും നല്ല ആരോഗ്യം ഉണ്ടായിരിക്കണം. 2021 മാര്ച്ചില് നടത്തിയ ഒരു പഠനത്തില് ട്രെഡ്മില്ലില് പുറകിലോട്ട് നടന്ന് പ്രാക്ടീസ് ചെയ്തവരില് വെറും നാലാഴ്ച്ചയ്ക്കുള്ളില് തന്നെ ശരീരത്തിന്റെ ബാലന്സ് വര്ദ്ധിപ്പിക്കാന് സാധിച്ചതായി കണ്ടെത്തുകയുണ്ടായി. അതിനാല്, നല്ല ബാലന്സ് ലഭിക്കാന് വ്യായാമത്തില് കുറച്ച് നേരം പുറകിലോട്ട് നടന്ന് ശീലിക്കുന്നതും നല്ലതാണ്.
ശരീരഭാരം
![ശരീരഭാരം ശരീരഭാരം](https://static.langimg.com/thumb/105036105/samayam-malayalam-105036105.jpg?imgsize=274346&width=680&resizemode=3)
ഇന്ന് പലരും ശരീരഭാരം കുറയ്ക്കാന് കഷ്ടപ്പെടുകയാണ്. ട്രെഡ്മില്ലില് 15 മിനിറ്റില് അധികം വ്യായാമം ചെയ്യുന്നവരുണ്ട്. ചിലര് ദിവസേന 10000 സ്റ്റെപ്പില് കൂടുതല് നടക്കുന്നവരും ഉണ്ട്. എന്നാല്, ഇതെല്ലാം മുന്പിലോട്ട് നടത്തുന്ന വ്യായാമങ്ങളാണ്. എന്നാല്, ഇതിന് പകരം, നിങ്ങള് കുറച്ച് നാള് പുറകിലോട്ട് നടന്ന് നോക്കൂ. നിങ്ങളുടെ ശരീരഭാരം കുറയുന്നത് കാണാം. 2005ല് നടത്തിയ ഒരു പഠനത്തില് ആറ് ആഴ്ച്ച പുറകിലോട്ട് നടത്തുകയും ഒപ്പം ഓടുകയും ചെയ്ത് ശീലിച്ച സ്ത്രീകളില് മുന്പിലോട്ട് നടക്കുന്നവരേക്കാള് വേഗത്തില് ശരീരഭാരം കുറയുന്നതായി കണ്ടെത്തുകയുണ്ടായി. അതിനാല്, ശരീരഭാരം കുറയ്ക്കാന് ശ്രമിക്കുന്നവര്ക്ക് പുറകിലട്ട് നടക്കുന്നത് നല്ലതാണ്. വളരെ പെട്ടെന്ന് റിസള്ട്ട് ലഭിക്കാന് ഇത് സഹായിക്കും.
കൂര്മ്മ ബുദ്ധി
![കൂര്മ്മ ബുദ്ധി കൂര്മ്മ ബുദ്ധി](https://static.langimg.com/thumb/105036131/samayam-malayalam-105036131.jpg?imgsize=519358&width=680&resizemode=3)
നല്ല ബുദ്ധിയും മാനസിക വളര്ച്ചയും എല്ലാവരും ആഗ്രഹിക്കാറുണ്ട്. എന്നാല്, നമ്മളിലെ സ്ട്രെസ്സ് അതുപോലെ ജീവിത ചുറ്റുപാടുകള് എന്നിവ പലപ്പോഴും ഇവ സ്വന്തമാക്കാന് തടസ്സം നില്ക്കാം. എന്നാല്, ഇതില് നിന്നും മാറി, നല്ല മാനസിക വളര്ച്ചയും ബുദ്ധിയും നല്കാന് പുറകിലോട്ട് നടന്ന് ശീലിക്കുന്നത് വളരെയധികം സഹായിക്കുന്നുണ്ട്. ഇത് മനസ്സിനെ ശാന്തമാക്കാന് സഹായിക്കുന്നു. നമ്മളുടെ ഏകാഗ്രത വര്ദ്ധിപ്പിക്കാന് ഇത് സഹായിക്കുന്നുണ്ട്. കൂടാതെ, നമ്മള് പുതിയ മാറ്റങ്ങള് ജീവിതശൈലിയില് കൊണ്ട് വരുമ്പോള് അത് നമ്മളുടെ തലച്ചോറിന്റെ പ്രവര്ത്തനത്തിനും ഗുണകരമാകുന്നുണ്ട്. അതിനാല്, ബുദ്ധിവികാസത്തിനും ഇത് വളരെധികം സഹായിക്കുന്നു.
കാര്ഡിയോ വര്ക്കൗട്ട്
![കാര്ഡിയോ വര്ക്കൗട്ട് കാര്ഡിയോ വര്ക്കൗട്ട്](https://static.langimg.com/thumb/105036149/samayam-malayalam-105036149.jpg?imgsize=529586&width=680&resizemode=3)
നമ്മളുടെ ശ്വാസകോശത്തിലേയ്ക്കും അതുപോലെ, നമ്മളുടെ ഹൃദയത്തിലേയ്്ക്കും ആവശ്യത്തിന് ഓക്സിജന് എത്തേണ്ടത് വളരെ അനിവാര്യമാണ്. ഇതിന് കാര്ഡിയോ വര്ക്കൗട്ട്സ് വളരെയധികം സഹായിക്കാറുണ്ട്. നമ്മള് ജിമ്മില് പോയി ആയാസപ്പെട്ട് കാര്ഡിയോ വര്ക്കൗട്ട് ചെയ്യുന്നതിനേക്കാള് വളരെ എളുപ്പമാണ് പുറകിലോട്ട് നടന്ന് ശീലിക്കുന്നത്. ഇത് കാര്ഡിയോ വര്ക്കൗട്ട് ചെയ്യുന്ന അതേ ഗുണം നമ്മളുടെ ശരീരത്തിന് നല്കാന് സഹായിക്കുന്നുണ്ട്. പ്രത്യേകിച്ച് ശരീരത്തിലേയ്ക്ക് വേണ്ടത്ര ഓക്സിജന് എത്താന് സഹായിക്കുന്നു. ശരീരത്തില് എനര്ജി നിലനിര്ത്താനും ഇത് സഹായിക്കുന്നു.
Disclaimer: നിങ്ങള്ക്ക് ഏതെങ്കിലും വിധത്തില് ആരോഗ്യ പ്രശ്നങ്ങള് ഉണ്ടെങ്കില് ഇത്തരത്തില് ഏതെങ്കിലും പുതിയ വ്യായാമം ചെയ്യുന്നതിന് മുന്പ് ഡോക്ടറുടെ നിര്ദ്ദേശം തേടുന്നത് നല്ലതാണ്.
Also Read: സ്റ്റാമിന വര്ദ്ധിപ്പിക്കാന് കഴിക്കാം ഈ ആഹാരങ്ങള്