2012 ലെ അണ്ടർ 19 ലോകകപ്പിൽ ഇന്ത്യൻ ടീമിനെ വിജയത്തിലേക്ക് നയിച്ച ക്യാപ്റ്റനാണ് ഉന്മുക്ത് ചന്ദ്. ഇന്ത്യൻ ക്രിക്കറ്റിന്റെ അടുത്ത സൂപ്പർ താരമാകുമെന്ന് വിലയിരുത്തപ്പെട്ട താരത്തിന് പക്ഷേ പ്രതീക്ഷകൾക്കൊത്ത് ഉയരാനായില്ല. ഇതോടെ ഇന്ത്യൻ ക്രിക്കറ്റിൽ നിന്ന് വിരമിക്കൽ പ്രഖ്യാപിച്ച ഉന്മുക്ത് അവസരങ്ങൾക്കായി അമേരിക്കയിലേക്ക് ചേക്കേറുകയായിരുന്നു.ഇത്തവണത്തെ ടി20 ലോകകപ്പിനുള്ള അമേരിക്ക ടീമിൽ ഉന്മുക്ത് ചന്ദ് ഇടം പിടിക്കുമെന്ന് കരുതപ്പെട്ടിരുന്നുവെങ്കിലും സ്ക്വാഡിൽ നിന്ന് തഴയപ്പെട്ടു. സമീപകാലത്തെ മോശം ഫോമായിരുന്നു ഇതിന് കാരണം. ഇപ്പോളിതാ ലോകകപ്പ് ടീമിൽ ഇടം പിടിക്കാൻ സാധിക്കാതിരുന്ന ഉന്മുക്ത് ചന്ദ്, അമേരിക്കയിൽ ആരംഭിച്ച മേജർ ലീഗ് ക്രിക്കറ്റിൽ തകർപ്പൻ ബാറ്റിങ് പ്രകടനവുമായി തിളങ്ങിയിരിക്കുന്നു. ടൂർണമെന്റിൽ ലോസ് ഏഞ്ചലസ് നൈറ്റ് റൈഡേഴ്സിന്റെ കളിക്കാരനായ ഉന്മുക്ത്, ടെക്സാസ് സൂപ്പർ കിങ്സിനെതിരായ മത്സരത്തിലാണ് കിടിലൻ അർധസെഞ്ചുറി നേടിയത്.
മത്സരത്തിൽ ആദ്യം ബാറ്റ് ചെയ്ത നൈറ്റ് റൈഡേഴ്സ് 5/2 എന്ന സ്കോറിൽ തകർന്നിരിക്കവെ നാലാം നമ്പരിലാണ് ഉന്മുക്ത് ചന്ദ് ബാറ്റിങ്ങിന് എത്തിയത്. മികച്ച ഫോമിലായിരുന്ന താരം, വെറും 45 പന്തുകളിൽ നിന്ന് ആറ് ബൗണ്ടറികളും മൂന്ന് സിക്സറുകളും ഉൾപ്പെടെ 68 റൺസാണ് അടിച്ചത്. ഉന്മുക്തിന്റെ അർധസെഞ്ചുറിയുടെ മികവിൽ 162/7 എന്ന മാന്യമായ സ്കോറിലെത്താൻ നൈറ്റ് റൈഡേഴ്സിന് കഴിഞ്ഞു. സുനിൽ നരൈൻ, ജേസൺ റോയ്, ഷക്കിബ് അൽ ഹസൻ, ഡേവിഡ് മില്ലർ, ആന്ദ്രെ റസൽ എന്നീ സൂപ്പർ താരങ്ങളാണ് നൈറ്റ് റൈഡേഴ്സിൽ ഉന്മുക്തിനൊപ്പമുള്ളത്.
Also Read: ഈ നാല് ഇന്ത്യൻ താരങ്ങൾക്ക് പണി കിട്ടി, ദേശീയ ടീമിൽ ഇനി ഉടൻ സ്ഥാനം പ്രതീക്ഷിക്കേണ്ട; ലിസ്റ്റിൽ മിന്നും താരങ്ങൾ
അതേ സമയം നൈറ്റ് റൈഡേഴ്സ് ഉയർത്തിയ 163 റൺസ് വിജയലക്ഷ്യം പിന്തുടർന്ന ടെക്സാസ് സൂപ്പർ കിങ്സിന്റെ മറുപടി 150/8 ൽ അവസാനിച്ചു. ഇതോടെ നൈറ്റ് റൈഡേഴ്സിന് 12 റൺസിന്റെ ജയം. 53 റൺസ് നേടിയ ഡെവോൺ കോൺവെയാണ് ഫാഫ് ഡു പ്ലെസിസ് നയിച്ച സൂപ്പർ കിങ്സിന്റെ ടോപ് സ്കോറർ. നൈറ്റ് റൈഡേഴ്സിനായി അലി ഖാൻ നാല് വിക്കറ്റുകളും, സ്പെൻസർ ജോൺസൺ രണ്ട് വിക്കറ്റുകളും വീഴ്ത്തി.
Also Read: സഞ്ജു സാംസണ് ഇനി ഗോൾഡൻ ചാൻസ്, ഇന്ത്യയുടെ ടി20 ടീമിൽ കളിക്കേണ്ടത് ആ പൊസിഷനിൽ; ലോകകപ്പിന് പിന്നാലെ സുപ്രധാന നിർദ്ദേശം
ടൂർണമെന്റിൽ ഇന്ന് വാഷിങ്ടൺ ഫ്രീഡവും, മുംബൈ ഇന്ത്യൻസ് ന്യൂയോർക്കും തമ്മിലാണ് മത്സരം. ഓസ്ട്രേലിയൻ താരം സ്റ്റീവ് സ്മിത്താണ് വാഷിങ്ടണിന്റെ ക്യാപ്റ്റൻ. വിൻഡീസ് ഇതിഹാസം കീറോൺ പൊള്ളാർഡ് മുംബൈ ഇന്ത്യൻസിനെ നയിക്കും.
മത്സരത്തിൽ ആദ്യം ബാറ്റ് ചെയ്ത നൈറ്റ് റൈഡേഴ്സ് 5/2 എന്ന സ്കോറിൽ തകർന്നിരിക്കവെ നാലാം നമ്പരിലാണ് ഉന്മുക്ത് ചന്ദ് ബാറ്റിങ്ങിന് എത്തിയത്. മികച്ച ഫോമിലായിരുന്ന താരം, വെറും 45 പന്തുകളിൽ നിന്ന് ആറ് ബൗണ്ടറികളും മൂന്ന് സിക്സറുകളും ഉൾപ്പെടെ 68 റൺസാണ് അടിച്ചത്. ഉന്മുക്തിന്റെ അർധസെഞ്ചുറിയുടെ മികവിൽ 162/7 എന്ന മാന്യമായ സ്കോറിലെത്താൻ നൈറ്റ് റൈഡേഴ്സിന് കഴിഞ്ഞു. സുനിൽ നരൈൻ, ജേസൺ റോയ്, ഷക്കിബ് അൽ ഹസൻ, ഡേവിഡ് മില്ലർ, ആന്ദ്രെ റസൽ എന്നീ സൂപ്പർ താരങ്ങളാണ് നൈറ്റ് റൈഡേഴ്സിൽ ഉന്മുക്തിനൊപ്പമുള്ളത്.
Also Read: ഈ നാല് ഇന്ത്യൻ താരങ്ങൾക്ക് പണി കിട്ടി, ദേശീയ ടീമിൽ ഇനി ഉടൻ സ്ഥാനം പ്രതീക്ഷിക്കേണ്ട; ലിസ്റ്റിൽ മിന്നും താരങ്ങൾ
അതേ സമയം നൈറ്റ് റൈഡേഴ്സ് ഉയർത്തിയ 163 റൺസ് വിജയലക്ഷ്യം പിന്തുടർന്ന ടെക്സാസ് സൂപ്പർ കിങ്സിന്റെ മറുപടി 150/8 ൽ അവസാനിച്ചു. ഇതോടെ നൈറ്റ് റൈഡേഴ്സിന് 12 റൺസിന്റെ ജയം. 53 റൺസ് നേടിയ ഡെവോൺ കോൺവെയാണ് ഫാഫ് ഡു പ്ലെസിസ് നയിച്ച സൂപ്പർ കിങ്സിന്റെ ടോപ് സ്കോറർ. നൈറ്റ് റൈഡേഴ്സിനായി അലി ഖാൻ നാല് വിക്കറ്റുകളും, സ്പെൻസർ ജോൺസൺ രണ്ട് വിക്കറ്റുകളും വീഴ്ത്തി.
Also Read: സഞ്ജു സാംസണ് ഇനി ഗോൾഡൻ ചാൻസ്, ഇന്ത്യയുടെ ടി20 ടീമിൽ കളിക്കേണ്ടത് ആ പൊസിഷനിൽ; ലോകകപ്പിന് പിന്നാലെ സുപ്രധാന നിർദ്ദേശം
ടൂർണമെന്റിൽ ഇന്ന് വാഷിങ്ടൺ ഫ്രീഡവും, മുംബൈ ഇന്ത്യൻസ് ന്യൂയോർക്കും തമ്മിലാണ് മത്സരം. ഓസ്ട്രേലിയൻ താരം സ്റ്റീവ് സ്മിത്താണ് വാഷിങ്ടണിന്റെ ക്യാപ്റ്റൻ. വിൻഡീസ് ഇതിഹാസം കീറോൺ പൊള്ളാർഡ് മുംബൈ ഇന്ത്യൻസിനെ നയിക്കും.
