मुंबई : रेमिडियम लाइफकेअर लिमिटेडचे शेअर्स गुरूवारी 27 जून रोजी फोकसमध्ये राहिले. कंपनीचे शेअर्स 7.13 टक्के घसरून 59 रुपयांवर आले. बुधवार, 26 जून रोजी कंपनीची 35 वी वार्षिक सर्वसाधारण सभा झाली असल्याची माहिती कंपनीने शेअर बाजाराला दिली आहे. यामध्ये मागील आर्थिक वर्षातील तिमाही निकालांना मंजुरी देण्यात आली आहे. यासह कंपनीच्या संचालकपदी नवीन सदस्याला मान्यता देण्यात आली आहे.

वार्षिक सर्वसाधारण सभेमध्ये रेमिडियम लाइफ केअर लिमिटेडच्या गुंतवणूकदारांसाठी 3:1 या प्रमाणात बोनस शेअर्सनाही मान्यता देण्यात आली आहे. ज्या गुंतवणूकदारांकडे सध्या रेमिडियम लाइफ केअर लिमिटेडचा एक शेअर आहे त्यांना बोनस म्हणून तीन शेअर्स मिळतील.

शेअर्सची स्थिती
25 मे 2018 रोजी 45 पैशांच्या निचांकी पातळीवर असलेल्या या शेअरने गुंतवणूकदारांना 14136 टक्के परतावा दिला आहे. रेमिडियम लाइफ केअर लिमिटेडचे शेअर्स गुरुवारी 64.06 रुपयांवर बंद झाले. सुमारे 646 कोटी रुपयांचे मार्केट कॅप असलेली मायक्रो-कॅप फार्मा कंपनी रेमिडियम लाइफ केअर लिमिटेडच्या शेअर्सचा 52 आठवड्यांचा उच्चांक 180 रुपये 52 आठवड्यांचा नीचांक 63.80 रुपये आहे.

पाच वर्षांत मजबूत परतावा
रेमिडियम लाइफ केअर लिमिटेड शेअर्सने गेल्या 5 वर्षांत 74 पैशांच्या पातळीवरून गुंतवणूकदारांना 8557 टक्के बंपर परतावा दिला आहे. मात्र, हा शेअर मागील एक वर्षापासून कमजोर आहे. रेमिडियम लाइफ केअर लिमिटेडचे शेअर्स 36 टक्क्यांनी घसरले आहेत.

निव्वळ तोटा

अलीकडे मार्च 2023 ला संपलेल्या तिमाहीत कंपनीने 4.78 कोटी रुपयांच्या निव्वळ तोट्याच्या तुलनेत मार्च 2024 ला संपलेल्या तिमाहीत 53.72 कोटी रुपयांचा निव्वळ तोटा नोंदवला. आर्थिक वर्ष 2023 च्या चौथ्या तिमाहीमधील 75.58 कोटी रुपयांवरून आर्थिक वर्ष 2024 च्या चौथ्या तिमाहीमध्ये विक्री वाढून 1408.49 कोटी झाली.