ഈയാഴ്ച നിക്ഷേപകർക്ക് ബോണസ് ഇഷ്യു ചെയ്യുന്ന രണ്ട് ലിസ്റ്റഡ് കമ്പനികൾ
1072 views
ബിസിനസ് വീഡിയോസ് സബ്സ്ക്രൈബ് ചെയ്യൂഓഹരി ഉടമകൾക്ക് കമ്പനികളിൽ നിന്നും സൗജന്യമായി ലഭിക്കുന്ന അധിക ഓഹരികളെയാണ് ബോണസ് ഷെയർ എന്ന് വിശേഷിപ്പിക്കുന്നത്. പണമായി തന്നെ നിക്ഷേപകർക്ക് ലാഭവിഹിതം കൈമാറാൻ സാധിക്കാത്ത അവസരങ്ങളിലാണ് ബോണസ് ഇഷ്യു ചെയ്യാൻ കമ്പനികൾ പ്രധാനമായും പരിഗണിക്കുന്നത്. അതുകൊണ്ട് തന്നെ കമ്പനിയിൽ നിന്നും നിക്ഷേപകർക്ക് ലഭിക്കുന്ന റിവാർഡ് കൂടിയാണ് ബോണസ് ഷെയർ. ഇതിലൂടെ അധിക വരുമാനം നേടാനുള്ള അവസരവും ഓഹരി ഉടമകൾക്ക് തുറന്നുകിട്ടുന്നു. നിക്ഷേപകരുടെ പക്കലുള്ള ഓഹരികളുടെ നിശ്ചിത അനുപാതത്തിലാകും ബോണസ് ഓഹരികൾ വിതരണം ചെയ്യുക. മേയ് 20 മുതൽ 24 വരെയുള്ള പുതിയ വ്യാപാര ആഴ്ചയിൽ, ബോണസ് ഷെയർ നൽകുന്നത് ഐനോക്സ് വിൻഡ്, ന്യൂടൈം ഇൻഫ്രാസ്ട്രക്ചർ തുടങ്ങിയ ലിസ്റ്റഡ് കമ്പനികളാണ്. ഇതുമായി ബന്ധപ്പെട്ട് എക്സ്-ബോണസ് തീയതി ഉൾപ്പെടെയുള്ള വിശദാംശങ്ങൾ അറിയാം.