అల్లీడ్ బ్లెండర్స్ అండ్ డిస్టిలర్స్ ఐపీఓ
ఈ ఐపీఓ జూన్ 25న సబ్ స్క్రిప్షన్ కోసం ఓపెన్ కానుంది. జూన్ 27న ముగుస్తుంది. ఒక్కో షేరుకు ప్రైస్ బ్యాండ్ రూ. 267 - 281 గా ఉంది. ఈ కంపెనీ దేశంలో ప్రముఖ విస్కీ బ్రాండ్లను తయారు చేస్తుంది. ముంబైలో ప్రధాన కార్యాలయం ఉంది. ఐపీఓ ద్వారా రూ. 1,500 కోట్లు సమీకరించాలని కంపెనీ లక్ష్యంగా పెట్టుకుంది. ఇందులో రూ. 1,000 కోట్లు ఫ్రెష్ ఈక్వటీ షేర్ల ఇష్యూ కాగా, రూ. 500 కోట్లు విలువ చేసే షేర్ల ఆఫర్ ఫర్ సేల్ ఉంది. కంపెనీ ప్రమోటర్లు ఈ వాటాను వదులుకుంటున్నారు. ఐపీఓ ద్వారా వచ్చే ఆదాయంలో రూ. 720 కోట్లను రుణాల చెల్లింపు కోసం ఉపయోగించనున్నట్లు కంపెనీ తెలిపింది.
వ్రాజ్ ఐరన్ అండ్ స్టీల్
ఈ ఐపీఓ జూన్ 26న సబ్ స్క్రిప్షన్ కోసం ఓపెన్ కానుంది. జూన్ 28న ముగియనుంది. ప్రైస్ బ్యాండ్ ఒక్కో షేరుకు రూ. 195-207 గా ఉంది. ఐపీఓ ద్వారా వచ్చే రూ. 171 కోట్ల ఆదాయంలో రూ. 164 కోట్లను బిలాస్ పూర్ ప్లాంట్ విస్తరణ కోసం ఉపయోగించనున్నట్లు కంపెనీ తెలిపింది. మిగతా నిధులు ఇతర కార్పొరేట్ ప్రయోజనాల కోసం ఉపయోగించనుంది. ఇది పూర్తిగా 0.83 కోట్ల ఫ్రెష్ ఈక్విటీ షేర్ల ఇష్యూ. ఆఫర్ ఫర్ సేల్ లేదు.
ఎస్ఎంఈ ఐపీఓలు
ఇక ఎస్ఎంఈ ఐపీఓల విషయానికి వస్తే వచ్చేవారం విసామన్ గ్లోబల్ సేల్స్, మేసన్ ఇన్ ఫ్రాటెక్, స్లివాన్ ప్లై బోర్డ్, శివాలిక్ పవర్ కంట్రోల్, పెట్రో కార్బన్ అండ్ కెమికల్స్, డివైన్ పవర్, అకికో గ్లోబల్ సర్వీస్ వంటి స్మాల్, మీడియం ఎంటర్ ప్రైజెస్ ఉన్నాయి. జూన్ 24న వీసామన్ గ్లోబల్ సేల్స్, మేసన్ ఇన్ ఫ్రా టెక్, స్లివాన్ ప్లై బోర్డ్, శివాలిక్ పవర్ కంట్రోల్ సబ్ స్క్రిప్షన్ కోసం ప్రారంభం కానున్నాయి. మిగత ఐపీఓలు జూన్ 25 నుంచి అందుబాటులోకి వస్తాయి.
ఇక కొత్త ఐపీఓలతో పాటు స్లాన్లీ లైఫ్ స్టయిల్స్ , డీఈఈ డెవలప్మెంట్ ఇంజనీర్స్, ఆక్మె ఫిన్ ట్రేడ్ సహా మరో 8 ఐపీఓలు లిస్టింగ్ లు కూడా వచ్చే వారమే ఉన్నాయి.