మరొకవైపు ఈ కంపెనీ షేరు గత ఏడాది కాలంలో 53 శాతం లాభాన్ని తమ వాటాదారులకు అందించింది. ప్రముఖ స్టాక్ బ్రోకరేజ్ కంపెనీ అయిన జఫరీస్, ఈ షేరుకు బై రేటింగ్ ఇవ్వడంతో ఈ షేరు ధరలో ఒక్కసారిగా ర్యాలీ కనిపించింది. దీనిలో భాగంగా గ్రాసిమ్ ఇండస్ట్రీస్ లిమిటెడ్ షేరుకు రూ. 3000 టార్గెట్ ప్రైజ్ ను ఇస్తున్నట్లు జఫరీస్ స్టాక్ మార్కెట్ ఇన్వెస్టర్లకు సూచించింది.
కంపెనీ స్టాక్ అవుట్ లుక్ ను ఒకసారి పరిశీలిస్తే, ఈరోజు ట్రేడింగ్ సెషన్ లో గ్రాసిమ్ ఇండస్ట్రీస్ లిమిటెడ్ షేరు ధర సుమారు 0.17 శాతం లాభపడి రూ. 2731.05 వద్ద ట్రేడ్ అవుతుంది. ఈ షేరు 52 వారాల గరిష్ట ధర రూ. 2743.90 గాను, అలాగే 52 వారాల కనిష్ట ధర రూ. 1726.35 గా ఉంది. గత వారం రోజులలో ఈ షేరు సుమారు 8 శాతం లాభాన్ని, అలాగే గత నెల రోజులల్లో ఈ షేరు సుమారు 15 శాతం లాభాన్ని, అదే విధంగా గత ఆరు నెలల్లో ఈ షేరు సుమారు 31 శాతం లాభాన్ని, అదే గత ఏడాది కాలంలో ఈ షేరు సుమారు 53 శాతం లాభాన్ని, ఇక గత ఐదు సంవత్సరాల కాలంలో 197 శాతం లాభాన్ని తమ వాటాదారులకు అందించింది. ప్రస్తుతం ఈ కంపెనీ మార్కెట్ క్యాప్ సుమారు రూ. 1,86,000 కోట్లుగా ఉంది.
కంపెనీ ప్రొఫైల్ విషయానికి వస్తే, గ్రాసిమ్ ఇండస్ట్రీస్ లిమిటెడ్ అనేది దేశంలోని ప్రముఖ బిజినెస్ గ్రూప్ అయిన ఆదిత్య బిర్లా గ్రూప్ కి చెందిన కంపెనీ. ఈ కంపెనీ టెక్స్టైల్ బిజినెస్ లోకి అడుగుపెట్టి విస్కోస్ స్టేపుల్ ఫైబర్, విస్కోస్ ఫిలమెంట్ యార్న్, కెమికల్స్, ఇన్సులేటర్స్ వంటి టెక్స్టైల్ రా మెటీరియల్స్ ను తయారు చేస్తుంది. ఇక ఈ కంపెనీని 1947 సంవత్సరంలో స్థాపించడం జరిగింది. ఇక ఈ కంపెనీ ఆర్ధిక రాజధాని అయిన ముంబై కేంద్రంగా తమ కార్యకలాపాలను నిర్వహిస్తుంది. 2023 చివరి నాటికి ఈ కంపెనీలో మొత్తం 24,455 మంది ఉద్యోగులు పని చేస్తున్నారు.