விழுப்புரம் மாவட்டம் விக்கிரவாண்டி தொகுதி சட்டமன்ற உறுப்பினராக இருந்த புகழேந்தி உடல்நலக்குறைவால் கடந்த ஏப்ரல் மாதம் காலமானார். இதையடுத்து விக்கிரவாண்டி தொகுதி காலலியானதாக அறிவிக்கப்பட்டது. விக்கிரவாண்டி தொகுதிக்கு வரும் ஜூலை 10 ஆம் தேதி இடைத்தேர்தல் நடைபெறும் என தேர்தல் ஆணையம் அண்மையில் அறிவித்தது.
இதற்கான வேட்புமனுத் தாக்கல் இன்று தொடங்கியது. இதனால் வேட்பாளர் அறிவிப்பு மற்றும் தேர்தல் தொடர்பான பணிகளில் அரசியல் கட்சி தலைவர்கள் தீவிரம் காட்டி வருகின்றனர். விக்கிரவாண்டி தொகுதியில் திமுக சார்பில் ஏற்கனவே வேட்பாளராக அன்னியூர் சிவா அறிவிக்கப்பட்டுள்ளார்.
திருப்பதி பக்தர்களுக்கு நல்ல சேதி சொன்ன முதல்வர் சந்திரபாபு நாயுடு.. அதிரடி ஆட்டம் ஆரம்பம்!
விக்கிரவாண்டி இடைத்தேர்தலில் தனித்துப் போட்டியிடுவதாக அறிவித்த நாம் தமிழர் கட்சியும் இன்று வேட்பாளரை அறிவித்தது. அதன்படி மருத்துவர் அக்கட்சி சார்பில் போட்டியிடுகிறார். இந்நிலையில் விக்கிரவாண்டி இடைத்தேர்தலில் போட்டியிடுவது குறித்து கூட்டணி கட்சிகளுடன் பேசி அறிவிக்கப்படும் என பாமக தலைவர் அன்புமணி ராமதாஸ் நேற்று தெரிவித்திருந்தார்.
விக்கிரவாண்டி இடைத்தேர்தல்: நாம் தமிழர் கட்சி வேட்பாளர் அறிவிப்பு!
இந்நிலையில் விக்கிரவாண்டி இடைத்தேர்தலில் தேசிய ஜனநாயக கூட்டணி சார்பில் பாமக போட்டியிடும் என தமிழக பாஜக தலைவரான அண்ணாமலை அறிவித்துள்ளார். இதுதொடர்பாக அவர் வெளியிட்டுள்ள அறிக்கையில், "தமிழகத்தில் விக்கிரவாண்டி சட்டசபை தொகுதிக்கான இடைத்தேர்தல் வருகின்ற ஜூலை 10 ம் தேதி அன்று நடைபெற உள்ளது.
கேரளா காருண்யா பிளஸ் லாட்டரியில் ரூ. 80 லட்சத்தை அள்ளிய வயநாடு.. இன்று நிர்மல் லாட்டரியில் காத்திருக்கும் ரூ.70 லட்சம்!
தேசிய ஜனநாயக கூட்டணியில் இடம் பெற்றிருக்கும் அனைத்து கூட்டணி கட்சி தலைவர்களும் ஒருமனதாக எடுத்த முடிவின்படி, தேசிய ஜனநாயக கூட்டணியில் அங்கம் வகிக்கும் பாட்டாளி மக்கள் கட்சியானது விக்கிரவாண்டி சட்டசபை தொகுதி இடைத்தேர்தலில் போட்டியிடும் என்று அறிவிக்கப்படுகிறது" என தெரிவிக்கப்பட்டுள்ளது.