డివిడెండ్ హిస్టరీ

రైల్ టెల్ 2021 మార్చి 31 నుంచి ఇప్పటివరకు మొత్తం ఏడు డివిడెండ్లు ప్రకటించింది. గత ఏడాది కాలంలో ఒక్కో షేరుకు రూ. 2.05 డివిడెండ్ రూపంలో చెల్లించింది. 2023-24 ఆర్థిక సంవత్సరానికి డివిడెండ్ చెల్లించే విషయంపై జూలై 8న జరిగే సమావేశంలో నిర్ణయం తీసుకోనుంది. ప్రస్తుతం రైల్ టెల్ షేరు ధర రూ. 486 గా ఉంది. దీని ప్రకారం ఈ స్టాక్ డివిడెండ్ రాబడి 0.41 శాతంగా ఉంది.

రైల్ టెల్ షేరు టార్గెట్ ధర

ఈ స్టాక్ రాబోయే రోజుల్లో దాదాపు 30 శాతం వరకు పెరిగే అవకాశం ఉందని 5 పైసా రీసెర్చ్ లీడ్ రుచిత్ జైన్ అంచనా వేస్తున్నారు. రూ. 480-490 రేంజ్ లో స్టాక్ ను కొనుగోలు చేస్తే రూ. 600 టార్గెట్ ధరను చేరుకునే అవకాశం ఉందన్నారు. అయితే స్టాప్ లాస్ ను కచ్చితంగా రూ. 430 వద్ద సెట్ చేసుకోవాలని స్పష్టం చేశారు.

​కంపెనీ గురించి

రైల్ టెల్ కేంద్ర ప్రభుత్వానికి చెందిన సంస్థ. మినీరత్న హోదాను కూడా కలిగి ఉంది. భారత్ లో అతిపెద్ద న్యూట్రల్ టెలికాం ఇన్ ఫ్రాస్ట్రక్చర్ ప్రొవైడర్ గా ఉంది. దేశవ్యాప్తంగా ఆప్టికల్ ఫైబర్ నెట్వర్క్ ను కలిగి ఉంది. టెలికాం మార్కెట్ లో అదునాత సాంకేతికతలతో ఇన్నోవేటివ్ సర్వీస్ ను అందిస్తుంది. రైలు కార్యకలాపాలు, అడ్మినేషన్ నెట్వర్క్ సిస్టంను కూడా ఆధునికీకరిస్తుంది.

గమనిక: ఈ కథనం సమాచారం కోసం మాత్రమే. స్టాక్ రికమండేషన్ కాదు.