عرض مصدر عمر بن الخطاب

{{صندوق معلومات شخص}}
[[ملف:Tombstone of Umar (r.a) by mohammad adil rais.JPG|تصغير|300بك|قبر الرسول [[محمد]] اللى مدفون بجواره عمر بن الخطاب و [[ابو بكر|ابو بكر الصديق]]]]

'''عمر بن الخطاب''' (40 ق.هـ / 584م - 23 هـ / 644 م) الملقب بـ "'''الفاروق'''" و كنيته "ابو حفص". هو تانى [[الخلفاء الراشدين]] و أول من اتسمى بأمير المؤمنين ومن أكابر اصحاب الرسول [[محمد]] و واحد من [[العشره المبشرين بالجنه|العشرة المبشرين بالجنة]]، اوّل من عمل [[تقويم هجرى|بالتقويم الهجرى]]. بقى [[خليفة المسلمين]] بعد وفاة الخليفة الاول [[ابو بكر|ابو بكر الصديق]] و فى عهده فتحت [[العراق]] و [[مصر]] , [[ليبيا]] و [[تشام|الشام]] و [[فلسطين]] و بقت [[القدس]] , اللى ليها مكانة كبيرة عند المسلمين تحت سيطرتهم لاول مرة , بلاد [[فارس]] و خرسان و شرق الأناضول وجنوب [[ارمينيا]] و [[افغانستان|أفغانستان]]. فى عهده اتقضى على الامبراطوريه الفارسيه اللى كانت واحده من القوى العظمى فى الوقت ده , و خلى القوى العظمى التانيه [[امبراطوريه بيزنطيه|الامبراطوريه البيزنطيه]] تفقد بلاد بتدخل للامبراطوريه دخل كبير زى مصر والشام. اشتهر بالعدل و كان له اسهامات كتيره فى سياسية و بناء الدولة و الدين و اللى طلع القانون و الوثيقة اللى اتعرفت ب[[العهدة العمرية]] لتئمين [[اهل الكتاب]] على اماكن عبادتهم و ممتلكاتهم. فى سنة 23 هـ الموافق 644 م , اغتاله واحد فارسى اسمه فيروز المعروف باسم ابو لؤلؤة فى الجامع وقت الصلاة.

== حياته قبل الاسلام ==
[[ملف:Sword of Umar ibn al-Khittab-mohammad adil rais.JPG|thumb|150px|سيف عمر بن الخطاب]]

اتولد فى 40 ق.هـ / 584م ,بعد سنة من السنة اللى اتسمت ب [[عام الفيل]] و بعد مولد النبى [[محمد]] بتلاتشر سنة, فى مكة ف قبيلة قريش لبنى عدى اللى كان ليها شان كبير .وهو صغير اتعلم القراءة و الكتابة , وده كان شىء نادر فى الوقت ده , و كان غاوى مصارعه و فروسيه و مهتم بالشعر. لما كبر شوية ابتدى يشتغل ف التجارة , اللى بقى كويس فيها و بقى من اغنياء قريش. كان له مكانة كبيرة و سط قبيلة قريش و كان من اشرافها و خلوه يقوم بدور السفير و كان من صلحياته انه يتكلم باسم قريش مع القبايل و البلاد التانيه و حل خلافتهم لما تحصل مشاكل. كان مشهور بالعدل و الشدة و بشجاعته و قوته.

== اسلامه ==
قصة اسلام عمر بن الخطاب من اشهر قصص اسلام الصحابه. فى الاول كان عمر من اللى وقفوا أوصاد نشر دعوة الرسول محمد و كان بيعادى اى حد اتعرف انه اسلم و يحاول يمنع النبى من نشر دعوته و يشارك فى تعذيب اللى اسلموا من العبيد و الفقرا و اللى ملهمش مكانة كبيره فى قريش و كان قاسى و عنيف مع المسلمين و كان المسلمين بيخافوا من بطشه و من قوته. بس فى نفس الوقت كان بيعانى من صراع جوه قلبه ان دعوة النبى محمد , بتختلف عن عبادة الالهه اللى قريش بتعبدها و قسم مكة لنصين و ان الاسلام بيشكل خطوره على مركزه و سلطته بس فى نفس الوقت كان شايف ان الرسول كان معروف قبل ما يبتدى الدعوة بالصدق و الامانة و سمع كلام و دعوة الرسول و اثر فيه و كان معجب بثبات المسلمين برغم التعذيب و الاضطهاد اللى كانو بيشفوه و اقتناعهم انهم على حق. و كان النبى محمد دعى "اللَّهُمَّ أَيِّدْ الإِسْلاَمَ بِأَبِى الْحَكَمِ بْنِ هِشَامٍ أَوْ بِعُمَرَ بْنِ الْخَطَّابِ".

فى يوم قرر انه ينهى الصراع الداخلى اللى جوه ده و ان المشكلة كلها بسبب النبى فقرر انه حيقتله و يحل الموضوع , و طلع من بيته رافع سيفه و بيدور على النبى فشافه راجل يعرفه , كان مسلم و مش معلن اسلامه بسبب الاضطهاد و التعذيب , فاعلن له على نيته, فالراجل اتفزع و شاف ان مفيش وقت انه يروح يحذر الرسول و المسلمين و انه لازم يعطل عمر بأى شكل فحاول انه يخوفه من ان اهل النبى حينتقموه منه ف اصر انه حيقتل النبى فاضطهر عشان يعطله انه يقوله ان اخته فاطمة بن الخطاب و جوزها [[سعيد بن زيد]] اسلموا, و ان يشوف اهله الاول احسن, فسمع الخبر ده و اتغاظ اكثر و راح على بيت اخته. فى نفس الوقت كان اخته فاطمة بن الخطاب و جوزها سعيد بن زيد فى بيتهم مع الصحابى [[خباب بن الأرت]] اللى كان بيعلمهم الدين و بيقروا ال[[القرآن|قران]] , لما وصل عمر للبيت سمع همهمة غريبه جوه و دق الباب فهرب خباب بن الأرت و استخبى فى اوضه ف البيت و لما فتح له سعيد بن زيد الباب و لما سئله عمر اذا كان خبر انه اسلم هو و اخته صح ولا لا , فلما قاله انه صحيح ضربه و حاولت اخته انها تحوش اخوها عن جوزها فخبطها برضه و ده ممنعهاش انها تقف قدامه فرق قلبه و هدأ فطلب انه يشوف الورقة اللى فيه قرآن مكتوب ,اللى ف ايدها فقالت " يا اخي، إنك نجسٌ على شركك، و إنه لا يمسها إلا الطاهر" و اصرت انه يتوضى و لما اتوضى فعلا و قرأ الورقة كان المكتوب فيها جزء من سورة طه, {طه * مَا أَنْزَلْنَا عَلَيْكَ الْقُرْآَنَ لِتَشْقَى * إِلاَّ تَذْكِرَةً لِمَنْ يَخْشَى * تَنْزِيل مِمَّنْ خَلَقَ الأَرْضَ وَالسَّمَاوَاتِ الْعُلاَ * الرَّحْمَنُ عَلَى الْعَرْشِ اسْتَوَى * لَهُ مَا فِى السَّمَاوَاتِ وَمَا فِى الأَرْضِ وَمَا بَيْنَهُمَا وَمَا تَحْتَ الثَّرَى * وَإِنْ تَجْهَرْ بِالْقَوْلِ فَإِنَّهُ يَعْلَمُ السِّرَّ وَأَخْفَى * اللَّهُ لاَ إِلَهَ إِلاَّ هُوَ لَهُ الأَسْمَاءُ الْحُسْنَى}.

لما خلص قرأءة قرر انه يسلم فطلع خباب بن الأرت من مخبئه و ارشده عن مكان النبى مع صحابته فى دار الأرقم بن الأرقم. لما وصل لحد مكان النبى كان خبر نية عمر انه يقتل الرسول وصل , و احتشد عدد من المسلمين يدافعوا عن النبى , فلما دخل مسكه [[حمزة بن عبد المطلب]] عم النبى , فامره النبى انه يسيبه و اعلن عمر اسلامه ففرح باسلامه النبى و الصحابة كلهم , بعد ما اسلم على طول قال للنبى " يا رسول الله، ألسنا على الحق؟ , فقال الرسول " نعم" , فرد عمر " ففيمَ الاختفاء؟! , فخرج المسلمين كلهم لاول مرة و اعلنوا اسلامهم و صلوا صلاة علانية قدام الناس كلها و محدش قدر يتعرض لهم ولا يئذوا و كان عدده الاربعين ف اللى اسلموا. بعد كده اتحول عمر للدفاع عن المسلمين اللى بيتعذبوا و ابتدى يوقف اضطهادهم و كان بيشترى عبيد مسلمين و بيحررهم.

فى وقت الهجرة المسلمين من مكة للمدينة , كان الوثنين بيمنعوا المسلمين انهم يهاجروا و يسيبوا مكة و عشان كده كان المسلمين بيهاجروا فى السر , بس عمر اعلن انه حيهاجر قدام الناس كلها و اتحدى الوثنين انهم يمنعوه و محدش استجرأ انه يحاول يمنعه من خوفهم منه و طلع معاه فى حمايته 20 مسلم اغلبهم من الفقرا و الضعاف اللى مكنوش عارفين يهاجروا.

== خلافته ==
[[File:Mohammad adil rais-Caliph Umar's empire at its peak 644.PNG|دولة الخلفاء الراشدين فى عهد عمر بن الخطاب|250px|thumb|left]]

لما احس الخليفه ابو بكر انه قارب موته , جمع الصحابه من [[المهاجرين و الأنصار]] و استشارهم عن رأيهم ف تولى عمر الخلافه من بعده , فقالوا انه مناسب و احسن واحد يتولى المنصب ده , بس كان فيه ناس متخوفين من ان عمر يبقى خليفه عشان شدة و غلظة و القوة اللى عمر بن خطاب كان معروف بيها , بس اقتنعوا انه مناسب للمنصب , لما وصل الكلام ده لعمر قال للناس «"بلغنى أن الناس هابوا شدتي، وخافوا غلظتى او قالوا قد كان عمر يشتد علينا ورسول الله بين أظهرنا، بعدين اشتد علينا و أبو بكر والينا دونه؛ فكيف و صارت الامور إليه؟ أيها الناس إنى قد وُليت اموركم، أيها الناس فاعلموا أن تلك الشدة قد أُضعفت لكن إنما تكون على اهل الظلم">>. و لما توفى ابو بكر اتولى عمر الخلافه.

عهد عمر بن الخطاب كان فيه انجازات اداريه و حضاريه و توسع لدولة الخفا الراشدين , فهو اول من استخدم [[تقويم هجرى|التقويم الهجرى]] بعد مشوره للصحابى [[على بن ابى طالب]] , و اول من عمل الدواوين زى بيت المال ( وزارة الماليه دلوقتى) و دار الدقيق ( وزارة التموين دلوقتى) للدولة و اهتم بعمل مدن جديده زى [[الكوفه]] و [[البصره]] و وسع الجامع النبوى و خلى الجزيه , الضريبه اللى بيدفعها [[اهل الكتاب]] عشان ميدخلوش الجيش فى مقابل حمايتهم , بتتطبق على حسب المستوى المعيشى و الاجتماعى و كان بيعفى منها اللى مكنش يقدر يدفعها. من اشهر الحاجات اللى عملها عمر بن الخطاب هو القانون و الوثيقة اللى اتعرفت ب[[العهدة العمرية]] لما المسلمين فتحوا [[القدس]] , و امن [[مسيحيه|المسيحين]] على [[كنيسه|كنايسهم]] و ممتلكاتهم و انهم لهم كل الحقوق و الواجبات و منع و جرم اى تعرض لهم. و عمل قوانين جديده للجيش زى فترة للتجنيد الاجبارى للشباب , حرس الحدود , و حدد خدمة العساكر فى الجيش ( و حددها 4 شهور) , و قسم الجيش لقوات احتياطيه نظاميه و عمل ديوان للجيش لكتابة تقراير و كلف مترجمين و قضاه و اطباء انهم يرافقوا الجيش.

فى عهده المسلمين دخلوا بلاد [[تشام|الشام]] و [[العراق]] و [[فارس]] و [[مصر]] , [[ليبيا]] , [[اذيربايجان|أذربيجان]] و [[نهاوند]] و [[جرجان]] و [[افغانستان|افغنستان]].

== إغتياله ووفاته ==

فى يوم الاربع 26 ذى الحجة سنة 23 هـ/ الموافق 644 م فى صلاة الفجر و هو بيؤم الناس فى الجامع و لما سجد فى الصلاة , طعنه بخنجر مسموم تلات طعنات واحد فارسى اسمه فيروز و معروف باسم ابو لؤلؤة , اللى حاول يهرب و ضرب تلاتشر واحد (مات منهم سبعة) و هو بيحاول يهرب وفى الاخر انتحر قبل ما يتمسك. الناس شالت الخليفه اللى كان لسه عايش لبيته و كلف [[عبد الرحمن بن عوف]] انه يكمل الصلاة بالناس. قبل ما يموت اختار ستة من الصحابة الكبار و هم [[عثمان بن عفان]] ، [[على بن ابى طالب]] ، [[طلحة بن عبيدالله]] ، [[الزبير بن العوام]]، [[عبد الرحمن بن عوف]]، [[سعد بن ابى وقاص]] و كلفهم انهم يختاروا واحد منهم انه يبقى خليفة و ادلهم تلات ايام عشان يختاروا و فى الاخر اختاروا عثمان بن عفان عشان يبقى خليفة للمسلمين.

== مكانته الدينيه ==
[[الاسلام|المسلمين]] من [[اهل السنة و الجماعه|من أتباع المذهب السنى]] مؤمنين أن احسن الناس بعد النبى [[محمد]] هم بالترتيب [[ابو بكر|ابو بكر الصديق]]، عمر بن الخطاب. و بعدين [[عثمان بن عفان]] و بعدين [[على بن ابى طالب]] , اللى هم [[الخلفاء الراشدين|الخلفا الراشدين]] بالترتيب.

وعند [[المسيحين]] هو صاحب [[العهدة العمرية]] الشهيرة فى فتح القدس، لأنها القدس اتفتحت بعهده بسلام ودون دم، وادا الأمان للمسيحين وكنايسهم.

== مصادر ==
{{مصادر|30em}}
{{الخلفاء الراشدين}}

[[تصنيف:صحابه]]
[[تصنيف:الخلفاء الراشدين]]
[[تصنيف:العشره المبشرين بالجنة]]