మిడ్ క్యాప్ కేటగిరికి చెందిన రైల్వే సెక్టార్ స్టాక్ అయిన రైల్ టెల్ కార్పొరేషన్ అఫ్ ఇండియా లిమిటెడ్ షేరు వరుసగా రెండు రోజుల నుంచి రాకెట్ లా దూసుకెళ్తుంది. ఈ రోజు ట్రేడింగ్ సెషన్ లో కూడా ఈ కంపెనీ షేరు 13 శాతానికి పైగా లాభపడి 52 వారాల గరిష్ట స్థాయిని తాకడం జరిగింది. ఈ నెలలో రైల్ టెల్ కార్పొరేషన్ వివిధ కంపెనీల నుంచి భారీగా ఆర్డర్స్ ను పొందడంతో ఈ కంపెనీ షేర్ ధరలో భారీ ర్యాలీ కనిపించింది. మరొకవైపు ఈ కంపెనీ షేరు గత ఏడాది కాలంలో 275 శాతం లాభాన్ని తమ వాటాదారులకు అందించి మల్టీబ్యాగర్ స్టాక్ గా నిలిచింది.

ఆర్డర్స్ :

ఇటీవల కంపెనీ సౌత్ సెంట్రల్ రైల్వేలోని సికింద్రాబాద్ డివిజన్ లో టెలికమ్యూనికేషన్ పనులకి సంబంధించి రూ. 20 కోట్ల ఆర్డర్స్ ను పొందడంతో పాటు ఆపరేషన్స్, మెయిన్టనెన్స్, సిస్టం సప్లై, ఇన్స్టాలేషన్, ఇంటిగ్రేటెడ్, టెస్ట్, కమిషన్ హెడ్ & సిస్టమ్స్ ను సరఫరా చేయడానికి తమిళనాడు ఫైబర్ ఇంటర్నెట్ కార్పొరేషన్ నుంచి రూ. 24 కోట్ల కాంట్రాక్టు ను పొందడం, అలాగే భారత రక్షణ మంత్రిత్వశాఖ నుంచి రూ. 11 కోట్ల ఆర్డర్స్, అదేవిధంగా ఇన్ఫర్మేషన్ & కమ్యూనికేషన్ టెక్నాలజీ ఇన్ఫ్రాస్ట్రక్చర్ సప్లై, ఇన్స్టాలేషన్, కాన్ఫిగరేషన్, కమిషన్, ఇంటిగ్రేషన్, ఆపరేషన్ & మెయింటనెన్స్ కోసం నేషనల్ ఇన్ఫర్మేటిక్స్ సెంటర్ సర్వీసెస్ నుంచి రూ. 81.46 కోట్ల ఆర్డర్స్ ను కంపెనీ పొందింది.

కంపెనీ స్టాక్ అవుట్ లుక్ ను ఒకసారి పరిశీలిస్తే, ఈరోజు ట్రేడింగ్ సెషన్ లో రైల్ టెల్ కార్పొరేషన్ అఫ్ ఇండియా లిమిటెడ్ షేరు ధర సుమారు 11 శాతం లాభపడి రూ. 483.50 వద్ద ట్రేడ్ అవుతుంది. ఈ షేరు 52 వారాల గరిష్ట ధర రూ. 491.45 గాను, అలాగే 52 వారాల కనిష్ట ధర రూ. 123 గా ఉంది. గత వారం రోజులలో ఈ షేరు సుమారు 17 శాతం లాభాన్ని, అలాగే గత నెల రోజులల్లో ఈ షేరు సుమారు 12 శాతం లాభాన్ని, అదే విధంగా గత ఆరు నెలల్లో ఈ షేరు సుమారు 66 శాతం లాభాన్ని, అదే గత ఏడాది కాలంలో ఈ షేరు సుమారు 275 శాతం లాభాన్ని, ఇక గత రెండు సంవత్సరాల కాలంలో 298 శాతం లాభాన్ని తమ వాటాదారులకు అందించింది. ప్రస్తుతం ఈ కంపెనీ మార్కెట్ క్యాప్ సుమారు రూ. 15,520 కోట్లుగా ఉంది.