Opland
![](http://upload.wikimedia.org/wikipedia/commons/thumb/b/b9/Opland_%281981%29.jpg/220px-Opland_%281981%29.jpg)
Opland was die skuilnaam van die politieke spotprentkunstenaar Robert (Rob) Wout (18 Julie 1928 – 19 Julie 2001). Hy was onder andere werksaam vir de Volkskrant en de Groen Amsterdammer. Sy bekendste spotprent, 'kernwapens die wêreld uit', verkry ook buite Nederland bekendheid.
Lewe
[wysig | wysig bron]Rob Wout word op 18 Julie 1928 in Amsterdam gebore. Hy kom uit 'n Herstelde Evangelies Lutherse gesin. Tydens sy jeug is hy reeds aktief as tekenaar, onder andere vir die skoolkoerant. Na die HBS begin hy politiek aan die Universiteit van Amsterdam studeer. Hy begin in 1947 vir de Groen Amsterdammer werk. Ten einde sy studie te befonds soek hy naarstiglik na meer opdragte, en kry werk by die Parool en Vrye Nederland. Nadat hy sy studie gestaak het gaan werk hy voltyds as spotprenttekenaar. Hy neem die pseudoniem "Opland" aan, wat 'n samevoeging is van die vanne van twee van sy skoolvriende.
In 1948 word hy aangestel by die de Volkskrant. Dié koerant bevind hom in dié tyd nog aan "die regterkant van die Nederlandse politieke spektrum" en Opland spreek twyfel uit of hy in die eerste instansie wel daar sou inpas. Uiteindelik sou hy egter tot en met sy dood vir de Volkskrant en de Groen Amsterdammer bly werk.
In sy persoonlike lewe het hy bekend gestaan as 'n vrolike, entoesiastiese mens. Hy was op feeste gereeld die middelpunt van belangstelling, met verhale en anekdote. Hy was 'n groot operaliefhebber en het verskillende operaliedere uit sy kop uit geken, welke hy na geluister het terwyl hy in die aande tekeninge gemaak het vir die redaksie van de Volkskrant.
Invloed
[wysig | wysig bron]Opland het self nie 'n hoë dunk van sy invloed op die politiek gehad nie. Politici wat deur hom afgebeeld is kon skynbaar soms self lag vir sy prente. Opland self word hierdeur wel bekend. By die verskyning van sy eerste versameling prente het die minister van Buitelandse Sake, Luns, wat dikwels die onderwerp van sy spotprente was, selfs die voorwoord daartoe geskryf. En by die viering van sy 25ste jaar by de Volkskrant voer Harm van Riel (VVD) die woord:
"Grieselig vind ek u allermins", sê hy oor die jubilaris, "want ek beskou u posisie nie as sou dit oor groot politieke mag beskik nie. Wel is u van die grootste kunstenaars van die land."[1]
Hy was die bekendste vir sy tekening "Komitee Kruismissiel Nee" waar hy 'n vrou afbeeld wat 'n (kruis)missiel 'n skop gee. Die tekening is tydens talle demonstrasies in Amsterdam en Den Haag teen die geskeduleerde plasing van kruismissiele in Nederland vertoon. Dit is ook buite Nederland vertoon, en so word dié tekening ook baie bekend; soveel so; dat die Vredesbewegings in Europa, Australië en Japan van die tekening gebruik maak.[2]
Sterfte
[wysig | wysig bron]Op 19 Julie 2001 is Opland aan beenkanker oorlede. Hy was toe al geruime tyd siek gewees. Dit is tekenend van Opland se gewildheid dat daar soveel aandag gegee is aan sy heengaan.
Feitlik ál die dagblaaie bestee aandag aan sy oorlye. In de Volkskrant was die helfte van die voorblad en die hele derde bladsy aan hom gewy. De Groen Amsterdammer gee selfs 'n aparte uitgawe uit.[3]
Publisering
[wysig | wysig bron]- Geert Mak, Gekies van Weringh, Francine Wout: De wêreld (1947-2001) volgens Opland. Zwolle, Uitgeverij Waanders, 2004. ISBN 904009036X
Verwysings
[wysig | wysig bron]- ↑ Groene Amsterdammer website 28 juni 2001
- ↑ "Comicbase "Opland overleden" 31 juli 2001". Geargiveer vanaf die oorspronklike op 28 September 2007. Besoek op 11 Julie 2019.
- ↑ De Journalist nr. 14, 27 juni 2001
Eksterne skakels
[wysig | wysig bron]![]() |
Wikimedia Commons bevat media in verband met Opland. |