ദുബായ് വിമാനത്താവളത്തിൽ എത്തുന്നവർ ഇക്കാര്യം ശ്രദ്ധിക്കുക
വാർത്തകൾ വീഡിയോസ് സബ്സ്ക്രൈബ് ചെയ്യൂ
ദുബായ് അന്താരാഷ്ട്ര വിമാനത്താവളത്തിൽ യാത്രികരുടെ ഒപ്പം വരുന്നവർക്ക് ഈ മാസം 17വരെ നിയന്ത്രണം ഏർപ്പെടുത്തി. ഗൾഫ് രാജ്യങ്ങളിൽ അവധിക്കാലം ആരംഭിച്ചതോടെ വിമാനത്താവളങ്ങളിൽ യാത്രക്കാരുടെ എണ്ണത്തിലും വലിയ വർദ്ധനവ് ഉണ്ടായതോടെയാണ് ഈ തീരുമാനം. ടെർമിനൽ 1, 3 എന്നിവിടങ്ങളിൽ ടാക്സികൾക്ക് മാത്രമേ അനുവാദമുള്ളൂ. സ്വകാര്യ വാഹനങ്ങളിൽ എത്തുന്നവർ പാർക്കിങ് ടെർമിനലുകളിൽ നിർത്തണം. ഏകദേശം 33 ലക്ഷം പേർ ഈ സമയം വിമാനത്താവളം വഴി കടന്നുപോകുമെന്നാണ് അധികൃതർ കരുതുന്നത്. 9.14 ലക്ഷം യാത്രക്കാർ ദുബായിൽ നിന്ന് വിദേശത്തേക്ക് പോകുമെന്നും കണക്ക് കൂട്ടുന്നു. ജൂലൈ 13നാണ് ഏറ്റവും തിരക്കേറിയ ദിവസമായി കണക്കാക്കുന്നത് .