రైల్వే మంత్రిత్వ శాఖ నుంచి ఫ్రెష్ రిజిస్ట్రేషన్ కు అనుమతి లభించడంతో ఇప్పుడు ఎంఐసీ ఎలక్ట్రానిక్స్ భారత ప్రభుత్వ రైల్వే మంత్రిత్వశాఖ పరిధిలోని రైల్వే కోచ్ లలో అత్యవసర లైటింగ్ సిస్టంలను ఏర్పాటు చేసే అవకాశాన్ని పొందింది. మరొకవైపు ఈ కంపెనీ షేరు గత ఏడాది కాలంలో ఏకంగా 287 శాతం లాభాన్ని తమ వాటాదారులకు అందించి మల్టీబ్యాగర్ స్టాక్ గా నిలిచింది. అలాగే ఈ కంపెనీ స్టాక్ మార్కెట్ లో లిస్ట్ అయిన రోజు నుంచి అనగా డిసెంబర్ 24, 2021 నుంచి ఇప్పటి వరకు 405 శాతం లాభాన్ని అందించడం జరిగింది. ఇక ఎంఐసీ ఎలక్ట్రానిక్స్ లిమిటెడ్ అనేది రూ. 100 లోపు ధర కలిగిన ఒక పెన్నీ స్టాక్.
ఇక ఈ కంపెనీ స్టాక్ అవుట్ లుక్ విషయానికి వస్తే, ఈరోజు ట్రేడింగ్ సెషన్ లో ఎంఐసీ ఎలక్ట్రానిక్స్ లిమిటెడ్ షేరు ధర 5 శాతం లాభపడి అప్పర్ సర్క్యూట్ ని టచ్ చేసి రూ. 90.66 వద్ద ట్రేడ్ అవుతుంది. ఈ షేరు 52 వారాల గరిష్ట ధర రూ. 90.66 గాను, అలాగే 52 వారాల కనిష్ట ధర రూ. 22.80 గా ఉంది. గత వారం రోజులలో ఈ షేరు సుమారు 32 శాతం లాభాన్ని, అలాగే గత నెల రోజులల్లో ఈ షేరు సుమారు 87 శాతం లాభాన్ని, అదే విధంగా గత ఆరు నెలల్లో ఈ షేరు సుమారు 168 శాతం లాభాన్ని, అదే గత ఏడాది కాలంలో ఈ షేరు సుమారు 287 శాతం లాభాన్ని, ఇక గత మూడు సంవత్సరాల కాలంలో 405 శాతం లాభాన్ని తమ వాటాదారులకు అందించింది. ప్రస్తుతం ఈ కంపెనీ మార్కెట్ క్యాప్ సుమారు రూ. 1910 కోట్లుగా ఉంది.
కంపెనీ ప్రొఫైల్ ని ఒకసారి పరిశీలిస్తే, ఎంఐసీ ఎలక్ట్రానిక్స్ లిమిటెడ్ అనేది ఎల్ఈడీ వీడియో డిస్ ప్లేలు, హై ఎండ్ ఎలక్ట్రానిక్, టెలీ కమ్యూనికేషన్ ఎక్విప్మెంట్, టెలికాం సాఫ్ట్ వేర్ వంటి వాటిని డెవలప్ చేయడంతో పాటు తయారు చేయడంలో మార్కెట్ లీడర్ గా ఉంది. ఇక ఈ కంపెనీని 1988వ సంవత్సరంలో ప్రారంభించడం జరిగింది. ప్రస్తుతం ఈ కంపెనీ హైదరాబాద్ లోని చర్లపల్లి కేంద్రంగా తమ కార్యకలాపాలను నిర్వహిస్తుంది. 2023 చివరి నాటికి ఈ కంపెనీలో మొత్తం 69 మంది ఉద్యోగులు పని చేస్తున్నారు.