ഫിലിം റിവ്യൂ
മന്ദാകിനി; കട്ടലോക്കല് മധ്യകേരളം
താരനിര:
സംവിധാനം:വിനോദ് ലീലസിനിമ വിഭാഗം:Malayalam, Comedy, Dramaദൈര്ഘ്യം:2 Hrs 7 Minമൂവി റിവ്യൂ ചെയ്യുകഅല്താഫ് സലീം അനാര്ക്കലി മരിക്കാര്,ഗണപതി,കുട്ടി അഖില്,അശ്വതി ശ്രീകാന്ത്,സരിത കുക്കു,വിനീത് തട്ടില്,പ്രിയ പ്രകാശ്,ലാല് ജോസ്,ജൂഡ് ആന്റണി,ജിയോ ബേബി,ജാഫര് ഇടുക്കി
മുജീബുര്റഹ്മാന് കരിയാടന്
വൈപ്പിന്കാരി പെണ്ണിനെ നെടുമ്പാശ്ശേരിക്കാരന് ചെക്കന് കല്ല്യാണം കഴിച്ചാല് എന്തുണ്ടാകും? ചെക്കന്റെ വീട്ടിലെ ടെറസില് കയറി നോക്കിയാല് കാണുന്ന കൊച്ചി അന്താരാഷ്ട്ര വിമാനത്താവളത്തില് നിന്നും പറന്നുയരുന്ന വിമാനങ്ങളുടെ പശ്ചാതലത്തില് കല്ല്യാണ ഫോട്ടോ എടുക്കാം! അത്രേ ഉണ്ടാകൂ? അല്ലെന്നാണ് മന്ദാകിനി പറയുന്നത്.
ഒരു കല്ല്യാണവുമായി ബന്ധപ്പെട്ട് ഒറ്റ ദിവസം നടക്കുന്ന സംഭവങ്ങളാണ് മന്ദാകിനിയില് രസകരമായി പറഞ്ഞു പോകുന്നത്. ആദ്യ ഭാഗത്ത് കല്ല്യാണവും സദ്യയും അതിഥികളുമൊക്കെയായി സിനിമ കാണാനെത്തിയവരും കല്ല്യാണം കൂടാനെത്തിയവരാണെന്ന് തോന്നും. രണ്ടാം പകുതിയിലാണ് കഥ മുഴുവന് വരുന്നത്.
അതിഥികളെല്ലാം പോയിക്കഴിഞ്ഞ കല്ല്യാണ വീട്ടില് ആദ്യരാത്രിക്കു മുമ്പേ നടക്കുന്ന കുറേ കാര്യങ്ങള് തമാശയുടേയും ഗൗരവത്തിന്റെയുമെല്ലാം മേമ്പൊടി ചേര്ത്താണ് സംവിധായകന് വിനോദ് ലീല അവതരിപ്പിച്ചിരിക്കുന്നത്.
വളരെ സാധാരണമായ ഒരു കുടുംബത്തിലെ കല്ല്യാണവും തുടര്ന്നുള്ള സംഭവഗതികളുമൊക്കെയാണ് സിനിമയില് പറയുന്നത്. രാജലക്ഷ്മി ഡ്രൈവിംഗ് സ്കൂള് നടത്തുന്ന രാജലക്ഷ്മിയുടെ മകന് ആരോമലും കൊച്ചി അന്താരാഷ്ട്ര വിമാനത്താവളത്തില് ജോലി ചെയ്യുന്ന അമ്പിളിയും തമ്മിലുള്ള വിവാഹത്തിന് ശേഷം നടക്കുന്ന സംഭവങ്ങളാണ് സിനിമ മുമ്പോട്ടു കൊണ്ടുപോകുന്നത്.
നെടുമ്പാശ്ശേരിയില് നിന്നും വൈപ്പിനിലേക്ക് അര്ധരാത്രി അഞ്ച് സ്ത്രീകള് മാത്രം ജീപ്പോടിച്ചു പോകുന്നതും കല്ല്യാണാഘോഷത്തിനിടെ ആണുങ്ങള്ക്ക് മാത്രമല്ല പെണ്ണുങ്ങള്ക്കും കള്ളുകുടിക്കാനാവുമെന്നുമൊക്കെ രാജലക്ഷ്മിയും സംഘവും കാണിച്ചു തരുന്നുണ്ട്.
വളരെ ചെറുപ്പത്തിലേ വിധവയായ രാജലക്ഷ്മി അക്കാരണം കൊണ്ടുതന്നെ അതിശക്തയായ വനിതയുമാണ്. ഭര്ത്താവിന്റെ മരണശേഷം അദ്ദേഹത്തിന്റെ ജീപ്പെടുത്ത് നന്നാക്കി ഡ്രൈവിംഗ് സ്കൂള് ആരംഭിച്ച രാജലക്ഷ്മി തന്റേടിയും എന്തിനും പോന്നവളുമാണ്. അതുകൊണ്ടാണ് അവര് മകന്റെ ഭാര്യയേയും മകളേയും ബന്ധുക്കളായ രണ്ടുപേരേയും കൂട്ടി രാത്രി ജീപ്പുമെടുത്ത് വൈപ്പിനിലേക്ക് മുപ്പതിലേറെ കിലോമീറ്റര് സഞ്ചരിക്കുന്നത്. അതിനിടയില് അവരെ പൊലീസും പിടിക്കുന്നുണ്ട്.
ആദ്യ രാത്രി നവവധു മറ്റൊരു യുവാവിന്റെ പേര് പറഞ്ഞാല് ഏതൊരു വരനും പകച്ചു പോകുന്നത് സ്വാഭാവികം. വരന് മാത്രമല്ല അയാളുടെ കുടുംബവും വേവലാതിപ്പെടും. തന്റെ പഴയ കാമുകനെ കാണണമെന്ന് നവവധു നിര്ബന്ധം പിടിച്ചാല് പിന്നെയുണ്ടാകുന്ന പുകിലൊന്നും പറയുകയും വേണ്ട. കാര്യം മുഴുവനുമറിയാതെ കഥ മെനയാന് പോയാല് എങ്ങനെയിരിക്കുമെന്നും പറഞ്ഞുവെക്കുന്നുണ്ട് മന്ദാകിനി.
ആളുമാറി മദ്യം കുടിച്ചാലുണ്ടാകുന്ന പൊല്ലാപ്പുകള് പലപ്പോഴായി പറഞ്ഞു പോയിട്ടുണ്ടെങ്കിലും മന്ദാകിനിയില് മദ്യമുണ്ടാക്കുന്ന പൊല്ലാപ്പ് ചില്ലറയല്ല. പ്രധാന കഥാപാത്രങ്ങളോടൊപ്പം മദ്യവും പ്രധാന വേഷം ചെയ്തിട്ടുണ്ട് മന്ദാകിനിയില്.
സാധാരണക്കാരായ പ്രേക്ഷകരെ ഉദ്ദേശിച്ച് ചെയ്ത മന്ദാകിനിയില് രസകരമായി കണ്ടിരിക്കാനും കേട്ടിരിക്കാനുമാവുന്ന നിരവധി തമാശ സംഭാഷണങ്ങളും തമാശ രംഗങ്ങളുമുണ്ട്. ഇടയില് ഒന്നുരണ്ടിടത്ത് ദ്വയാര്ഥ പ്രയോഗങ്ങള് വരുന്നുണ്ടെന്നതൊഴിച്ചാല് നിര്ദ്ദോശമായ തമാശകളാണ് ഭൂരിഭാഗവും.
അല്താഫ് സലീമിനോടൊപ്പം മുഴുനീള വേഷത്തില് വരുന്ന വിനീത് തട്ടിലും കുട്ടിഅഖിലും മാത്രമല്ല ഇടിപ്പടങ്ങളുടെ സംവിധായകന് അജയ് വാസുദേവും പ്രേക്ഷകരെ ചിരിപ്പിക്കുന്നുണ്ട്.
സംവിധായകന്റെ കലയാണ് സിനിമ എന്നുപറയുന്നതുപോലെ സംവിധായകരുടെ സിനിമയാണ് മന്ദാകിനി എന്നും പറയാം. സംവിധായകന് അല്താഫ് സലീമാണ് നായകന് എന്നതിന് പുറമേ സംവിധായകരായ ലാല് ജോസ്, ജിയോ ബേബി, ജൂഡ് ആന്റണി, അജയ് വാസുദേവ് എന്നിവരും ഈ സിനിമയില് വേഷമിട്ടിട്ടുണ്ട്.
കഥാകൃത്തുക്കളില് ഒരാളായ ഷിജു എം ഭാസ്ക്കറാണ് സിനിമയുടെ ക്യാമറ കൈകാര്യം ചെയ്തിരിക്കുന്നത്. ശാലുവാണ് സഹഎഴുത്തുകാരന്.
മന്ദാകിനിയെന്ന പേര് സിനിമയ്ക്കെങ്ങനെ വന്നുവെന്ന് ഒറ്റനോട്ടത്തില് സാധാരണ പ്രേക്ഷകര്ക്ക് മനസ്സിലായെന്നു വരില്ല. നാരീശക്തിയുടെ അടയാളമായ ഏതെങ്കിലുമൊരു ഇന്ത്യന് ദേവതയുടെ പേരാണെന്നൊക്കെ സിനിമയിലെ രംഗങ്ങള് കണ്ടാല് സംശയിക്കാന് വകുപ്പുണ്ട്. എന്നാല് സംഗതി വാറ്റാണ്- കാനഡയില് മലയാളികള് ഉത്പാദിപ്പിക്കുന്ന മദ്യമാണ് മന്ദാകിനി കട്ട ലോക്കല് മലബാരി വാറ്റ്.
വൈപ്പിന്കാരി പെണ്ണിനെ നെടുമ്പാശ്ശേരിക്കാരന് ചെക്കന് കല്ല്യാണം കഴിച്ചാല് എന്തുണ്ടാകും? ചെക്കന്റെ വീട്ടിലെ ടെറസില് കയറി നോക്കിയാല് കാണുന്ന കൊച്ചി അന്താരാഷ്ട്ര വിമാനത്താവളത്തില് നിന്നും പറന്നുയരുന്ന വിമാനങ്ങളുടെ പശ്ചാതലത്തില് കല്ല്യാണ ഫോട്ടോ എടുക്കാം! അത്രേ ഉണ്ടാകൂ? അല്ലെന്നാണ് മന്ദാകിനി പറയുന്നത്.
ഒരു കല്ല്യാണവുമായി ബന്ധപ്പെട്ട് ഒറ്റ ദിവസം നടക്കുന്ന സംഭവങ്ങളാണ് മന്ദാകിനിയില് രസകരമായി പറഞ്ഞു പോകുന്നത്. ആദ്യ ഭാഗത്ത് കല്ല്യാണവും സദ്യയും അതിഥികളുമൊക്കെയായി സിനിമ കാണാനെത്തിയവരും കല്ല്യാണം കൂടാനെത്തിയവരാണെന്ന് തോന്നും. രണ്ടാം പകുതിയിലാണ് കഥ മുഴുവന് വരുന്നത്.
അതിഥികളെല്ലാം പോയിക്കഴിഞ്ഞ കല്ല്യാണ വീട്ടില് ആദ്യരാത്രിക്കു മുമ്പേ നടക്കുന്ന കുറേ കാര്യങ്ങള് തമാശയുടേയും ഗൗരവത്തിന്റെയുമെല്ലാം മേമ്പൊടി ചേര്ത്താണ് സംവിധായകന് വിനോദ് ലീല അവതരിപ്പിച്ചിരിക്കുന്നത്.
വളരെ സാധാരണമായ ഒരു കുടുംബത്തിലെ കല്ല്യാണവും തുടര്ന്നുള്ള സംഭവഗതികളുമൊക്കെയാണ് സിനിമയില് പറയുന്നത്. രാജലക്ഷ്മി ഡ്രൈവിംഗ് സ്കൂള് നടത്തുന്ന രാജലക്ഷ്മിയുടെ മകന് ആരോമലും കൊച്ചി അന്താരാഷ്ട്ര വിമാനത്താവളത്തില് ജോലി ചെയ്യുന്ന അമ്പിളിയും തമ്മിലുള്ള വിവാഹത്തിന് ശേഷം നടക്കുന്ന സംഭവങ്ങളാണ് സിനിമ മുമ്പോട്ടു കൊണ്ടുപോകുന്നത്.
നെടുമ്പാശ്ശേരിയില് നിന്നും വൈപ്പിനിലേക്ക് അര്ധരാത്രി അഞ്ച് സ്ത്രീകള് മാത്രം ജീപ്പോടിച്ചു പോകുന്നതും കല്ല്യാണാഘോഷത്തിനിടെ ആണുങ്ങള്ക്ക് മാത്രമല്ല പെണ്ണുങ്ങള്ക്കും കള്ളുകുടിക്കാനാവുമെന്നുമൊക്കെ രാജലക്ഷ്മിയും സംഘവും കാണിച്ചു തരുന്നുണ്ട്.
വളരെ ചെറുപ്പത്തിലേ വിധവയായ രാജലക്ഷ്മി അക്കാരണം കൊണ്ടുതന്നെ അതിശക്തയായ വനിതയുമാണ്. ഭര്ത്താവിന്റെ മരണശേഷം അദ്ദേഹത്തിന്റെ ജീപ്പെടുത്ത് നന്നാക്കി ഡ്രൈവിംഗ് സ്കൂള് ആരംഭിച്ച രാജലക്ഷ്മി തന്റേടിയും എന്തിനും പോന്നവളുമാണ്. അതുകൊണ്ടാണ് അവര് മകന്റെ ഭാര്യയേയും മകളേയും ബന്ധുക്കളായ രണ്ടുപേരേയും കൂട്ടി രാത്രി ജീപ്പുമെടുത്ത് വൈപ്പിനിലേക്ക് മുപ്പതിലേറെ കിലോമീറ്റര് സഞ്ചരിക്കുന്നത്. അതിനിടയില് അവരെ പൊലീസും പിടിക്കുന്നുണ്ട്.
ആദ്യ രാത്രി നവവധു മറ്റൊരു യുവാവിന്റെ പേര് പറഞ്ഞാല് ഏതൊരു വരനും പകച്ചു പോകുന്നത് സ്വാഭാവികം. വരന് മാത്രമല്ല അയാളുടെ കുടുംബവും വേവലാതിപ്പെടും. തന്റെ പഴയ കാമുകനെ കാണണമെന്ന് നവവധു നിര്ബന്ധം പിടിച്ചാല് പിന്നെയുണ്ടാകുന്ന പുകിലൊന്നും പറയുകയും വേണ്ട. കാര്യം മുഴുവനുമറിയാതെ കഥ മെനയാന് പോയാല് എങ്ങനെയിരിക്കുമെന്നും പറഞ്ഞുവെക്കുന്നുണ്ട് മന്ദാകിനി.
ആളുമാറി മദ്യം കുടിച്ചാലുണ്ടാകുന്ന പൊല്ലാപ്പുകള് പലപ്പോഴായി പറഞ്ഞു പോയിട്ടുണ്ടെങ്കിലും മന്ദാകിനിയില് മദ്യമുണ്ടാക്കുന്ന പൊല്ലാപ്പ് ചില്ലറയല്ല. പ്രധാന കഥാപാത്രങ്ങളോടൊപ്പം മദ്യവും പ്രധാന വേഷം ചെയ്തിട്ടുണ്ട് മന്ദാകിനിയില്.
സാധാരണക്കാരായ പ്രേക്ഷകരെ ഉദ്ദേശിച്ച് ചെയ്ത മന്ദാകിനിയില് രസകരമായി കണ്ടിരിക്കാനും കേട്ടിരിക്കാനുമാവുന്ന നിരവധി തമാശ സംഭാഷണങ്ങളും തമാശ രംഗങ്ങളുമുണ്ട്. ഇടയില് ഒന്നുരണ്ടിടത്ത് ദ്വയാര്ഥ പ്രയോഗങ്ങള് വരുന്നുണ്ടെന്നതൊഴിച്ചാല് നിര്ദ്ദോശമായ തമാശകളാണ് ഭൂരിഭാഗവും.
അല്താഫ് സലീമിനോടൊപ്പം മുഴുനീള വേഷത്തില് വരുന്ന വിനീത് തട്ടിലും കുട്ടിഅഖിലും മാത്രമല്ല ഇടിപ്പടങ്ങളുടെ സംവിധായകന് അജയ് വാസുദേവും പ്രേക്ഷകരെ ചിരിപ്പിക്കുന്നുണ്ട്.
സംവിധായകന്റെ കലയാണ് സിനിമ എന്നുപറയുന്നതുപോലെ സംവിധായകരുടെ സിനിമയാണ് മന്ദാകിനി എന്നും പറയാം. സംവിധായകന് അല്താഫ് സലീമാണ് നായകന് എന്നതിന് പുറമേ സംവിധായകരായ ലാല് ജോസ്, ജിയോ ബേബി, ജൂഡ് ആന്റണി, അജയ് വാസുദേവ് എന്നിവരും ഈ സിനിമയില് വേഷമിട്ടിട്ടുണ്ട്.
കഥാകൃത്തുക്കളില് ഒരാളായ ഷിജു എം ഭാസ്ക്കറാണ് സിനിമയുടെ ക്യാമറ കൈകാര്യം ചെയ്തിരിക്കുന്നത്. ശാലുവാണ് സഹഎഴുത്തുകാരന്.
മന്ദാകിനിയെന്ന പേര് സിനിമയ്ക്കെങ്ങനെ വന്നുവെന്ന് ഒറ്റനോട്ടത്തില് സാധാരണ പ്രേക്ഷകര്ക്ക് മനസ്സിലായെന്നു വരില്ല. നാരീശക്തിയുടെ അടയാളമായ ഏതെങ്കിലുമൊരു ഇന്ത്യന് ദേവതയുടെ പേരാണെന്നൊക്കെ സിനിമയിലെ രംഗങ്ങള് കണ്ടാല് സംശയിക്കാന് വകുപ്പുണ്ട്. എന്നാല് സംഗതി വാറ്റാണ്- കാനഡയില് മലയാളികള് ഉത്പാദിപ്പിക്കുന്ന മദ്യമാണ് മന്ദാകിനി കട്ട ലോക്കല് മലബാരി വാറ്റ്.