அல்லைட் பிளெண்டர்கள் மற்றும் டிஸ்டிலர் நிறுவனத்தின் பங்குகள் 14 சதவிகித பிரீமியம் விலை பங்குச்சந்தையில் பட்டியலிடப்பட்டது.

பிஎஸ்இ சந்தையில் அல்லைட் பிளெண்டர்ஸ் நிறுவனத்தின் பங்கு இன்று பட்டியலிடப்பட்டது. இதில் பங்கின் விலை 13.20 சதவிகிதம் உயர்ந்து ரூ.318.10 என்ற விலையில் வர்த்தகத்தை தொடங்கியது.

சமீபத்தில் ஐபிஓ வெளியிட்ட இந்த நிறுவனத்தின் பங்குகள் 13 முதல் 20 சதவிகிதம் வரை பிரீமியம் விலையில் பட்டியலிடப்படும் என பங்குச்சந்தை நிபுணர்கள் கணித்தனர். இந்த நிலையில் 13 சதவிகித பிரீமியம் விலையில் பட்டியலிடப்பட்டுள்ளன. அதாவது பங்கின் விலை ரூ.315 முதல் ரூ.333 வரை உயரும் என எதிர்பார்க்கப்பட்டது.

இந்த ஐபிஓ வெளியிடு மூலமாக அல்லைட் பிளெண்டர் நிறுவனம் ரூ.1,500 கோடி நிதி திரட்டியது. இதில் ரூ.1,000 கோடிக்கு புதிய பங்குகளும், ரூ.500 கோடி அளவுக்கு புரோமோட்டார்கள் வசம் இருந்த பங்குகள் ஆஃபர் பார் சேல்ஸ் முறையிலும் விற்பனை செய்யப்பட்டன.

மேலும் இந்த ஐபிஓவில் வெளியிடப்பட்ட பங்குகள் க்ரே மார்க்கெட்டில் 17 சதவிகித பிரீமியம் விலையில் வர்த்தகமானதால், பங்குச்சந்தை பட்டியலின் போது அதை விட அதிக விலையில் வர்த்தகத்தை தொடங்கும் என முதலீட்டாளர்களும், சந்தை நிபுணர்களும் கருத்து தெரிவித்திருந்தனர்.

ஜூன் 24ம் தேதி அல்லைட் பிளெண்டர்ஸ் நிறுவனம் ஆங்கர் முதலீடு மூலமாக ரூ. 499.1 கோடியை திரட்டியது. இதில் சொசைட்டி ஜெனரல், கோல்ட்மேன் சாக்ஸ், ட்ரூ கேபிடல், பிஎன்பி பரிபாஸ், 360 ஒன் ஸ்பெஷல் ஆப்பர்சூனிட்டி ஃபண்ட், எல்ஐசி மியூச்சுவல் ஃபண்ட் மற்றும் ஜூபிடர் இந்தியா ஆகியவை முதலீடு செய்துள்ளன.

இந்த ஐபிஓவில் அல்லைட் பிளெண்டர்ஸ் நிறுவனம் 3.93 கோடி பங்குகளை வெளியிட்டது. ஆனால் இந்த ஐபிஓவில் அதிக ஆர்வம் கொண்ட முதலீட்டாளர்கள் 92.71 கோடி அளவில் விண்ணப்பித்தனர்