Cordal
Un cordal o cordalera ye una socesión de montes enllazaos ente sí. Constituyen zones plegaes o en fas de plegamientu. En dos xeosinclinales, o zones allargaes asitiaes nos bordes de los continentes, acumúlase un gran espesor de sedimentos; cuando comprímense estos materiales gracies a les fuercies llaterales, pliéguense y dan llugar a la formación de cadenes montañoses. A esti tipu pertenez la mayor parte de les grandes cordaleres continentales: Alpes, Himalaya, Andes, ente otres. Amás de les fuercies internes del planeta, intervienen nel modeláu del relieve axentes esternos, como'l vientu o l'augua, y procesos lligados al clima, a la vexetación y al suelu.
Les plaques tectóniques
Una cordalera puen producila los movimientos internos de les plaques teutóniques. Por exemplu, l'Himalaya n'Asia ye'l resultáu de la placa teutónica de la India chocando cola del sur d'Asia, faciendo asina un llevantamientu del tarrén na llinia d'impautu. A vegaes, esto pue producir un volcán. Un exemplu d'esto ye'l Vesubiu.
Actividá volcánico
Los montes solitarios son les más de les vueltes el resultáu d'un procesu volcánicu, pero, en dellos llugares, como en Hauai, estes dinámiques puen resultar nuna cadena de montes, que pue considerase una cordalera.