ఇక్సిగో ఐపీఓ షేర్ల కేటాయింపు ప్రక్రియ ఈరోజే (జూన్ 13) పూర్తి కానుంది. ఈ ఐపీఓ కోసం దరఖాస్తు చేసిన ఇన్వెస్టర్లకు తమకు షేర్లు అలాట్ అయ్యోయో కాలేదో రిజిస్ట్రార్ లింక్ ఇన్ టైమ్ అధికారిక వెబ్ సైట్లో తెలుసుకోవచ్చు. ఇక్సిగో ఐపీఓ జూన్ 10 న సబ్ స్క్రిప్షన్ కోసం ఓపెన్ అయింది. జూన్ 12న ముగిసింది. ఇన్వెస్టర్ల నుంచి భారీ స్పందన రావడంతో ఏకంగా 98.34 రెట్లు సబ్ స్కైబ్ అయింది.

ఐపీఓ స్టేటస్ ఇలా చెక్ చేసుకోండి..

• రిజిస్ట్రార్ లింక్ ఇన్ టైమ్ వెబ్ సైట్లో ఐపీఓ స్టేటస్ పేజీలోకి లాగాన్ కావాలి.దీని కోసం ఇక్కడ క్లిక్ చేయండి.

• ఈ పేజీలో ఆప్షన్లు కన్పిస్తాయి. కంపెనీ నేమ్ దగ్గర కన్పించే డ్రాప్ డాన్ మెనూ నుంచి ఇక్సిగో పేరు సెలక్ట్ చేసుకోవాలి.

• ఆ తర్వాత పాన్, అప్లికేషన్ నంబర్, క్లయింట్ ఐడీ, బ్యాంక్ అకౌంట్ నంబర్ ఆప్షన్లలో ఏదో ఒకదానికి ఎంపిక చేసుకోవాలి.

• పాన్ నంబర్ ఎంపిక చేసుకుంటే దానినే ఎంటర్ చేయాలి.

• చివరగా సబ్మిట్ బటన్ పై క్లిక్ చేస్తే మీ అలాట్మెంట్ స్టేటస్ తెలిసిపోతుంది. మీకు ఎన్ని షేర్ల అలాట్ అయ్యోయో డిస్ ప్లే అవుతుంది.

బీఎస్ఈ వెబ్ సైట్లో

• బాంబే స్టాక్ ఎక్స్ఛేంజీ అధికారిక వెబ్ సైట్లో కూడా ఇక్సిగో ఐపీఓ స్టేటస్ తెలుసుకోవచ్చు. దీని కోసం ఇక్కడ క్లిక్ చేయండి

• ఈ పేజీలో కన్పించే ఆప్షనల్లో ఇష్యూ టైప్ దగ్గర ఈక్విటీ సెలక్ట్ చేసుకోవాలి.

• ఇష్యూ నేమ్ దగ్గర కన్పించే డ్రాప్ డౌన్ మెనూ నుంచి ఇక్సిగో కంపెనీ పేరు సెలక్ట్ చేసుకోవాలి

• అయామ్ నాట్ రోబో చెక్ బాక్స్ పై టిక్ చేసి సెర్చ్ బటన్ పై క్లిక్ చేస్తే సరిపోతుంది. మీ స్టేటస్ డిస్ ప్లే అవుతుంది. పాన్ నంబర్, అలాట్ అయిన షేర్ల సంఖ్య కన్పిస్తాయి.

• ఐపీఓ షేర్లు అలాట్ కాని వారికి రీఫండ్ ప్రక్రియ జూన్ 14న ప్రారంభం అవుతుంది. షేర్లు అలాట్ అయిన వారికి డీమ్యాట్ ఖాతాల్లో అవి జమ అవుతాయి. జూన్ 18న స్టాక్ మార్కెట్లో ఇక్సిగో ఐపీఓ షేర్లు లిస్ట్ అవుతాయి.

• కాగా, ఆన్ లైన్ తో పాటు, ఈమెయిల్, ఎస్ఎంఎస్ ద్వారా కూడా కంపెనీ షేర్ల అలాట్మెంట్ స్టేటస్ ను ఇన్వెస్టర్లకు తెలియజేస్తుంది. అలాట్మెంట్ పూర్తి కావడానికి సమయం పడుతుంది కాబట్టి ఈరోజు రాత్రి నుంచి స్టేటస్ ఆన్ లైన్లో అందుబాటులోకి వచ్చే అవకాశం ఉంది.