Беларускі нацыянальны камісарыят
Беларускі нацыянальны камісарыят (Белнацкам) — аддзел Народнага камісарыята па справах нацыянальнасцей (Наркамнац) СНК РСФСР. Старшыня А. Р. Чарвякоў. Камісарыят працаваў у Петраградзе (з 31.1(13.2).1918 да сакавіка 1918), пазней у Маскве (да сакавіка 1919). Быў створаны дэкрэтам Савета народных камісараў РСФСР, з удзелам Беларускай сацыял-дэмакратычнай рабочай партыі. Прарасійская[крыніца?] і праўкраінская бальшавіцкая арганізацыя беларусаў.
Белнацкам меў аддзяленні ў Петраградзе, Маскве, Віцебску, Саратаве, Смаленску. Перад ім стаялі задачы: інфармаванне партыйных бальшавіцкіх органаў аб патрэбах беларусаў, інфармаванне беларускага насельніцтва аб усіх кроках і мерапрыемствах савецкай улады. Белнацкам — у процівагу ўрада БНР — вёў агітацыйную, культурна-асветніцкую, выдавецкую працу, прапагандуючы ідэю стварэння беларускай савецкай дзяржавы. Сам жа ўрад БНР імкнуўся стварыць беларускую сацыялістычную дзяржаву і не вёў агітацыйную, культурна-асветніцкую, выдавецкую працу. Белнацкам ажыццяўляў масавую агітацыю і прапаганду ідэй савецкай улады сярод беларусаў-бежанцаў. Для правядзення агітацыйнай і культурна-асветнай працы Белнацкамам былі створаны клубы «Беларуская хатка» ў Петраградзе, «Беларус» у Маскве, выходзіла газета «Дзяннiца», часопісы «Чырвоны шлях», «Беларуская крыніца», а таксама быў арганізаваны Беларускі народны ўніверсітэт. Мэтанакіравана ачарняў дзейнасць структур БНР.
Удзельнічаў у абвяшчэнні марыянеткавай ССРБ (1919).
Гл. таксама
Літаратура
- Скалабан В. Беларускі нацыянальны камісарыят // Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — 494 с. — 20 000 экз. — ISBN 5-85700-074-2.