గత కొన్ని నెలలుగా ఈ బైక్ ను టెస్ట్ చేస్తోంది బజాజ్. మోటార్ సైకిల్ డిజైన్, గ్లింప్స్ కూడా ఆన్ లైన్లో రివీల్ అవుతున్నాయి. సాధారణ బైక్ లాగే ఈ బైక్ ను కూడా డిజైన్ చేసినట్లు తెలుస్తోంది. హాలోజెన్ టర్న్ ఇండికేటర్లు, టెలిస్కోపిక్ ఫోర్క్స్, సస్పెన్షన్ కోసం మోనో షాక్ యూనిట్ ఉండనున్నట్లు సమాచారం. మల్టీ స్పోక్ అల్లోయ్ వీల్స్, లాంగ్ సింగిల్ సీట్, డిస్క్ మరియూ డ్రమ్ బ్రేక్స్ తో సింపుల్ గా డిజైన్ చేసినట్లు తెలుస్తోంది. వీటిని పరిశీలిస్తే ఎంట్రీ లెవెల్ బడ్జెట్ సెగ్మెంట్ ను లక్ష్యంగా చేసుకుని బజాజ్ సీఎన్జీ బైక్ ను రూపొందించినట్లు స్పష్టమవుతోంది.
అయితే ఇంజిన్ కు సంబంధించిన వివరాలను బజాజ్ రివీల్ చేయాల్సి ఉంది. ప్రస్తుత పెట్రోల్ ఇంజిన్ నే అడాప్ట్ చేసుకుంటుందా లేక పూర్తిగా కొత్త సీఎన్జీ ఇంజిన్ ను అభివృద్ధి చేసిందా అనే విషయం తెలియాల్సి ఉంది. పెర్ఫామెన్స్ వివరాలు కూడా తెలియాల్సి ఉంది. లాంఛ్ తేదీ వరకు ఇందుకు సంబంధించిన వివరాలు రివీల్ అయ్యే అవకాశం ఉంది. అయితే ఇంజిన్ సామర్థ్యం 110-125 సీసీ మధ్య ఉండే అవకాశం ఉందని అంచనాలున్నాయి. అలాగే ఇంజిన్ పెట్రోల్ తో పాటు సీఎన్ జీ తో నడిచేలా అభివృద్ది చేసే అవకాశముంది.
ఈ బైక్ కు సంబంధించిన వివరాలను బజాజ్ వెల్లడించనప్పటికీ ట్రేడ్ మార్క్ ఫైలింగ్ ను పరిశీలిస్తే కొన్ని పేర్లు తెలిసినట్లు సన్నిహిత వర్గాలు తెలిపాయి. ఈ న్యూ మోడల్ బైక్ కు గ్లైడర్, మారథాన్, ట్రెక్కర్ లేదా ఫ్రీడం పేరు పెట్టే అవకాశం ఉన్నట్లు తెలుస్తోంది. అయితే కంపెనీ నుంచి ఇందుకు సంబంధించి ఇంకా ఎలాంటి అధికారిక ప్రకటనా వెలువడలేదు. జూలై 5 నాటికి దీనిపై స్పష్టత వచ్చే అవకాశం ఉంది.
ప్రస్తుత పెట్రోల్ బైక్ లతో పోల్చితే సీఎన్జీ బైక్ చాలా ఇంధనాన్ని ఆదా చేస్తుంది. ఈవీలు, ఐసీఐ మోటర్ సైకిల్స్ కు వారధిగా బజాజ్ సీఎన్జీ బైక్ ఉండనుంది. ప్రస్తుతం ఈవీ సేల్స్ పెరుగుతున్నప్పటీకీ ఎక్కువగా స్కూటీలే అమ్ముడవుతున్నాయి. సీఎన్జీ బైక్ రాకతో ఈ పరిస్థితి మారే అవకాశముంది. ఇది తక్కువ ఖర్చుతో పాటు, పర్యావరణ హితంగా ఉంటుంది. జూలై 5న ఈ బైక్ కు సంబంధించిన పూర్తి వివరాలు అధికారికంగా వెల్లడి కానున్నాయి.