மாற்ற முடியாத கடன் பத்திரங்கள் என்றால் என்ன?
நிலையான வருமானம் தரக்கூடிய வகையில் இந்த என் சி டி பாண்டுகள் வடிவமைக்கப்பட்டிருக்கும். அதே நேரத்தில் நீண்ட கால மூலதன மதிப்பைப் பெறுவதற்காக பொது வெளியீட்டு வடிவத்தில் நிறுவனங்களால் வெளியிடப்படுகின்றன. மாற்றத்தக்க கடனீட்டுப் பத்திரங்களுடன் ஒப்பிடுகையில் அவை சிறந்த வட்டி விகிதங்களை வழங்குகின்றன.
முதலீட்டு காலம்
முதலீட்டாளர்கள் 24 மாதங்கள், 36 மாதங்கள், 60 மாதங்கள், 84 மாதங்கள் மற்றும் 120 மாதங்கள் என தங்களின் தேவைக்கு ஏற்ப முதலீட்டு காலத்தை தேர்வு செய்து கொள்ளலாம். இதில் முதலில் வருபவர்களுக்கு முன்னுரிமை என்ற அடிப்படையில் ஒதுக்கீடு செய்யப்படும்.
இந்த பத்திரங்களின் கடன் மதிப்பீடு என்ன?
கிரிசில் மற்றும் ஐசிஆர்ஏ நிறுவனங்க இந்தியா புல்ஸ் ஹவுசிங் ஃபைனான்ஸ் நிறுவனத்தின் என் சி டிகளுக்கு ஏஏ மதிப்பீடு வழங்கியுள்ளது. ஏஏ மதிப்பீடு என்பது முதலீட்டு தொகையை சரியான நேரத்தில் திரும்ப வழங்கும் என்பது ஆகும். அதாவது முதலீட்டுக்கு அதிக அளவிலான பாதுகாப்பு என்பதே இதன் பொருள்.
மொத்த வெளியீட்டின் மதிப்பு?
இந்தியா புல்ஸ் ஹவுசிங் ஃபைனான்ஸ் நிறுவனம் ரூ.100 கோடி பொது வெளியீட்டை செய்துள்ளது. இதன் மூலம் ரூ. 100 க்ரீன் ஷூ விருப்பத்துடன் மொத்தம் ரூ.200 கோடி வரை இந்த டிரான்ச் VI ப்ராஸ்பெக்டஸ் வழங்கப்படுகிறது. மே 13ம் தேதி தொடங்கிய இந்த வெளியீடு மே 27ம் தேதி முடிவடையும்
மாற்ற முடியாத கடன் பத்திரங்களில் முதலீடு செய்யலாமா?
கார்ப்பரேட் கடன் பத்திரங்கள் முதலீட்டாளர்களுக்கு அதிக வட்டியை வழங்கினாலும், வங்கி டெபாசிட்டுடன் ஒப்பீடுகையில் சற்று ரிஸ்க் அதிகம். வங்கி டெபாசிட்டுகளுக்கு பாதுகாப்பு அதிகம்.
எனவே, பொதுவாக AAA மதிப்பீடு வழங்கப்பட்ட கார்ப்பரேட் கடன் பத்திரங்களில் முதலீடு செய்வது சிறந்த முடிவாக இருக்கும்.
என்சிடி பாண்ட் உள்ள ஆபத்துகள் என்ன?
கார்ப்பரேட் பாண்டுகள் சற்று ரிஸ்க் அதிகம். ஏனெனில் நிறுவனத்தின் செயல்பாடுகளின் அடிபப்டையிலேயே முதலீட்டாளர்களின் வருமானம் கிடைக்கும்.
அதிக லாபம் தரும் SIP returns..எப்படி தொடங்குவது?