மின்சார வாகன உற்பத்தி நிறுவனத்தின் பங்கு மூலதனம் ரூ.93.6 லட்சத்தில் இருந்து ரூ. 50 கோடியாக உயர்த்தியுள்ளதாக தெரிவிக்கப்பட்டுள்ளது.
ஸ்ட்ரைட் வென்ச்சர்ஸ் மற்றும் அதன் இணை நிறுவனர்களிடமிருந்து கடன் மற்றும் பங்குகளின் கலவையின் மூலம் ஏதர் எனர்ஜி ரூ.286 கோடியை திரட்டியது. ஸ்ட்ரைட் வென்ச்சர்ஸ் கடன் பத்திரங்கள் மூலம் கிட்டத்தட்ட ரூ.200 கோடி முதலீடு செய்துள்ளது. இணை நிறுவனர் தருண் மேத்தா மற்றும் ஸ்வப்னில் ஜெயின் ஆகியோர் ரூ.43.28 கோடி முதலீடு செய்துள்ளனர்.
2024ம் ஆண்டுக்குள் ஏதர் எனர்ஜி நிறுவனம் 2 பில்லியன் டாலர் மதிப்பீட்டில் ஐபிஓ வெளியிடும் என எதிர்பார்க்கப்படுகிறது. மேலும் ஹெச் எஸ் பி சி ஹோல்டிங்ஸ், நேமுரா ஹோல்டிங்ஸ், ஜேபிமார்கன் ஆகிய நிறுவனங்கள் ஐபிஓ வெளியிட்டுக்கான பணிகளை மேற்கொள்ளும் என தெரிவித்துள்ளது.
ஹீரோ மோட்டோகார்ப் நிறுவனம், ஏதர் எனர்ஜியின் 2.2 சதவீத கூடுதல் பங்குகளை ரூ.124 கோடிக்கு வாங்கியது. இதையடுத்து ஹீரோ மோட்டோ கார்ப் நிறுவனம் ஏதர் எனர்ஜி நிறுவனத்தின் மிகப்பெரிய பங்குதாரராக மாறியுள்ளது. இப்போது நிறுவனத்தின் மொத்த பங்குகளில் கிட்டத்தட்ட 39 சதவீதத்தை ஹீரோ மோட்டோகார்ப் நிறுவனம் வைத்துள்ளது. கடந்த ஆண்டு டிசம்பரில் ஹீரோ மோட்டோகார்ப் நிறுவனம் கூடுதலாக ரூ.140 கோடி முதலீடு செய்தது.
மேலும் ஏதர் நிறுவனம் ரிஸ்தா மாடல் இருசக்கர வாகனத்தை அறிமுகப்படுத்தியுள்ளது. ஆண்டுக்கு 4,50,000 ஸ்கூட்டர்களின் மொத்த உற்பத்தித் திறனைக் கொண்டது எதர் நிறுவனம். மேலும் இனி வரும் நாட்களில் அதன் உற்பத்தி திறனை ஆண்டுக்கு 1,50,000 உயர்த்த திட்டமிட்டுள்ளது.
தருண் மேத்தா மற்றும் ஸ்வப்னில் ஜெயின் ஆகியோரால் 2013ம் ஆண்டு ஏதர் எனர்ஜி நிறுவனம் தொடங்கப்பட்டது. நிறுவனம் 2022ம் ஒரு தொடர் E சுற்றில் சுமார் $128 மில்லியன் நிதி திரட்டியது.
எதர் நிறுவனம் 200க்கும் மேற்பட்ட நகரங்களில் 2000க்கும் மேற்பட்ட சார்ஜிங் பாயிண்டுகளுடன் செயல்பட்டு வருகிறது. அதாவது பெங்களூரு, டெல்லி, சென்னை, ஹைதராபாத், புனே, ஜெய்ப்பூர், கொச்சி, அகமதாபாத், மும்பை மற்றும் கொல்கத்தா உட்பட 215 நகரங்களில் செயல்படுகிறது.