దేశంలోని ప్రముఖ ప్రైవేట్ బ్యాంకులలో ఒకటి అయిన బంధన్ బ్యాంకు, రూ. 3 కోట్ల లోపు విలువ కలిగిన ఫిక్స్డ్ డిపాజిట్లపై వడ్డీ రేట్లను సవరిస్తున్నట్లు ప్రకటించింది. ఈ సవరించిన వడ్డీ రేట్లు జూన్ 15, 2024 నుంచి అమలులోకి వచ్చాయని బ్యాంకు తెలిపింది. ప్రస్తుతం 7 రోజుల నుంచి 10 సంవత్సరాల కాలపరిమితి కలిగిన ఫిక్స్డ్ డిపాజిట్లపై సాధారణ ఖాతాదారులకు 3.00 శాతం నుంచి 7.85 శాతం వరకు వడ్డీ రేటును, అలాగే సీనియర్ సిటిజన్లకు 3.75 శాతం నుంచి 8.35 శాతం వరకు వడ్డీ రేటును బ్యాంకు అందిస్తుంది.

ఇక ఒక సంవత్సరం కాలపరిమితి కలిగిన ఫిక్స్డ్ డిపాజిట్లపై సాధారణ ఖాతాదారులకు అత్యధికంగా 7.85 శాతం వడ్డీ రేటును, అలాగే సీనియర్ సిటిజన్లకు అత్యధికంగా 8.35 శాతం వడ్డీ రేటును బ్యాంకు అందిస్తుంది. అలాగే సాధారణ ఖాతాదారులతో పోల్చితే, సీనియర్ సిటిజన్లు ఒక సంవత్సరం కాలపరిమితి వరకు 75 బేసిస్ పాయింట్ల అధిక వడ్డీ రేటును, అలాగే ఒక సంవత్సరం ఒక రోజు నుంచి 10 సంవత్సరాల కాలపరిమితి వరకు 50 బేసిస్ పాయింట్ల అధిక వడ్డీ రేటును పొందుతారు.


ఫిక్స్డ్ డిపాజిట్లపై బంధన్ బ్యాంక్ అందించే వడ్డీ రేట్లను ఒకసారి పరిశీలిస్తే,

* 7 రోజుల నుంచి 30 రోజుల కాలపరిమితి కలిగిన ఫిక్స్డ్ డిపాజిట్లపై బ్యాంకు ఇప్పుడు 3.00 శాతం వడ్డీ రేటును అందిస్తుంది.

* 31 రోజుల నుంచి 2 నెలల కాలపరిమితి కలిగిన ఫిక్స్డ్ డిపాజిట్లపై బ్యాంకు ఇప్పుడు 3.50 శాతం వడ్డీ రేటును అందిస్తుంది.

* 2 నెలల నుంచి 1 సంవత్సరం కంటే తక్కువ కాలపరిమితి కలిగిన ఫిక్స్డ్ డిపాజిట్లపై బ్యాంకు ఇప్పుడు 4.50 శాతం వడ్డీ రేటును అందిస్తుంది.

* 1 సంవత్సరం కాలపరిమితి కలిగిన ఫిక్స్డ్ డిపాజిట్లపై బ్యాంకు ఇప్పుడు 7.85 శాతం వడ్డీ రేటును అందిస్తుంది.

* 1 సంవత్సరం 1 రోజు నుంచి 5 సంవత్సరాల వరకు కాలపరిమితి కలిగిన ఫిక్స్డ్ డిపాజిట్లపై బ్యాంకు ఇప్పుడు 7.25 శాతం వడ్డీ రేటును అందిస్తుంది.

* 5 సంవత్సరాల నుంచి 10 సంవత్సరాల కాలపరిమితి కలిగిన ఫిక్స్డ్ డిపాజిట్లపై బ్యాంకు ఇప్పుడు 5.85 శాతం వడ్డీ రేటును అందిస్తుంది.

పైన తెలిపిన వడ్డీ రేట్లు రూ. 3 కోట్ల లోపు కాలపరిమితి కలిగిన ఫిక్స్డ్ డిపాజిట్లకు మాత్రమే వర్తిస్తాయనే విషయాన్ని గుర్తుంచుకోవాలి.