డివిడెండ్

ఉజ్జీవన్ స్మాల్ ఫైనాన్స్ బ్యాంకు ఇప్పటికే డివిడెండ్ ను ప్రకటించింది. ఒక్కో షేరుకు రూ. 1.5 తుది డివిడెండ్ ను చెల్లించనున్నట్లు జూన్ 14న ప్రకటించింది. డివిడెండ్ పొందేందుకు షేర్ హోల్డర్ల అర్హతను నిర్ణయించే రికార్డు తేదీని జూలై 12 గా ఖరారు చేసింది. అంటే ఆ తేదీ నాటికి ఎవరైతే ఉజ్జీవన్ బ్యాంకు షేర్లు కలిగి ఉంటారో వారు డివిడెండ్ పొందేందుకు అర్హత సాధిస్తారు.

స్టాక్ పనితీరు

బీఎస్ఈలో ఉజ్జీవన్ బ్యాంక్ షేరు 52 వారాల గరిష్ట స్థాయి రూ. 62.99 గాఉంది. 52 వారాల కనిష్ట స్థాయి రూ. 37.70 గా ఉంది. గత నెల రోజుల్లో షేరు ధర 16 శాతం తగ్గింది. ఈ ఏడాది ఇప్పటివరకు 22 శాతం క్షీణత నమోదు చేసింది. అయితే గత ఏడాది కాలంలో చూస్తే 18 శాతం పెరిగింది. గడిచిన మూడేళ్లలో 45 శాతం వృద్ధి నమోదు చేసింది.

క్యూ4 ఫలితాలు

మార్చి 31 తో ముగిసిన నాలుగో త్రైమాసికం ఫలితాలు మే 18న ప్రకటించింది కంపెనీ. నికర లాభం 6.5 శాతం పెరిగి రూ. 329.6 కోట్లకు చేరినట్లు తెలిపింది. నికర వడ్డీ ఆదాయం 26.4 శాతం పెరిగి రూ. 933 కోట్లుగా నమోదైంది. ఉజ్జీవన్ ఫైనాన్షియల్ సర్వీసెస్ లిమిటెడ్ కు ఇది అనుబంధ సంస్థగా ఉంది. లోన్ బుక్ సైజ్ రూ. 25,326 కోట్లుగా ఉంది.

గమనిక: ఈ కథనం కేవలం సమాచారం కోసం మాత్రమే. స్టాక్ రికమండేషన్ కాదు. స్టాక్ మార్కెట్లో ఇన్వెస్ట్ చేసే ముందు మార్కెట్ నిపుణుల సలహా తీసుకోవడం మంచిది.