ஏனெனில் 2023-24ம் நிதியாண்டின் கடைசி காலாண்டில் ஓட்டல் வணிகத்தின் வருவாய் கணிசமாக உயர்ந்துள்ளது. அதாவது வருவாய் இதுவரை இல்லாத அளவுக்கு உயர்ந்துள்ளது. ஐடிசி ஹோட்டல் வணிகத்தின் வருவாய் 15% அதிகரித்து ரூ. 898 கோடியாக உள்ளது. அதேபோல நிறுவனத்தின் லாபம் ரூ. 267 கோடி அதிகரித்துள்ளது. கிட்டதட்ட ஹோட்டல் வணிகத்தின் வருவாய் 34 சதவிகிதம் அதிகரித்துள்ளது.
ஐடிசி நிறுவனம் ஹோட்டல் வணிகத்தை தனியாக பிரிப்பது குறித்து கடந்த ஆண்டு ஜூலையில் அறிவித்தது. ஐடிசியின் பங்குதாரர்கள் இந்த ஆண்டு ஜூன் மாதத் தொடக்கத்தில் அனுமதியை வழங்கினார். இதையடுத்து அடுத்த 15 மாதங்களில் ஹோட்டல் வணிகம் தனியாக பிரிக்கப்பட்டு, பங்குச்சந்தையில் ஐடிசி ஹோட்டல் தனி வணிகமாக இயங்கும் என எதிர்பார்க்கப்படுகிறது.
இந்த பிரிப்பு காரணமாக ஐடிசியின் பங்குதாரர்களுக்கு ஐடிசி ஹோட்டல்கள் ஈக்விட்டி பங்குகளை வழங்கும். ஐடிசி ஹோட்டல் நிறுவனத்தின் 40% பங்கு ஐடிசியிடம் இருக்கும். மீதமுள்ள 60 சதவிகித பங்குகள் பங்குதாரர்களிடம் இருக்கும்.
ஹோட்டல் வணிகம் 2024ம் ஆண்டில் ரூ. 3,100 கோடியைத் தாண்டி உள்ளது. இது இன்னும் ஐடிசியின் ஒட்டுமொத்த விற்பனையில் 3.61% மட்டுமே ஆகும். வட்டி மற்றும் வரிகளுக்கு முந்தைய லாபம் 37% அதிகரித்து ரூ. 765 கோடியாக உள்ளது. ஐடிசி குழுமத்தின் ஒட்டுமொத்த லாபத்தில் 3% மட்டுமே உள்ளது.
1975ம் ஆண்டு சென்னையில் ஒரு சொத்தை கையகப்படுத்துவதன் மூலம் தொடங்கப்பட்ட ஹோட்டல் வணிகம், Mementos, Welcomhotel, Storii, Fortune Hotels மற்றும் WelcomHeritage போன்ற பிராண்டுகளைக் கொண்டுள்ளது. மொத்தத்தில் இந்தியா முழுவதும் 70 இடங்களில் 120 ஹோட்டல்களைக் கொண்டுள்ளது.
ஐடிசியின் எஃப்எம்சிஜி பிசினஸ் சிகரெட் அல்லாத வர்த்தகத்தின் மூலமாக ரூ. 21,000 கோடிக்கு மேல் மொத்த விற்பனை நடைபெற்றுள்ளது. இந்த மொத்த விற்பனையில் கிட்டத்தட்ட கால் பங்கு, ஹோட்டல் வணிகத்தில் இருந்து அதிக லாபத்தைப் பெறுகிறது. உணவுப் பொருட்கள் வணிகத்தில் எஃப்எம்சிஜி துறையில் மிகப்பெரிய நிறுவனமாக ஐடிசி உள்ளது. மேலும் இனி வரும் நாட்களில் பேக்கேஜ் செய்யப்பட்ட உணவு வணிகத்தில் பெரும் கவனம் செலுத்த உள்ளதாகவும் தெரிவித்துள்ளது.
வெளிநாட்டினர் இந்தியாவில் முதலீடு செய்ய 4 காரணங்கள்!