stock to watch: இன்றைய வர்த்தகத்தில் ஹிட் அடிக்கப்போகும் பங்குகள்.... பஜாஜ் ஃபைனான்ஸ், வேதாந்தா, எல் & டி பங்குகளின் வர்த்தகத்தை கவனிங்க....

இன்றைய வர்த்தகத்தில் ஹிட் அடிக்கப்போகும் பங்குகள்.... பஜாஜ் ஃபைனான்ஸ், வேதாந்தா, எல் & டி பங்குகளின் வர்த்தகத்தை கவனிங்க....

Authored by இரா.ரூபாவதி | The Economic Times Tamil | Updated: 4 Jul 2024, 9:11 am

புதன்கிழமையன்று நிஃப்டி குறியீட்டை 24,300க்கு மேல் உயர்த்து வர்த்தகமானது. இன்றைய வர்த்தகத்தில், பஜாஜ் ஃபைனான்ஸ், வேதாந்தா, எல்&டி ஃபைனான்ஸ், ஹிந்துஸ்தான் ஜிங்க், ஸ்டார் ஹெல்த் உள்ளிட்ட பங்குகள் இன்றைய வர்த்தகத்தில் கூடுதல் கவனம் பெறும் என கூறப்படுகிறது

புதன்கிழமையன்று நிஃப்டி குறியீட்டை 24,300க்கு மேல் உயர்த்து வர்த்தகமானது. இன்றைய வர்த்தகத்தில், பஜாஜ் ஃபைனான்ஸ், வேதாந்தா, எல்&டி ஃபைனான்ஸ், ஹிந்துஸ்தான் ஜிங்க், ஸ்டார் ஹெல்த் உள்ளிட்ட பங்குகள் இன்றைய வர்த்தகத்தில் கூடுதல் கவனம் பெறும் என கூறப்படுகிறது

பஜாஜ் ஃபைனான்ஸ்

2024-25ம் நிதியாண்டின் முதல் காலாண்டில் பஜாஜ் ஃபைனான்ஸ் நிறுவனம் சிறப்பான வளர்ச்சி அடைந்துள்ளது. இதில் முன்பதிவு செய்யப்பட்ட புதிய கடன்கள் கடந்த நிதியாண்டின் 9.94 மில்லியனுடன் ஒப்பிடுகையில், 10.97 மில்லியனாக உயர்ந்துள்ளது.

ஹிந்துஸ்தான் ஜிங்க்

ஹிந்துஸ்தான் ஜிங்க் நிறுவனம் வெள்ளி உற்பத்தியை அதிகரிக்க இலக்கு நிர்ணயித்துள்ளது. அதாவது வெள்ளியின் தேவை தொடர்ந்து அதிகரிந்து வருவதால், நடப்பு நிதியாண்டில் 750-775 டன் உற்பத்தி செய்ய இலக்கு நிர்ணயிக்கப்பட்டுள்ளது.

இந்தியாபுல்ஸ் ஹவுசிங் ஃபைனான்ஸ்

வங்கியல்லாத நிதி நிறுவனமான இந்தியாபுல்ஸ் ஹவுசிங் ஃபைனான்ஸ், நிறுவனங்களின் பதிவாளரிடமிருந்து ஒருங்கிணைப்புச் சான்றிதழ் மற்றும் NBFC-ICC ஆகப் பதிவுசெய்ததற்கான சான்றிதழைப் பெற்றதைத் தொடர்ந்து சம்மான் கேபிடல் என அதன் பெயரை மாற்றியுள்ளது.

ஸ்டார் ஹெல்த்

ஸ்டாண்டலோன் ஹெல்த் இன்சூரன்ஸ் நிறுவனமான ஸ்டார் ஹெல்த் அண்ட் அலைட் இன்சூரன்ஸ் கம்பெனி அடுத்த நான்கு ஆண்டுகளில் அதன் மொத்த பிரீமியத்தை சுமார் ரூ.30,000 கோடியாக உயர்த்த திட்டமிட்டுள்ளது.

வேதாந்தா

சுரங்க நிறுவனமான வேதாந்தா, லாஞ்சிகர் சுத்திகரிப்பு நிலையத்தில் அலுமினா உற்பத்தியில் ஆண்டுக்கு ஆண்டு 36% உயர்வு அடைந்துள்ளது.

எல்&டி ஃபைனான்ஸ்

முதல் காலாண்டில் எல்&டி ஃபைனான்ஸின் சில்லறை விநியோகம் 33% அதிகரித்து ரூ.14,830 கோடியாக உள்ளது.

சூர்யோதாய் ஸ்மால் ஃபைனான்ஸ் வங்கி

சூர்யோதாய் ஸ்மால் ஃபைனான்ஸ் வங்கியின் மொத்த கடன் வளர்ச்சி முதல் காலாண்டில் 4% அதிகரித்துள்ளது.

பிரிகேட் எண்டர்பிரைசஸ்

பிரிகேட் எண்டர்பிரைசஸ் ஒரு குடியிருப்பு திட்டத்திற்கான கூட்டு மேம்பாட்டு ஒப்பந்தத்தில் கையெழுத்திட்டுள்ளது.

இந்திய பங்குச்சந்தை புதிய உச்சங்களை தொட்டு வரும் நிலையில், இன்றைய சந்தையில் முதலீட்டாளர்கள் இந்த பங்குகளின் மீது கூடுதல் கவனம் செலுத்துவது அவசியம். இந்த பங்குகளின் வர்த்தகம் சந்தையின் போக்கை தீர்மானிப்பதில் முக்கிய பங்கு வகிக்கிறது.

Stock Market-ல் நிலையான வருமானம் பெற முடியுமா?