Тратылавы эквівалент
![](http://upload.wikimedia.org/wikipedia/commons/thumb/6/66/Nukecloud.png/280px-Nukecloud.png)
Траты́лавы эквівалент — мера вызваленьня энэргіі высокаэнэргетычных падзеяў, прыведзеная ў колькасьці трынітраталюолу (ТНТ), які вызваляе пры выбуху роўную колькасьць энэргіі.
Удзельная энэргія выбуховага раскладаньня трынітраталюолу ў залежнасьці ад умоваў правядзеньня выбуху вагаецца ў дыяпазоне 980—1100 кал/г. Для параўнаньня розных відаў выбуховых рэчываў умоўна прынятыя значэньні 1000 кал/г і 4184 Дж/г.
- 1 грам трынітраталюолу вызваляе 1000 тэрмахімічных калёрыяў, або 4184 джоўляў;
- 1 кіляграм ТНТ = 4,184×106 Дж;
- 1 тона ТНТ = 4,184×109 Дж;
- 1 кілятона (кт) ТНТ = 4,184×1012 Дж;
- 1 мэгатона (Мт) ТНТ = 4,184×1015 Дж;
- 1 гігатона (Гт) ТНТ = 4,184×1018 Дж.
Гэтыя адзінкі выкарысоўваюцца для ацэнкі энэргіі, якая вызваляецца падчас ядзерных выбухаў, выбухаў хімічных выбуховых прыладаў, падзеньняў астэроідаў і камэт, выбухаў вульканаў.
Энэргія выбуху ядзернай бомбы «Малы» над Хірасімай 6 жніўня 1945 году паводле розных ацэнак складае ад 13 да 18 кт ТНТ, што адпавядае поўнай канвэрсіі ў энэргію прыблізна 0,7 г масы ().
Для параўнаньня, агульнае сусьветнае спажываньне электраэнэргіі за 2005 год (5×1020 Дж) адпавядае велічыні 120 Гт ТНТ, або ў сярэднім 3,8 кт у сэкунду.