லேசான மழை பெய்யும் பகுதிகள்
குறிப்பாக இன்றைய தினம் (ஜூலை 7) வடக்கு உட்புற கர்நாடகாவின் சில பகுதிகளில் லேசானது முதல் பரவலானது வரை பெய்யக்கூடும். மணிக்கு 40 - 50 கிலோமீட்டர் வேகத்தில் காற்று வீசும். பல்லாரி, பெங்களூரு ரூரல், பெங்களூரு அர்பன், சாம்ராஜ்நகர், சிக்கபல்லபுரா, சித்ரதுர்கா, தாவனகரே, குடகு, கோலார், மாண்டியா, மைசூரு, ராமநகரா, துமகுரு, விஜயநகரா ஆகிய மாவட்டங்களில் பெரும்பாலான பகுதிகளில் லேசானது முதல் பரவலானது வரை மழை பெய்யும் என்று தெரிவிக்கப்பட்டுள்ளது.
தவித்து போன பெங்களூரு மக்கள்
கடலோர கர்நாடகாவில் கனமழை எச்சரிக்கை
கனமழை எச்சரிக்கையானது ஜூலை 7 முதல் 10 வரை தொடர்கிறது. இன்று (ஜூலை 7) தக்ஷின கன்னடா, உடுப்பி, உத்தர கன்னடா மாவட்டங்களில் கனமழை முதல் மிகக் கனமழை வரை பெய்ய வாய்ப்புள்ளது. சிக்கமகளூரு, ஷிவமோகா, ஹாசன் ஆகிய மாவட்டங்களில் கனமழை முதல் மிகக் கனமழை வரை பலத்த மழையுடன் மணிக்கு 30 - 40 கிலோமீட்டர் வேகத்தில் காற்று வீசும். ஜூலை 8ஆம் தேதியை பொறுத்தவரை தக்ஷின கன்னடா, உடுப்பி, உத்தர கன்னடா ஆகிய மாவட்டங்களில் மிகக் கனமழை பெய்யக்கூடும்.
அடுத்த 3 நாட்கள் உஷார்
ஜூலை 9ஆம் தேதி கடலோர கர்நாடகா மாவட்டங்களில் காற்றின் வேகம் சற்று அதிகரிக்கும். மணிக்கு 40 - 50 கிலோமீட்டர் வேகத்தில் வீசக்கூடும். பல்வேறு இடங்களில் கனமழை முதல் மிகக் கனமழை பெய்யும். ஜூலை 10ஆம் தேதி தக்ஷின கன்னடா, உடுப்பி, உத்தர கன்னடா ஆகிய மாவட்டங்களில் கனமழைக்கு வாய்ப்புள்ளது.
பெங்களூருவில் ஜில்ஜில் கிளைமேட்
ஒட்டுமொத்தமாக கடலோர மாவட்டங்களில் நல்ல மழை பெய்யக்கூடும். பெங்களூரு ரூரல், பெங்களூர் அர்பன் மற்றும் அதனை சுற்றியுள்ள பகுதிகளில் லேசானது முதல் பரவலான மழை மட்டுமே பெய்ய வாய்ப்புள்ளது. எனவே பெங்களூரு ஜில்லென்ற வானிலையை உணரலாம். பலத்த மழை எச்சரிக்கை ஏதும் இல்லை என்பது கவனிக்கத்தக்கது. அதேசமயம் கர்நாடகா மாநிலத்தில் அடுத்த மூன்று நாட்களுக்கு வானிலையில் பெரிய அளவில் மாற்றங்கள் ஏதும் இல்லை.
வானிலை ஆய்வு மையம் அலர்ட்
பெங்களூரு சிட்டி மற்றும் அதன் சுற்றுவட்டாரங்களில் அடுத்த 48 மணி நேரத்திற்கு வானம் பொதுவாக மேகமூட்டத்துடன் காணப்படும். லேசானது முதல் பரவலான மழை பெய்யும். மணிக்கு 30 - 40 கிலோமீட்டர் வேகத்தில் காற்று வீசும். நகரின் அதிகபட்ச வெப்பநிலை 29 டிகிரியும், குறைந்தபட்ச வெப்பநிலை 21 டிகிரியும் பதிவாகக் கூடும் என்று வானிலை ஆய்வு மையம் தெரிவித்துள்ளது.
