అయితే ఇన్వెస్టర్లు ఈ అంచనాపై ఆశ్చర్యం వ్యక్తం చేస్తున్నారు. కొద్ది నెలల క్రితమే బిట్ కాయిన్ ధర రికార్డు స్థాయిలో పెరిగింది. తొలిసారి 73 వేల మార్క్ ను దాటింది. అయితే గత నెల రోజుల్లో 7 శాతం క్షీణత నమోదు చేసి మళ్లీ పడిపోయింది. అయితే మౌంట్ గాక్స్ యూజర్లకు రీపేమెంట్లు చేయనున్నట్లు ప్రకటించడంతో బిట్ కాయిన్ ఇన్వెస్టర్లు నిరుత్సాహానికి గురై అమ్మకాలు జరిపారని టామ్ వివరించారు. అందుకే బిట్ కాయిన్ ధర తగ్గిందన్నారు. దశాబ్దం క్రితం క్రిప్టో ఎక్స్చేంజ్ మౌంట్ గాక్స్ దివాళా తీసింది. అప్పుడు క్రిప్టోలో 9 బిలియన్ డాలర్లు లాక్ అయ్యాయి.
ఈ ఎక్స్చేంజీని మానిటర్ చేస్తున్న ట్రస్టీ ఇప్పుడు యూజర్లకు తిరిగి రీపేమెంట్లు చేయనున్నట్లు తెలిపింది. 20 వేల మంది యూజర్లకు ఈ నెల నుంచే వీటిని చెల్లించనున్నట్ల తెలిపింది. ఈ ప్రకటన క్రిప్టో ఇన్వెస్టర్లపై ప్రతికూల ప్రభావం చూపింది. దశాబ్దం క్రితం బిట్ కాయిన్ ధర చాలా తక్కువగా ఉంది. ఇప్పుడు ఆ యూజర్లకు తిరిగి చెల్లిస్తే వారు లాభాలు పొందేందుకు వెంటనే వాటిని విక్రయిస్తారు. దీంతో ఇది బిట్ కాయిన్ పై ఒత్తిడిని పెంచుతుందని ఇన్వెస్టర్లు భావిస్తున్నారు. ఈ కారణంగానే ఇప్పుడే అమ్మకాలు ప్రారంభించారు. ఫలితంగా బిట్ కాయిన్ అమ్మకాల ఒత్తిడిని ఎదుర్కొంటోంది.
అయితే రీపేమెంట్ల ప్రభావం కొద్ది రోజుల తర్వాత ఉండద టామ్ లీ తెలిపారు. కొద్ది రోజుల తర్వాత బిట్ కాయిన్ లో మరో భారీ ర్యాలీ ఉంటుందని అంచనా వేస్తున్నారు. ఆ తర్వాత ఈ ఏడాది మొత్తం బిట్ కాయిన్ కు బూస్ట్ లభిస్తుందని వివరించారు. మౌంట్ గాక్స్ యూజర్లకు రీపెమెంట్లు ప్రారంభిచడం వల్లే బిట్ కాయిన్ ప్రస్తుతం ఒత్తిడిని ఎదుర్కోవచ్చని పేర్కొన్నారు. ఇది చాలా ఎళ్లుగా భారీ ఓవర్ హ్యాంగ్ అని తెలిపారు. అయితే ద్వితీయార్థంలో బిట్ కాయిన్ కు తిరిగి పుంజుకుంటుందని భావిస్తున్నట్లు తెలిపారు.
ఇతర బిట్ కాయిన్ అనలిస్టులు కూడా ఇదే అభిప్రాయాన్ని వ్యక్తం చేస్తున్నారు. రాబోయే రోజుల్లో ఈ క్రిప్టో బుల్లిష్ గా ఉంటుందని భావిస్తున్నారు. 2022 లో క్రిప్టో కరెన్సీలు కుప్పకూలాయి. ఆ తర్వాత ఈ ఏడాది మొదట్లోనే తిరిగి కొలుకున్నాయి. 73 వేల డాలర్ల మార్క్ ను దాటి సరికొత్త రికార్డును సృష్టించాయి. ఆయితే ఆ తర్వాత మళ్లీ క్రమంగా పడిపోయాయి. కానీ రాబోయే రోజుల్లో మళ్లీ పుంజుకుని కొత్త గరిష్టాలను నమోదు చేసే అవకాశం ఉందని టామ్ పేర్కొన్నారు.