Avstriya-Macaristan

Avstriya-Macaristan alman: Österreich-Ungarn macar: Osztrák–Magyar alman: Österreichisch-Ungarische Monarchie macar: Osztrák–Magyar Monarchia
1867-1918
Bayraq Tuğra
Avstriya-Macaristan haritada
Paytaht	Viyana, Budapeşt
Resmiy tiller	Alman tili, Macar tili
Devlet qurumı	Monarhiya

Avstriya-Macaristan resmiy adı Avstriya Macaristan Monarhiyası – Avstriya ve Macaristannıñ qurduğı tarihı bir devlet. Birinci Cian cenkinden soñ dağılğan ve başqa devletler peyda olğan.

Sabıq Avstriya-Macaristan territoriyasında zemaneviy Avstriya, Bosniya ve Hercegovina, Macaristan, Slovakiya, Sloveniya, Hırvatistan, Çehiya devletleri, em de Romaniya territoriyasınıñ aman-aman yarısı yerleşe (Transilvaniya tarihiy vilâyeti ve Suçova çetesi); bazı qısımları İtaliya (Trencino-Alto-Adige muhtariyet vilâyeti, Friuli-Venetsiya-Juliya vilâyetiniñ bir qısmı, şu cümleden Triest), Poloniya (Küçük Poloniya ve Karpataltı voyevodalığı), Sırbistan (Vodyevodanıñ muhtariyet ülkesi, Belgradnıñ bir qısmı), Çernogoriya (Kotor körfezi) terkibine kire; Ukraina devletiniñ ğarbiy qısımları Zakarpatye (Karpattadan tış vilâyeti), Şarqiy Galitsia (İvano-Frankovsk, Lvovsk, Terno Poloniya vilâyetleri) ve Şimaliy Bukovina (Çernovsk vilâyeti) tarihı Bundan da ğayrı, imperiya daa Çinniñ Tianjin şeerinde kvasi-koloniya konsessiyasına saip edi.

Avstriya-Macaristannıñ qurulışı

1804 senesi Habsburglar sülâlesinden II Frants öz soyunıñ miras mülklerinde Napoleonnıñ imperiyasına zıt olaraq Avstriya imperiyasını ilân etti. Bir qaç on yıldan soñ, 1848 senesi, Avstriya İmperiyasında inqilâp başlandı, oña "halqlarnıñ baarı" da deyler. Milliy-azatlıq areketleri quvetleşti. 1849 senesi isyan Rusiye ordusınıñ yardımı ile bastırıldı, lâkin imperiya pek zayıfladı.

1850-ıncı 1860-ıncı seneleri Avstriya İmperiyası 1848 senesine qadar Avstriya İmperiyası federativ hususiyetini saqlap qaldı, 1848-1849 seneleri inqilâpları bastırılğan soñ, merkeziy akimiyet ile mutlaq ve iç bir şey ile sıñırlanmağan (1849 senesiniñ anayasası 1851 senesiniñ aprelinde lâğu etildi) unitar devletke çevirildi.

İmperatorlıqta qurulğan rejim, bürokratizatsiyanıñ yüksek derecesinen ve doğrudan-doğru Venanıñ memuriyetçiligi ile belgilene edi. Regional hususiyetni ve vilâyetlerniñ içki muhtariyetini yoq etken bah sisteması (içki işler naziri Aleksandr Bahnıñ adı ile) peyda oldı.

Macaristanda arbiy, politsiya ve tsenzura quvetleştirildi. Buna baqmadan, neoabsolütizm şaraitlerinde bile şahsiy mülkiyetni idare etüv serbestligi, qanun ögünde er kesniñ musaviyligi saqlanıldı, 1853 senesi ise, köylülerniñ qasaba vaziyetini yoq etken Agrar islâatı keçirildi.

1850 seneleriniñ soñunda Avstriya Avropada bütünley izolâtsiyağa oğradı: Qırım cenki vaqtında Avstriya Dunay knyazlığına kirişüvi Rusiye ile ittifaqnı bozdı, cenkte faal iştirak etmekten vazgeçüvi ise Frenkistannı ondan uzaqlaştırdı.

Prussiya ile munasebetler de, Almaniya konfederatsiyasında Avstriya-Prussiya reqabeti ve Nevşatelniñ mirasçılığı aqqında zıddiyet sebebinden bozulğan edi.

1859 senesi Avstriya-İtalya-Frenkistan cenki başlandı, neticede Avstriya silâlı quvetleri Solferino yanında uruşta ğayıp oldı, Lombardiya ğayıp oldı ve küçlü İtaliya qırallığı meydanğa ketirildi.

Cenkte yeñilüvi imperiya içindeki ciddiy bir buhranğa sebep oldı. Akimiyetniñ faal areketler yapmağa qabiliyetsizligi ve milletlerniñ imperiya siyasetine qol tutmaqtan vazgeçüvi açıq-aydın körüne. Ükümetke qarşı kütleviy çıqışlar başlandı, hususan Macaristanda (1848-1849 seneleri inqilâbı hatırasına 1860 senesi martnıñ 15-nde Peştada numayış, İştvan Seçenniñ ölüminden soñ memlekette mitingler).

Bütün bular imperatornı memleketniñ milliy areketlerine qol tutmağa mecbur etti. 1860 senesi oktâbrniñ 20-nde ⁇ Oktâbr diplomu ⁇ ⁇ imperiyanıñ yañı anayasası çıqarıldı, o, regionlarnıñ muhtariyetini tikledi ve regional landtaglarnıñ, eñ evelâ qanun çıqarıcı teşebbüs aqqını alğan Macar devlet toplaşuvınıñ aqlarını keñleştirdi. Macaristanda komitatlar sisteması ğayrıdan tiklendi, ve Macar tili Macaristan territoriyasında resmiy olaraq ilân etildi.

Bunen beraber, "Oktâbr diplomu" Macar cemiyetini tınçlandırmadı: 1849 senesiniñ anayasasını tolusınen ğayrıdan tiklemek talapları ile narazılıqlar devam etti. Aynı zamanda diplom, macarlarğa mahsus aqlar berilmesine qarşı narazılıq bildirgen imperiyanıñ slavân qısımlarınıñ ve yañı imperiyalı reyhstratta almanlarnıñ azlıqta bulunmasından qorqqan Avstriya liberallarınıñ narazılığını doğurdı.

Neticede 1861 senesi fevral 26 künü ⁇ Fevral patentı ⁇ derc etildi, o, oktâbr anayasasını merkeziyleştirüv ruhunda deñiştirdi: regional landtaglarnıñ aqları bayağı qısqartıldı, imperiya reyhstratınıñ vekâletleri ise bayağı kenişletildi.

Macaristan Devlet toplaşuvı "Fevral patentini" tasdıqlamadan vazgeçti ve öz vekillerini imperatorlıq parlamentine yollamadı. Emperatorğa 1849 senesiniñ anayasasını ğayrıdan tiklemek ricası ile Deaknıñ ⁇ petitsiyası da qabul etildi. Amma imperator muracaatnı red etti ve 1861 senesi avgustnıñ 22-nde devlet toplaşuvı ve yerli komitet toplaşuvlarını dağıttı.

Macaristanda fevqulâde vaziyet rejimi kirsetildi (Şmerlingniñ ⁇ provizoriumi ⁇ ), tezden o imperiyanıñ diger regionlarına da tarqalğan edi. 1863 senesi imperatorlıq parlamentini çeh ve poloniya deputatları terk etti, bu ise onıñ işini bütünley toqtattı. Böyleliknen, islâatlar ıntıluvları muvafaqiyetsiz oldı, bunı 1865 senesi imperator da tanıdı, 1860 senesiniñ anayasasını lâğu etti.