Harry Saltzman

Cynhyrchydd ffilm a theatr oedd Harry Saltzman (27 Hydref 1915 – 28 Medi 1994), sydd fwyaf enwog am gynhyrchu'r gyfres o ffilmiau James Bond gyda Albert R. Broccoli. Treuliodd y rhan fwyaf o'i fwyaf yn byw yn Denham yn Swydd Buckingham.

Bywgraffiad

Ganwyd Saltzman yn Sherbrooke, Quebec, Canada, ond rhedodd i ffwrdd o'i gartref pan oedd yn 15 oed yn ôl ei frch Hilary Saltzman yn rhaglen ddogfen Ian Fleming Foundation, Harry Saltzman: Showman. Ymunodd â syrcas pan oedd yn 17, gan mynd ar daith gyda hwy am nifer o flynyddoedd. Erbyn cychwyn yr Ail Ryfel Byd ym 1939, roedd yn gwasanaethu yn Byddin Canada yn Ffrainc. Mae'n debyg y bu ei wasanaeth yn y fyddin yn cynnwys tipyn o waith cudd yn canfod gwybodaeth.

Ar ôl y rhyfel, canfodd Saltzman ei hun ym Mharis, lle cyfarfodd â ffoadur o Romania, Jaquie, a priodasont. Bu'n gweithio fel sgowt talent yn chwilio am bobl i ymddangos mewn cynhyrchiadau Ewropeaidd ar y llwyfan, y teledu ac mewn ffilm. Fe gasglodd nifer enfawr o gysylltiadau yn y busnes adloniant, a daeth ef yn y person a drodd pawb ato pan oedd ganddynt broblem gyda talent neu cynhyrchu. Er ei holl uchelgeisiau, roedd rhain yn flynyddoedd caled ar gyfer teulu Saltzman, yn ôl ei fab Steven. Yn raddol, daeth Saltzman yn fwy llwyddianus gan gynhyrchu dramâu ar y llwyfan. Symudodd y teulu o bedwar i Brydain yng nghanol yr 1950au, lle ddechreuodd gwmni Woodfall Productions, unwith eto yn cynhyrchu ar gyfer y theatr, cyn mynd i fewn i'r busnes ffilm, gan gynhyrchu The Iron Petticoat (1956), addasiad simeatig o ddrama.

Eginyn erthygl sydd uchod am Ganadiad. Gallwch helpu Wicipedia drwy ychwanegu ato.