ഫിലിം റിവ്യൂ
പൊലീസിന്റെ കുറ്റാന്വേഷണ ഡയറിയുമായി തലവന്
താരനിര:
സംവിധാനം:ജിസ് ജോയ്സിനിമ വിഭാഗം:Malayalam, Crime, Drama, Thrillerദൈര്ഘ്യം:2 Hrs 13 Minമൂവി റിവ്യൂ ചെയ്യുകബിജു മേനോന് ആസിഫ് അലി,മിയ ജോര്ജ്ജ്,അനുശ്രീ,ദിലീഷ് പോത്തന്,ശങ്കര് രാമകൃഷ്ണന്,രഞ്ജിത് ബാലകൃഷ്ണന്,കോട്ടയം നസീര്,ജാഫര് ഇടുക്കി സംവിധാനം: ജിസ് ജോയ്
മുജീബുര്റഹ്മാന് കരിയാടന്
ബിജു മേനോനും ആസിഫ് അലിയും ചേര്ന്നുള്ള കെമിസ്ട്രിയാണ് തലവന്. പൂര്ണമായും പൊലീസ് കഥയായി മെനഞ്ഞെടുത്ത തലവന് ക്രൈം ത്രില്ലറായി പ്രേക്ഷകര്ക്ക്- ആസ്വദിക്കാനാവും.
പലയിടങ്ങളിലായി തെന്നിത്തെറിച്ച് പ്രേക്ഷകരുദ്ദേശിക്കാത്ത ട്വിസ്റ്റുകള് വരുത്തുന്ന തലവന് രണ്ടേകാല് മണിക്കൂറോളം പ്രേക്ഷകരെ മുള്മുനയില് നിര്ത്തും. പ്രേക്ഷകന് പ്രതീക്ഷിക്കാത്ത ഒരു ട്വിസ്റ്റിലെത്തിച്ചാണ് സിനിമ അവസാനിപ്പിക്കുന്നത്.
വി ആര് എസ് എടുത്ത ഡി വൈ എസ് പി ഉദയഭാനു ഒരു ചാനലില് നടത്തുന്ന തന്റെ സര്വീസ് സ്റ്റോറിയിലൂടെയാണ് കഥ വികസിക്കുന്നത്. എപ്പിസോഡ് സംവിധായികയുടെ ആവശ്യപ്രകാരമാണ് ഒരു എപ്പിസോഡില് പറയാന് ഉദ്ദേശിച്ച സര്വീസ് സ്റ്റോറിക്കു പകരം വിവാദമായ ചെമ്പനത്തോട്ട കൊലക്കേസും അതിന്റെ അന്വേഷണവും ഉദയഭാനു പറഞ്ഞു തുടങ്ങുന്നത്. ഈ കേസില് ഉദയഭാനുവിനും നേരിയ ഡാര്ക്ക് ഷേഡുണ്ടെങ്കിലും അയാളത് പറയാന് തയ്യാറാകുന്നു.
ഒരേ പൊലീസ് സ്റ്റേഷനിലെ സി ഐ ജയശങ്കറും എസ് ഐ കാര്ത്തികും തമ്മിലുള്ള അധികാരത്തിലേയും അന്വേഷണത്തിലേയും തര്ക്കങ്ങളിലൂടെ വികസിക്കുന്ന കഥ വ്യത്യസ്ത കുറ്റാന്വേഷണത്തിലേക്കാണ് സഞ്ചരിക്കുന്നത്. സി ഐയായി ബിജു മേനോനും എസ് ഐയായി ആസിഫ് അലിയും കട്ടക്കു നില്ക്കുന്ന രംഗങ്ങള് സിനിമയുടെ ഹൈലൈറ്റുകളാണ്.
ഒന്നിനൊന്ന് മികച്ച രീതിയില് തങ്ങളുടെ ഭാഗങ്ങള് കൈകാര്യം ചെയ്യാന് ബിജു മേനോനും ആസിഫ് അലിയും ശ്രമിച്ചിട്ടുണ്ട്. പരസ്പരം എതിരാളികളായും അതിലേറെ 'ഇരട്ടപെറ്റ അവതാരങ്ങളു'മായി ഇരുവരും പൊലീസ് വേഷത്തില് മിന്നിത്തിളങ്ങുന്നു.
സിനിമയില് എടുത്തു പറയാവുന്ന മറ്റൊരു കഥാപാത്രം മിയ ജോര്ജ്ജിന്റെ സുനിതയാണ്. അധിക സമയം പ്രത്യക്ഷപ്പെടുന്നില്ലെങ്കിലും വെട്ടേറ്റ് ഗുരുതരാവസ്ഥയിലായതിന് ശേഷമുള്ള നടത്തവും ഭാവവും ഉള്പ്പെടെ മിയ ഭംഗിയായി അവതരിപ്പിച്ചിട്ടുണ്ട്.
ക്ണ്ണൂര് ജില്ല പശ്ചാതലമാക്കി വരുന്ന സിനിമകള് പലപ്പോഴും രാഷ്ട്രീയ പശ്ചാതലമായാണ് വരാറുള്ളതെങ്കിലും തലവന് പൊലീസുകാരുടെ കഥകളിലൂടെ മാത്രമാണ് സഞ്ചരിക്കുന്നത്. കണ്ണൂരിലെ ഒരു ഗ്രാമപ്രദേശത്തു കൂടെയാണ് കഥ സഞ്ചരിക്കുന്നത്. ഇതിലൊരിടത്തും രാഷ്ട്രീയം കടന്നു വരുന്നില്ല.
അന്വേഷണത്തിന്റെ പല ഘട്ടങ്ങള് കടന്നുപോകുന്നത് സിനിമയുടെ ഉദ്വേഗജനകമായ അന്തരീക്ഷം നിലനിര്ത്താന് വേണ്ടി അനാവശ്യമെന്ന് തോന്നിക്കുന്ന വഴികളിലൂടെയും സഞ്ചരിക്കുന്നത് നേരിയൊരു ഇഴച്ചില് അനുഭവിപ്പിച്ചേക്കാമെങ്കിലും മൊത്തത്തിലുള്ള കാഴ്ച ത്രസിപ്പിക്കുന്ന അന്വേഷണമാണ്. സാധാരണ കുറ്റവാളികള്ക്ക് ചെയ്യാനാവാത്ത കാര്യങ്ങള് സിനിമയിലെ കുറ്റവാളി നിര്വഹിക്കുന്നുണ്ട്. സത്യത്തില് അയാള് 'ഇന്ബോണ് ടാലന്റുള്ള' ക്രിമിനലൊന്നുമല്ല. അതുകൊണ്ടായിരിക്കാം അയാളുടെ കൊലപാതകങ്ങളളെല്ലാം സ്ഥിരം രീതിക്ക് പുറത്തും പൊലീസുകാര്ക്ക് കണ്ടുപിടിക്കാന് കഴിയാത്തത്രയും ബ്രില്ല്യന്സുള്ളതുമായിരുന്നു.
ഒന്നിനു പിറകെ ഒന്നായി നിരവധി കൊലപാതകങ്ങളുടെ ചുരുളഴിക്കുന്നതാണ് തലവന്. ഇതില് രണ്ട് നായകന്മാരാണോ കഥയിലെ വില്ലനാണോ അതോ കഥ പറയുന്നയാളാണോ തലവനെന്ന് കാഴ്ചക്കാര് കണ്ടുപിടിക്കണം.
അരുണ് നാരായണ് പ്രൊഡക്ഷന്സിന്റേയും ലണ്ടന് സ്റ്റുഡിയോസിന്റേയും ബാനറില് നിര്മിച്ച തലവന് ജിസ് ജോയിയാണ് സംവിധാനം നിര്വഹിച്ചിരിക്കുന്നത്. സിനിമയിലൊരു ഗാനവും ജിസ് ജോയ് എഴുതിയിട്ടുണ്ട്. ശരത് പെരുമ്പാവൂരും ആനന്ദ് തേവരക്കാട്ടും രചിച്ച തിരക്കഥ പ്രേക്ഷകരെ ആകര്ഷിക്കുന്നതാണെങ്കിലും ചില ഭാഗങ്ങളില് അനാവശ്യമായ നീട്ടലുകള് കൊടുത്തുവെന്നു തോന്നിപ്പിക്കുന്നുണ്ട്. കൃത്യമായൊരു വെട്ടലുകള് കൂടി നടത്തിയിരുന്നുവെങ്കില് സിനിമ കൂടുതല് പേരെ ആകര്ഷിക്കുന്ന തരത്തിലാകും.
പശ്ചാതല സംഗീതം സിനിമയുടെ മൂഡിന് അനുയോജ്യമായി ദീപക് ദേവ് നിര്വഹിച്ചു. ക്രൈം ത്രില്ലര് സിനിമകള് ഇഷ്ടപ്പെടുന്നവര്ക്ക് തീര്ച്ചയായും ഇഷ്ടപ്പെടുന്ന തരത്തില് തന്നെയാണ് തലവന് ചെയ്തിരിക്കുന്നത്. ക്രൈം അടിസ്ഥാനമാക്കിയുള്ളതാണ് സിനിമയെങ്കിലും വയലന്സ് അധികമാക്കാതെ സൂക്ഷ്മമായി കൈകാര്യം ചെയ്യുകയും പരമാവധി ഒഴിവാക്കുകയും എന്നാല് അക്കാര്യങ്ങള് പ്രേക്ഷകര്ക്ക് ബോധ്യപ്പെടുകയും ചെയ്യും.
ബിജു മേനോനും ആസിഫ് അലിയും ചേര്ന്നുള്ള കെമിസ്ട്രിയാണ് തലവന്. പൂര്ണമായും പൊലീസ് കഥയായി മെനഞ്ഞെടുത്ത തലവന് ക്രൈം ത്രില്ലറായി പ്രേക്ഷകര്ക്ക്- ആസ്വദിക്കാനാവും.
പലയിടങ്ങളിലായി തെന്നിത്തെറിച്ച് പ്രേക്ഷകരുദ്ദേശിക്കാത്ത ട്വിസ്റ്റുകള് വരുത്തുന്ന തലവന് രണ്ടേകാല് മണിക്കൂറോളം പ്രേക്ഷകരെ മുള്മുനയില് നിര്ത്തും. പ്രേക്ഷകന് പ്രതീക്ഷിക്കാത്ത ഒരു ട്വിസ്റ്റിലെത്തിച്ചാണ് സിനിമ അവസാനിപ്പിക്കുന്നത്.
വി ആര് എസ് എടുത്ത ഡി വൈ എസ് പി ഉദയഭാനു ഒരു ചാനലില് നടത്തുന്ന തന്റെ സര്വീസ് സ്റ്റോറിയിലൂടെയാണ് കഥ വികസിക്കുന്നത്. എപ്പിസോഡ് സംവിധായികയുടെ ആവശ്യപ്രകാരമാണ് ഒരു എപ്പിസോഡില് പറയാന് ഉദ്ദേശിച്ച സര്വീസ് സ്റ്റോറിക്കു പകരം വിവാദമായ ചെമ്പനത്തോട്ട കൊലക്കേസും അതിന്റെ അന്വേഷണവും ഉദയഭാനു പറഞ്ഞു തുടങ്ങുന്നത്. ഈ കേസില് ഉദയഭാനുവിനും നേരിയ ഡാര്ക്ക് ഷേഡുണ്ടെങ്കിലും അയാളത് പറയാന് തയ്യാറാകുന്നു.
ഒരേ പൊലീസ് സ്റ്റേഷനിലെ സി ഐ ജയശങ്കറും എസ് ഐ കാര്ത്തികും തമ്മിലുള്ള അധികാരത്തിലേയും അന്വേഷണത്തിലേയും തര്ക്കങ്ങളിലൂടെ വികസിക്കുന്ന കഥ വ്യത്യസ്ത കുറ്റാന്വേഷണത്തിലേക്കാണ് സഞ്ചരിക്കുന്നത്. സി ഐയായി ബിജു മേനോനും എസ് ഐയായി ആസിഫ് അലിയും കട്ടക്കു നില്ക്കുന്ന രംഗങ്ങള് സിനിമയുടെ ഹൈലൈറ്റുകളാണ്.
ഒന്നിനൊന്ന് മികച്ച രീതിയില് തങ്ങളുടെ ഭാഗങ്ങള് കൈകാര്യം ചെയ്യാന് ബിജു മേനോനും ആസിഫ് അലിയും ശ്രമിച്ചിട്ടുണ്ട്. പരസ്പരം എതിരാളികളായും അതിലേറെ 'ഇരട്ടപെറ്റ അവതാരങ്ങളു'മായി ഇരുവരും പൊലീസ് വേഷത്തില് മിന്നിത്തിളങ്ങുന്നു.
സിനിമയില് എടുത്തു പറയാവുന്ന മറ്റൊരു കഥാപാത്രം മിയ ജോര്ജ്ജിന്റെ സുനിതയാണ്. അധിക സമയം പ്രത്യക്ഷപ്പെടുന്നില്ലെങ്കിലും വെട്ടേറ്റ് ഗുരുതരാവസ്ഥയിലായതിന് ശേഷമുള്ള നടത്തവും ഭാവവും ഉള്പ്പെടെ മിയ ഭംഗിയായി അവതരിപ്പിച്ചിട്ടുണ്ട്.
ക്ണ്ണൂര് ജില്ല പശ്ചാതലമാക്കി വരുന്ന സിനിമകള് പലപ്പോഴും രാഷ്ട്രീയ പശ്ചാതലമായാണ് വരാറുള്ളതെങ്കിലും തലവന് പൊലീസുകാരുടെ കഥകളിലൂടെ മാത്രമാണ് സഞ്ചരിക്കുന്നത്. കണ്ണൂരിലെ ഒരു ഗ്രാമപ്രദേശത്തു കൂടെയാണ് കഥ സഞ്ചരിക്കുന്നത്. ഇതിലൊരിടത്തും രാഷ്ട്രീയം കടന്നു വരുന്നില്ല.
അന്വേഷണത്തിന്റെ പല ഘട്ടങ്ങള് കടന്നുപോകുന്നത് സിനിമയുടെ ഉദ്വേഗജനകമായ അന്തരീക്ഷം നിലനിര്ത്താന് വേണ്ടി അനാവശ്യമെന്ന് തോന്നിക്കുന്ന വഴികളിലൂടെയും സഞ്ചരിക്കുന്നത് നേരിയൊരു ഇഴച്ചില് അനുഭവിപ്പിച്ചേക്കാമെങ്കിലും മൊത്തത്തിലുള്ള കാഴ്ച ത്രസിപ്പിക്കുന്ന അന്വേഷണമാണ്. സാധാരണ കുറ്റവാളികള്ക്ക് ചെയ്യാനാവാത്ത കാര്യങ്ങള് സിനിമയിലെ കുറ്റവാളി നിര്വഹിക്കുന്നുണ്ട്. സത്യത്തില് അയാള് 'ഇന്ബോണ് ടാലന്റുള്ള' ക്രിമിനലൊന്നുമല്ല. അതുകൊണ്ടായിരിക്കാം അയാളുടെ കൊലപാതകങ്ങളളെല്ലാം സ്ഥിരം രീതിക്ക് പുറത്തും പൊലീസുകാര്ക്ക് കണ്ടുപിടിക്കാന് കഴിയാത്തത്രയും ബ്രില്ല്യന്സുള്ളതുമായിരുന്നു.
ഒന്നിനു പിറകെ ഒന്നായി നിരവധി കൊലപാതകങ്ങളുടെ ചുരുളഴിക്കുന്നതാണ് തലവന്. ഇതില് രണ്ട് നായകന്മാരാണോ കഥയിലെ വില്ലനാണോ അതോ കഥ പറയുന്നയാളാണോ തലവനെന്ന് കാഴ്ചക്കാര് കണ്ടുപിടിക്കണം.
അരുണ് നാരായണ് പ്രൊഡക്ഷന്സിന്റേയും ലണ്ടന് സ്റ്റുഡിയോസിന്റേയും ബാനറില് നിര്മിച്ച തലവന് ജിസ് ജോയിയാണ് സംവിധാനം നിര്വഹിച്ചിരിക്കുന്നത്. സിനിമയിലൊരു ഗാനവും ജിസ് ജോയ് എഴുതിയിട്ടുണ്ട്. ശരത് പെരുമ്പാവൂരും ആനന്ദ് തേവരക്കാട്ടും രചിച്ച തിരക്കഥ പ്രേക്ഷകരെ ആകര്ഷിക്കുന്നതാണെങ്കിലും ചില ഭാഗങ്ങളില് അനാവശ്യമായ നീട്ടലുകള് കൊടുത്തുവെന്നു തോന്നിപ്പിക്കുന്നുണ്ട്. കൃത്യമായൊരു വെട്ടലുകള് കൂടി നടത്തിയിരുന്നുവെങ്കില് സിനിമ കൂടുതല് പേരെ ആകര്ഷിക്കുന്ന തരത്തിലാകും.
പശ്ചാതല സംഗീതം സിനിമയുടെ മൂഡിന് അനുയോജ്യമായി ദീപക് ദേവ് നിര്വഹിച്ചു. ക്രൈം ത്രില്ലര് സിനിമകള് ഇഷ്ടപ്പെടുന്നവര്ക്ക് തീര്ച്ചയായും ഇഷ്ടപ്പെടുന്ന തരത്തില് തന്നെയാണ് തലവന് ചെയ്തിരിക്കുന്നത്. ക്രൈം അടിസ്ഥാനമാക്കിയുള്ളതാണ് സിനിമയെങ്കിലും വയലന്സ് അധികമാക്കാതെ സൂക്ഷ്മമായി കൈകാര്യം ചെയ്യുകയും പരമാവധി ഒഴിവാക്കുകയും എന്നാല് അക്കാര്യങ്ങള് പ്രേക്ഷകര്ക്ക് ബോധ്യപ്പെടുകയും ചെയ്യും.