பொதுத்துறை நிறுவனமான பிஹெச்இஎல் புதிய ஆர்டர் எடுத்திருப்பது முதலீட்டாளர்களிடம் உற்சாகத்தை ஏற்படுத்தி உள்ளது. நாட்டின் எரிசக்தி பாதுகாப்பை உறுதி செய்வதற்கான மத்திய அரசு பல நடவடிக்கைகளை எடுத்து வருகிறது. அதன் அடிப்படையில் ஜார்க்கண்டில் உள்ள கோடெர்மா டிபிஎஸ் (2X800 மெகாவாட்) இன் பொறியியல், கொள்முதல் மற்றும் கட்டுமான பேக்கேஜுக்கான டெண்டரை, பாரத் ஹெவி எலக்ட்ரிக்கல்ஸ் நிறுவனம் ரூ.13,300க்கு இறுதி செய்துள்ளது. இது குறித்த தகவலை மின்சார அமைச்சகம் வெளியீட்டுள்ளது.
இந்த முதலீட்டின் மூலம், உள்ளூர் பொருளாதாரத்தில் கணிசமான தாக்கத்தை ஏற்படுத்தும் மற்றும் மக்களுக்கு பயனளிக்கும், வெப்ப உற்பத்தி திறன் 2030ம் ஆண்டுக்குள் 8140 மெகாவாட்டாக அதிகரிக்கும் என தெரிவிக்கப்பட்டுள்ளது.
2024ம் நிதியாண்டில் குறிப்பிடத்தக்க ஆர்டர்களை பிஹெச்இஎல் நிறுவனம் பெற்றிருப்பது சாதனையாகப் பார்க்கப்படுகிறது. கடந்த ஆண்டு பெறப்பட்ட முக்கிய ஆர்டர்களில் அதானி குழுமத்தின் யமுனா நகர், லாரா சூப்பர் கிரிட்டிகல் பவர் பிளாண்ட் மற்றும் ராய்காட் சூப்பர் கிரிட்டிகல் பவர் பிளாண்ட் ஆகியவை முக்கிய ஆர்டர்களாக உள்ளன.
மேலும் பிஹெச்இஎல் நிறுவனம் 80 வந்தே பாரத் ரயில்கள் மற்றும் கடற்படைக் கப்பல்களுக்கான 20 சூப்பர் ரேபிட் கன் மவுண்ட்களுக்கான ஆர்டர்களைப் பெற்றுள்ளது. வந்தே பாரத் ரயில்களின் ஒப்பந்த விநியோகம் 2025ம் ஆண்டு ஜூன் மாதம் தொடங்கும் என தெரிவிக்கப்பட்டுள்ளது.
நிறுவனம் கடந்த 1.5 ஆண்டுகளில் அதிக அளவிலான ஆர்டர்களைப் பெற்று, பாதுகாப்பில் அதிக கவனம் செலுத்தியுள்ளது. வான் பாதுகாப்பு துப்பாக்கி துறையில் ஒரு குறிப்பிடத்தக்க ஆர்டர்கள் கிடைத்துள்ளன.
எந்த பங்கில் முதலீடு செய்யலாம்...எது லட்சங்களில் லாபம் தரும்?