Sanju Samson T20 World Cup: സഞ്ജു സാംസണ് പുത്തൻ റെക്കോഡ്
കായികം വീഡിയോസ് സബ്സ്ക്രൈബ് ചെയ്യൂ
മോഡേൺ ക്രിക്കറ്റ് ലോകത്തിലെ ഏറ്റവും പ്രസിദ്ധമായ രണ്ട് കിരീടങ്ങളാണ് ഐപിഎൽ ട്വൻറി-20യും ഐസിസി ട്വൻറി-20 ലോകകപ്പും. ഒരു ക്രിക്കറ്ററുടെ കരിയറിലെ ഏറ്റവും വലിയ നേട്ടങ്ങളിൽ ഒന്നാണ് ഈ രണ്ട് കിരീടങ്ങളും ഒന്നിച്ച് നേടുക. ഇന്ത്യൻ ക്യാപ്റ്റൻ രോഹിത് ശർമ, മുൻ ക്യാപ്റ്റൻ എംഎസ് ധോണി, ഓൾറൗണ്ടർമാരായ രവീന്ദ്ര ജഡേജ, അക്സർ പട്ടേൽ എന്നിവരൊക്കെ ഈ രണ്ട് ട്രോഫികളും നേടിയവരാണ്. എന്നാൽ സൂപ്പർ താരം വിരാട് കോഹ്ലിക്ക് ഇതുവരെ ഈ നേട്ടം കൈവരിക്കാൻ കഴിഞ്ഞിട്ടില്ല. ഈ നേട്ടമിപ്പോൾ സഞ്ജു സാംസണും സ്വന്തമാക്കിയിരിക്കുകയാണ്. ഈ റെക്കോഡ് നേടുന്ന രണ്ടാമത്തെ ഇന്ത്യൻ താരമാണ് സഞ്ജു. ഇത്തവണത്തെ ഐസിസി ട്വൻറി 20 ലോകകപ്പ് നേടിയ സംഘത്തിലിടം പിടിച്ചതോടെയാണ് സഞ്ജു റെക്കോഡ് ബുക്കിൽ ഉൾപ്പെട്ടത്. 2012 ഐപിഎൽ മത്സരത്തിൽ കൊൽക്കത്ത നൈറ്റ് റൈഡേഴ്സ് ജയിച്ചപ്പോൾ സഞ്ജു ഒപ്പം ഉണ്ടായിരുന്നു. ഐപിഎല്ലും ഐസിസി ടി20 ലോകപ്പും ആദ്യ തവണ തന്നെ ടീമിലിടം പിടിച്ച് സ്വന്തമാക്കുന്ന മൂന്നാമത്തെ പ്ലെയറാണ് സഞ്ജു സാംസൺ.