मुंबई : तुम्ही 5 वर्षाच्या एफडीमध्ये गुंतवणूक करण्याचा विचार करत असाल तर देशातील मोठ्या बँका सर्वोत्तम व्याज देत आहेत. पाच वर्षांची टॅक्स सेव्हिंग एफडी कर वाचवण्यासोबतच मोठा फंड तयार करण्यात मदत करू शकते. कलम 80 सी अंतर्गत पाच वर्षांच्या एफडीवर कर सूट उपलब्ध आहे. 80 सी अंतर्गत 1.50 लाख रुपयांपर्यंत कर सवलत उपलब्ध आहे. पाच वर्षांच्या एफडीमध्ये पैसे सुरक्षित राहतात. जाणून घ्या पाच वर्षांच्या एफडीवरील दर.

दरम्यान, सार्वजनिक क्षेत्रातील बँक इंडियन बँक 300 आणि 400 दिवसांची एफडीमध्ये गुंतवणूकीची संधी देत आहे. आहे. बँकेच्या इंड सुपर 400 आणि इंड सुप्रीम 300 दिवस नावाच्या एफडी योजनांमध्ये 30 जून 2024 पर्यंत गुंतवणूक करता येईल. इंडियन बँक ग्राहकांना विशेष एफडीवर 8 टक्के व्याज देत आहे. ही विशेष एफडी कॉलेबल एफडी आहे. कॉलेबल एफडी म्हणजे यामध्ये तुम्हाला वेळेपूर्वी पैसे काढण्याचा पर्याय मिळतो. इंडियन बँकेची इंड सुपर एफडी 400 दिवसांसाठी आहे. या योजनेत तुम्ही 10,000 ते 2 कोटी रुपयांपर्यंत गुंतवणूक करू शकता.

इंडियन बँकेच्या वेबसाइटनुसार, विशेष मुदत ठेव योजना इंड सुपर 300 दिवस 1 जुलै 2023 रोजी लाँच करण्यात आले. तुम्ही या एफडीवर 300 दिवसांसाठी 5000 रुपयांपासून ते 2 कोटी रुपयांपेक्षा कमी गुंतवणूक करू शकता. यावर बँक 7.05 टक्के ते 7.80 टक्के व्याज देत आहे.

बँक - 5 वर्ष एफडी दर

1. एचडीएफसी बँक – 7 टक्के

2. आयसीआयसीआय बँक - 7 टक्के

3. ॲक्सिस बँक - 7 टक्के

4. कॅनरा बँक - 6.7 टक्के

5. युनियन बँक ऑफ इंडिया - 6.7 टक्के

6. स्टेट बँक ऑफ इंडिया - 6.5 टक्के

7. पंजाब नॅशनल बँक - 6.5 टक्के

8. बँक ऑफ बडोदा - 6.5 टक्के

9. इंडियन बँक - 6.25 टक्के

10. बँक ऑफ इंडिया - 6 टक्के