ముఖ్యమైన తేదీలు
- ఐపీఓ ఓపెన్ - జూలై 3
- ఐపీఓ క్లోజింగ్ - జూలై 5
- షేర్ల అలాట్మెంట్ - జూలై 8
- రీఫండ్ - జూలై 9
- డ్యీమ్యాట్ ఖాతాల్లోకి షేర్ల బదిలీ - జూలై 9
- స్టాక్ మార్కెట్లో లిస్టింగ్ - జూలై 10
కంపెనీ గురించి
బన్సాల్ వైర్ ఇండస్ట్రీస్ కు బన్సాల్ స్టీల్ అండ్ వపర్ లిమిటెడ్ అనుబంధ సంస్థ ఉంది. మూడు బ్రాడ్ సెగ్మెంట్లలో 3000 కు పైగా స్టాక్ కీపింగ్ యూనిట్లను ఆఫర్ చేస్తోంది. హై కార్బన్ స్టీల్ వైర్, మైల్డ్ స్టీల్ వైర్, స్లెయిన్ స్టీల్ వైర్ సెగ్మెంట్లలో వ్యాపార కార్యకలాపాలు నిర్వహిస్తోంది. నేషనల్ క్యాపిటల్ రీజియన్లో నాలుగు తయారీ కేంద్రాలు, యూపీలో మూడు తయారీ కేంద్రాలు, హర్యానాలో ఒక తయారీ కేంద్రాన్ని కలిగి ఉంది. 22 రాష్ట్రాలు, 6 కేంద్రపాలిత ప్రాంతాల్లో డీలర్ డిస్ట్రిబ్యూషన్ నెట్వర్క్ ను కలిగి ఉంది.
ఐపీఓ పత్రాల ప్రకారం కంపెనీ ఆదాయం 2022 ఆర్థిక సంవత్సరం నుంచి 2024 ఆర్థిక సవంత్సరం వరకు 5.86 శాతం సీఏజీఆర్ వృద్ధితో రూ. 2,205 కోట్ల నుంచి రూ. 2,470 కోట్లకు పెరిగింది. ఈబీఐటీడీఏ 14.87 శాతం వృద్ధితో రూ. 113 కోట్ల నుంచి రూ. 149 కోట్లకు పెరిగింది. పన్ను తర్వాత లాభం 17.28 శాతం పెరిగి రూ. 57.29 కోట్ల నుంచి రూ. 78.80 కోట్లకు చేరింది.
ఐపీఓకు ముందు యాంకర్ ఇన్వెస్టర్ల ద్వారా రూ. 223 కోట్లు సేకరించింది కంపెనీ. ఒక్కో షేరుకు రూ. 256 ధరతో 87, 30,468 ఈక్విటీ షేర్లను వీరి కోసం కేటాయించింది. ఐపీఓలో 35 శాతం రిటైల్ ఇన్వెస్టర్లకు, 15 శాతం నాన్ ఇనిస్టిట్యూషనల్ ఇన్వెస్టర్లకు, 50 శాతం క్వాలిఫైడ్ ఇనిస్టిట్యూషనల్ ఇన్వెస్టర్ల కోసం కేటాయించారు. ఎస్బీఐ క్యాపిటల్ మార్కెట్స్ లిమిటెడ్, డామ్ క్యాపిటల్ అడ్వైజర్స్ లిమిటెడ్ బుక్ రన్నింగ్ లీడ్ మేనేజర్లుగా ఉన్నాయి. కేఫిన్ టెక్నాలజీస్ రిజిస్ట్రార్ గా వ్యవహరిస్తోంది.
జీఎంపీ ఎంతంటే..?
ప్రస్తుతం ఈ ఐపీఓ గ్రే మార్కెట్ ప్రీమియం రూ. 66 గా ఉంది. అంటే ఒక్కో షేరుకు ఇష్యూ ధర కంటే రూ. 66 అధికంగా చెల్లించేందుకు ఇన్వెస్టర్లకు సిద్ధంగా ఉన్నారు. ఇది 25.78 శాతం ప్రీమియాన్ని సూచిస్తోంది. రూ. 322 వద్ద షేర్లు స్టాక్ మార్కెట్లో లిస్ట్ అయ్యే అవకాశం ఉంది. అయితే మార్కెట్ పరిస్థితిని బట్టి జీఎంపీ రోజురోజుకు మారుతుంది. ఇంకా పెరగవచ్చు లేదా తగ్గవచ్చు.